janm hote hi hamare sath kuch ank jud jate hain. jaise ki janm tithi ka ank, janm samay ki hora v janm sthan adi. in sab ke adhar par jyotish v ank jyotish ki gannayen ki ja sakti hai. agar ham ‘gita men shri krishn dvara bataye gaye karma-siddhant par vishvas karte hain to is bar apko apka ‘janm dinank’ apke pichle karmon ke adhar par prapt hua hai jismen pratyek ank mahattva rakhta hai. varg paddhati men ‘janm dinank’ men ane vale pratyek ank ko varg men darshaya jata hai. sabhi ank unke niyat sthan par darshane ke uprant bhi kuch sthan rikt rah jate hain.
ye rikt sthal is janm ko jine ki rah dikhate hain. shastron men nau grahon ke nau yantra hain jinka adhar nimnalikhit ‘surya yantra hain. surya yantra ke adhar par hamare ghar men vastu dosh kahan hai, iska pata purush jatak v uski patni ki ‘janmatithi’ ke adhar par lagaya ja sakta hai. ‘surya yantra’ me di gai sankhya ka kisi bhi disha se yog karen to yogafal 15 hi hoga. ‘grih vastu dosh’ janne ke liye hamen janm dinank men ane vale pratyek ank ko (dinank, mah, varsh v shatabdi ke ank ko) uprokt ‘surya yantra’ ke adhar par unke sthan par darshana hoga. yadi koi ank us ‘janm dinank’ men nahin aya hai.
buy detail numerology report
to uske sthan ko varg men rikt rahne denge. isi rikt sthan par ‘vastu dosh’ hai, aisa ham janenge v ‘vastu upchar’ bhi usi ke anusar karenge. udaharan ke liye ek purush jatak v uski patni ki janm tithi kramshah 25-10-1939 v 09-01-1946 hai. ‘surya yantra’ par adharit grih vastu varg inke liye is prakar banegen. is jatak ke nivas grih men uttara-purva (ishan) v pashchim disha men (×) rikt varg vali disha men grih vastu dosh hoga.
patni ke janm dinank ne pati ke varg men ank 6 (root) se uttar pashchim disha v ank 4 se dakshin purva disha men hone vale doshon ko dur kar diya hai v pati ke janm dinank ne patni ke varg men ank 5, 2 v 3 kramshah dakshin-pashchim, brahm sthan v purva disha men hone vale vastu doshon ko dur kar diya hai. ajakal sanpatti pati v patni donon ke nam par hoti hai. atah ve ek dusre ke purak ho jate hain. ‘vastu varga’ se gyat hoga ki disha anusar grih men kya-kya vastu dosh ho sakte hain? dosh ka pata chalne par uske upay bhi kiye ja sakte hain.