agast mahine ka barah rashiyon ka fal tairo riding dvara kramanusar is prakar hai: mesh rashi mesh rashi vale vyaktiyon ke liye paramarsh hai ki agast mahine men jo bhi kam karen bahut soch samajhakar karen. kisi bare vyakti ki salah lekar karen nahin to nuksan ho sakta hai. koshish karen ki usse paramarsh len jisko sanbandhit vishay ki gahan jankari ho. vyapar ke vistar athva nivesh adi men bhi sanbandhit peshevar visheshagya ki salah lena uchit hoga. kisi nyayik prakriya, vivad men bhi kisi vakil se paramarsh le kar nirnay karen. shesh nag (nag devta) ki puja se athva shiv ki aradhna se samasyaon ke samadhan men sahayta mil sakti hai.
vrishabh rashi vrishabh rashi vale vyaktiyon ke lie agast ka mahina bahut shubh hai. apko apna kariyar banane ke liye achche avasar mil sakte hain. apke jivan men santulan bana rahega. vivah yogya yuvak v yuvti ko parfekt partanar milne ka yog hai. agar ap jaeb dhunrh rahe hain to sanbhavna hai apko jaldi jaeb mil jaye. agar vyapar aranbh karne athva vistar karne ki soch rahe hain to yah iske lie upyukt samay hai. agar baink adi se lon lena chahte hain to uske milne ki sanbhavna hai. bhagvan ram ki puja archana se apke karya siddh honge. mithun mithun rashi valon ke liye tairo kahte hain ki vah bahut soch samajhakar dusron ke prati apni bhavnaen prakat karen.
jitni satyata se ap apne manobhav uske age prakat kar rahe hain vah utni satyata se use svikar n karen to ap hansi ke patra ban sakte hain. apmen sach ko sahan karne ki himmat hai, sahas hai. apko apni bhavnaon par niyantran rakhne ki avashyakta hai. dusron ke prati soch vichar kar apne vichar prakat karen. sachchai se kahi gai bat bhi kabhi-kabhi purnatah svikar nahin ki jati aur anavashyak viprit paristhitiyan utpann ho jati hain. mithun rashi valon ko kisi bhi kshetra men soch samajhakar age barhna hai. agar ap purani jaeb chor kar badlne ja rahe hain to savdhan rahiye ho sakta hai ismen ap pahle se bhi jyada asantusht rahen. agar bijnes kisi partanar ke sath mil kar karne ja rahe hain to ho sakta hai apka bijnes partanar apke sath utna imandar sabit n ho jaisa ki ap ne socha tha. narsinh dev ki puja se apko labh ho sakta hai. kark rashi kark rashi vale vyaktiyon ke lie agast mah bahut shubh nahin hai. ap charon or se samasyaon se ghire rahenge jinse niklne ka koi rasta nikalna mushkil hai. koi sharirik bimari ya pareshani bhi ho sakti hai. mah agast apke liye bahut shubh nahin hai.
is mah men apki samasyaen prabal hongi aur samadhan milne men kathinai hogi. svasthya sanbandhi samasyaen bhi a sakti hain. arthik hani ki bhi sanbhavnaen ho sakti hain. naukri adi men bhi samasyaen a sakti hanai. apko len-den evan vyavhar men satark rahne ki avashyakta hai. vidyarthiyon ko purn manoyog se parhai par dhyan dene ki avashyakta hai. ghar grihasthi grah kalah ko talne aur shanti banaye rakhne ka prayas karen. man durga ki puja prarthana karen apko sahayta milegi. sinh rashi agast mah sinh rashi ke liye bahsbaji ka samay hai. parivarik vivad, kisi parosi ya kisi bijnes partanar ke sath bhi vivad ho sakta hai. agar ap rajniti men hain to dusri parti ke logane se bhi vivad ho sakte hain. ap men netritva ki kshamata hai. kartikey bhagvan ki puja karna apke lie labhdayak hai. gutbaji men arthik hani aur tor-for ki sanbhavna ho sakti hai. vidyarthiyon ki shiksha men vyavdhan parne ka yog hai.
