aj ke bhautik yug men jahan sabhi log uchch pad, arthik samriddhi aur adhik se adhik pane ko lalayit rahte hain, vahin ek varg aisa bhi hai jise thore se hi santosh prapt ho jata hai aur ve apna jivan adhyatm, ishvar-chintan v sadguruon ke sath bitane men hi apne ko dhanya samjhte hain. ishvar-sadhna men unko ek vishesh sukh milta hai.
aise hi ek shakhs se meri mulakat brahmakumari ashram men hui. ramanand ji atyant hi shant, saumya v ganbhir vyaktitva ke vyakti hain. ve sahayta ke lie kam karte hain v seva ke lie sada tatpar rahte hain. unkee sanindhya men jab kuch samay bita to unhen apne jivan ke bare men jyotishiya jankari lene ki utsukta hui aur jab unki janmapatri dekhi to vakai ek anokhi patri lagi jo main ap sabse sheyar karna chahungi. ramanand bachapan se hi kafi satvik v santoshapriya vyakti hain.
bachapan men dasvin karne ke pashchat hi unhen naukri ki talash men idhar se udhar bhatkna para aur choti umra men hi unhonne ghar chor diya, shighra hi naukri mil bhi gai lekin ghar se beghar hokar unhonne kabhi chinta nahin ki ki naukri choti hai ya bari. jaisi naukri mili, kar li aur jitne din kam laga, utne din hi kam kiya aur jab man uchta to fauran hi naukri chorakar kuch din bhagavat bhajan men lagae aur fir dubara se naukri dhunrh li.
isi tarah manmauji ki jindgi jite hue ramanand ne karib basath naukriyan badlin, alg-alag kanpniyan, alg-alag kism ka kam. bhanti-bhanti ke logon ke sanpark men ae aur har jagah apne vyaktitva ki alag chap chori. vivah ke prati kabhi dhyan hi nahin diya aur n hi vivah karne ki sochi. ek bar ghar chora to dobara ghar ka sukh bhi nahin.
bas, ab to brahmakumari ashram hi unka ghar lagta hai jahan akar unhen sabka sneh aur bhari sukun milta hai. kisi jarurtmand ki madad karke unhen atmik shanti milti hai, isilie jo bhi kamate hain uska adhikatar bhag dan kar dete hain, bachat men vishvas nahin rakhte. unhonne yah bhi bataya ki ve gupt rup se sahayta karna pansad karte hain. unhen kisi mandir men dan dene men shraddha nahin hai. kisi jarurat mand ki sahayta karna unhen adhik ruchikar aur sarthak lagta hai. bhagvan ke pas to asim shakti hai.
ve hi to hamen itna samathrya dete hain ki ham auron ki sahayta kar saken to kyon n us samathrya ko uchit disha men lagaya jae. bhagvan ka diya paisa bhagvan ke mandir men arpan karne ki apeksha unhen daridra narayan svarup din dukhiyon ki seva men arpan karna adhik shreyaskar lagta hai.
prabhu par gahri astha hai aur yahi vishvas hai ki jaise ab tak itni jagah kam karke apna v auron ka bhi pet bhara hai, age bhi bhagvan unhen aise hi chalayman rakhenge aur unhen is kabil banayenge ki ve sada paropkar ka karya khushi se karte rahen. aiye, karte hain ramanand ki patri ka vishleshn- ramanand ki kundli men kutanubesh budh, sukhesh mangal tatha panchmesh aur ashtamesh guru chathe bhav men shani aur ketu ke sath baithakar barhven bhav arthat algavvadi bhav men baithe prithktavadi rahu see drisht hai
arthat rahu, ketu, shani, mangal adi sabhi prithktavadi grahon ki yuti v apsi drishti ke karan ramanand ko bachapan se hi parivar ka pura sukh nahin mila aur n hi vidya ko pura kar paye aur bachapan men hi parivar se prithak ho gaye. kutunbesh budh chathe bhav men vakri hokar ashubh fal pradan kar rahe hain jiske karan abhi tak apna ghar bhi nahin basa pae. saptamesh shani bhi chathe bhav men sthit hai aur navansh men nich rashi men hone ke karan kamjor sthiti men hai
vivahkarak shukra bhi krur grah surya ke sath saptam bhav men sthit hokar vivah ke bhav ko kharab kar rahe hain isilie abhi tak vivah bhi nahin hua. ramanand ki kundli men vyayesh chandrama dasham bhav men apni uchch rashi men baithe hain parantu navansh men nich ke shani ke sath char rashi men baithakar ashubh fal pradan kar rahe hain isilie unhonne ab tak tikakar lanbe samay tak kahin kam nahin kiya aur basath naukri badal chuke hain.
dusri or agar dhyan den to payenge ki panchmesh guru ki karm bhav v dhan bhav par drishti hone ke karan unhen shighra jivika prapt bhi ho jati hai. ramanand ki kundli men vyay bhav men char rashi ka rahu sthit hai. dhanesh evan labhesh budh evan dhankarak grah guru chathe bhav men baithakar vyay bhav se sanbandh bana rahe hain isilie unhen kabhi bhi adhik sanpÿia arjit karne ki chah nahin rahi aur jo kuch bhi kamaya, uska adhikatam bhag paropkar, dan v satsang men kharch kar dete hain. inki kundli men ek hi sthan par panch grah hone se ‘pravrajya’ namak yog ban raha hai.
jiske karan inke jivan men hamesha virakti ka bhav hai, jiske karan yah kabhi bhi ek sthan par moh karke tike nahin rahe. jab inki marji ayi, inhonne apna avas aur jivika badlne men jara bhi sankoch nahin kiya, sadhu-santon ki tarah vicharan karte rahe. agar grahon ka dasha-kal dekhe to lagabhag 9 varsh ki umra se inki mangal ki dasha ka kal praranbh hota hai, uske bad rahu ki dasha chali tatha vartaman men 1996 jun se brihaspati grah ki dasha chal rahi hai.
tatha uske bad bhavishya men shani, tatha fir budh ki mahadsha rahegi. arthat jo bhi dashaen inki purn ho gai hain aur age bhavishya men purn hogi, un sabhi grahon ka sanbandh pravajya yog se hai. yah yog chathe bhav men bana hai. un sabhi grahon ki drishti vyay bhav par hai jiske karan age bhavishya men bhi inke jivan men sthirta nahin ayegi tatha yah isi tarah apna sanpurn jivan vyatit karenge.
adhyatmik drishti se bhi ramanand purn astik hain, nitya-dhyan, yog v satsang adi men bhi inki gahan ruchi hai kyonki navmesh evan panchmesh ki yuti ke karan purva janm se hi adhyatmik vishyon ke prati inki abhiruchi hone ke sanket milte hain aur isilie brahmakumari sansthan men inki gahri astha hai.