shruti gupta vastu dosh apke ghar men hai ya nahin, iska pata ap apne janm dinank se prapt kar sakte hain. janm dinank se vastu dosh janne ki saral vidhi janie is lekh se. janm hote hi hamare sath kuch ank jur jate hain. jaise ki janm tithi ka ank, janm samay ki hora v janm sthan adi. in sab ke adhar par jyotish v ank jyotish ki gannayen ki ja sakti hai.
agar ham 'gita men shri krishn dvara bataye gaye karma-siddhant par vishvas karte hain to is bar apko apka 'janm dinank' apke pichle karmon ke adhar par prapt hua hai jismen pratyek ank mahattva rakhta hai. varg paddhati men 'janm dinank' men ane vale pratyek ank ko varg men darshaya jata hai.
sabhi ank unke niyat sthan par darshane ke uprant bhi kuch sthan rikt rah jate hain. ye rikt sthal is janm ko jine ki rah dikhate hain. shastron men nau grahon ke nau yantra hain jinka adhar nimnalikhit 'surya yantra hain. surya yantra ke adhar par hamare ghar men vastu dosh kahan hai, iska pata jatak v uski patni ki 'janmatithi ke adhar par lagaya ja sakta hai.
'surya yantra' me ndi gai sankhya ka kisi bhi disha se yog karen to yogafal 15 hi hoga. 'grah vastu dosh' janne ke liye hamen janm dinank men ane vale pratyek ank ko (dinank, mah, varsh v shatabdi ke ank ko) uprokt 'surya yantra' ke adhar par unke sthan par darshana hoga.
yadi koi ank us 'janm dinank' men nahin aya hai to uske sthan ko varg men rikt rahne denge. isi rikt sthan par 'vastu dosh' hai, aisa ham janenge v 'vastu upchar' bhi usi ke anusar karenge. udaharan ke liye ek purush jatak v uski patni ki janm tithi kramshah 13-12-1956 v 5-5-1958 hai.
'surya yantra' par adharit varg inke liye is prakar banegen. is jatak ke nivas grih men dakshin-purva (agney) v pashchim disha men ( ddra ) rikt varg vali disha men vastu dosh hoga. patni ke janm dinank ne pati ke varg men ank 8 (a ) se ishan disha men hone vale dosh ko dur kar diya hai v pati ke janm dinank ne patni ke varg men ank 6, 2 v 4 kramshah vayavya, rnaitya v purva disha men hone vale vastu doshon ko dur kar diya hai.
ajakal sanpatti pati v patni donon ke nam par hoti hai. atah ve ek dusre ke purak ho jate hain. isse gyat hoga ki disha anusar grih men kya-kya vastu dosh ho sakte hain? dosh ka pata chalne par uske upay bhi kiye ja sakte hain. disha ke anusar nimnalikhit dosh ghar men paye ja sakte hain.
purva disha : purva disha men dosh hone par pita-putra ke sanbandh thik nahin rahte hain. sarkari naukri se pareshani ya sarkar se dand, netra rog, sir dard, hriday rog, charm rog v piliya jaise rog ghar men lage rahte hain.
pashchim disha : pashchim disha men dosh hone par naukron se klesh, naukri men pareshani, bhut-pret ka bhay, vayu-vikar, lakva, chechak, kushth rog, rirh ki haddi men v pairon men kasht ho sakta hai.
uttar disha : uttar disha men dosh hone par vidya sanbandhi rukavten, vyavsay men hani, vani dosh, mirgi, gale ke rog, nak ke rog v matibhram adi kasht ho sakte hain.
dakshin disha : dakshin disha men dosh hone par krodh adhik ana, durghatanayen hona, rakt vikar, kushth rog, uchch rakt chap jaise rog ho sakte hain. bhaiyon se sanbandh bhi thik nahin rahte hain.
ishan kon (uttara-purva) : ishan kon men dosh hone par puja men man nahin lagta, ay men kami ati hai, dhan-sangrah nahin ho pata, vivah men deri, santan men deri, udr-vikar, kan ke rog, kabj, anidra adi kasht ho sakte hain.
agney kon (dakshin-purva) : agney kon men dosh hone par pati/patni men achche sanbandh n rahna, prem men asflta, vahan se kasht, shringar men ruchi n rakhna, harniya, madhumeh, dhatu evan mutra sanbandhi rog v garbhashay se sanbandhit rog ho sakte hain.
rnaitya kon (dakshin-pashchim) : rnaitya kon men dosh hone par dada v nana se pareshani, ahankar v bhut-pret ka bhay, tvacha rog, rakt vikar, mastishk rog, chechak, haija jaisi bimariyon ka ghar men vas rahta hai.
vayavya disha (uttara-pashchim) : vayavya disha men dosh hone par mata se sanbandh thik nahin rahte, mansik pareshaniyan, anidra, sardi-jukam, mutra rog, masik dharm sanbandhi rog, pathri v nimoniya adi ho sakte hain. achche vastu-visheshagya ke sujhav v upayon ki jankari le kar uprokt disha-dosh se hone ane vale kashton se mukti pai ja sakti hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!