apke andar netritva ki kshamata hai. apne uchit vyavhar se ap paristhitiyon ko niyantrit kar payenge. ap bhagvan kartikey ki puja karen to apke liye labhdayak hoga. kanya rashi kanya rashi vale savdhan rahen. apke sath koi dhokha kar sakta hai. dusrane par vishvas karne se pahle use achchi tarah janch parakh len. apko thagon se savdhan rahne ki avashyakta hai. apko naukri ka ashvasan de kar koi apke paise lekar apke sath dhokha kar sakta hai. vyapar-sajh edari men apke sath dhokha ho sakta hai. apke gharelu naukr/naukrani bhi apko dhokha de sakte hain. dusron par vishvas karne se pahle uski janch sunishchit karne se bachav ho sakta hai. ap men logon ko samjhne ki kshamata hai. bhagvan ram ki aradhna karen, labh hoga. tula rashi tula rashi vale vyaktiyon ke lie yah achcha samay hai apne uddeshya men saflta pane ka. halanki uske lie apko kafi mehanat karni paregi, kathinaiyan bhi ayengi par anttah saflta milne ki sanbhavna hai. apke andar apne kam ko barhane ki pratibha hai. ap apne vyapar ko vistar dene, age barhane ki kshamata rakhte hain. ap apni naukri men uchch pad prapt kar sakte hain.
ap jis kam ko hath men lete hain use puri mehanat se karte hain. yah mah apko mehanat ka purnafal dega. garur bhagvan ki puja apke liye labhdayak siddh hogi. garur bhagvan ki prarthana karne se apko labh milega. vrishchik rashi jinki rashi vrishchik hai unka man asthir rahega, bhramkta bani rahegi. anttah badhaen dur ho jayengi. agar ap vyapar karte hain to ap shankit rahenge, kahin apko vyapar men nuksan n ho jaye atah nirnay lete samay savdhani barten. agar ap naukri men hain to apko yah shanka rahegi kahin apka baes naraj n ho jaye, apki riport galat n ho jaye, jisse apke pramoshan par asar parega. agar ap bimar hain to shanka rahegi kahin apko koi bhayankar bimari n ho atah kisi achche daektar ko dikha den. agar ap vidyarthi hain to yah shanka rahegi ki kahin fel n ho jaen. atah man lagakar parhen. shanka ya bhramkta ke karan apne ghar ki shanti bhang n karen. pati-patni apas men ek-dusre par vishvas banaye rakhen. parvati man ki aradhna apko sahyog degi. ganesh bhagvan ki puja se badhaen dur hone ki sanbhavna hai. dhanu rashi dhanu rashi vale vyaktiyon ke lie ab arthik labh ka samay hai.
koi bhi kam karenge to usmen labh adhik milne ki sanbhavna hai. agast mah men vyapar len-den athva achal sanpatti ki kharid/bikri men bhi labh ki sanbhavnaen banti hain. apke liye yah mah samajik rishte nibhane men bhi apko man-samman milne ka yog hai. jo vidyarthi shiksha prapt kar rahe hain unke lie bhi yah shubh hai. man laga kar parhai karen anukul parinam milega. apke dushmanon ki har nishchit hai. parvati man ki puja se apke sare karya siddh honge. makar rashi makar rashi vale vyaktiyon ke lie kariyar banane ka anukul samay hai. agar koi kisi kampatishan men baithna chahta hai to usmen saflta milne ki sanbhavna hai. agar ap koi naya vyapar shuru karna chahte hain to usmen bhi apko labh hoga. baink adi se lon lena chahen to saflta milne ka avasar hai. apne uddeshya ko samne rakh kar age badhane, apke lie shubh samay hai. ishvar ka ashirvad apke sath hai;
apka sara bhram dur ho jayega. ishvar ki prarthana se apko sahyog milega. subhadra man apke sare bhram dur kar dengi. unki aradhna karen. kunbh rashi apne tailent ka istemal karke ap apni sthiti sudhar sakte hain. ap pratibhavan hain, vyavsay, naukri, shiksha netritva adi har kshetra men apni pratibha ka upyeag karke labh utha sakte hain. samaj men pratishthit vyakti banne ka avasar apko mil sakta hai. yah mah apke sapnon ko pura karne ke lie anukul hai. ishvar ki bhakti se apke sare karya siddh honge. krishn bhagvan ki puja-archana karne se vishesh labh hoga. min rashi min rashi valon ke lie yah uchit samay hai.
ap kuch banne, thos karne ki sochte hon, aur ab tak paristhitiyan vash men n kar paye hon to agast 2015 apke liye vishesh shubh samay hai. apni ichchaon ko jagrit karen aur unki prapti hetu prayas karen. manoyog se kiye gaye parishram se apke sapne sakar hone ke yog hain. apke andar ke sabhi dukh khushiyon men badal sakte hain. kali man ki puja karen, man apke andar dabi hui kamnaon ko pura karengi.