manushya ke man men barhti ayu ke vikalp chir yauvan ki chah hamesha se rahi hai. tan aur man ko chust rakhne ya tanav prabandhan apke andar chipe yauvan ko sanvarne aur barhti ayu ko rokne, usse bachne ki ekmatra vidhi hai. barhti ayu ki paribhasha ek aisi prakriya ke rup men ki gai hai jismen koi koshika navinikaran ya akhandta ki smaranashakti kho deti hai aur is prakar burhi, bimar hokar mar jati hai.
yadi kisi koshika ki navinikaran ya akhandta ki smaranashakti barkrar rahe, to ham uski akshatata aur aprimey buddhi ko banae rakh sakte hain jismen navinikaran aur svasth karne ki kshamata hoti hai, aur is tarah yauvan barkrar rah sakta hai.
hajaron varsh pahle shankar ne kaha tha ki log barhte aur mar jate hain kyonki ve dusron ko burha hote aur marte dekhte hain. is tarah yauvan apke apne pratyaksh gyan ka vishay hai, ap apne bhitar iski khoj, apni jivnshaili ko ashavadi banakar aur apne tanav ka prabandhan kar sakte hain.
yadi ham svasthya ke prati jagruk rahen aur akhandta prapt karne ke lie apni dinacharya men svasthya ke vividh ghatkon ki akshatata ko banae rakhen, to ham yauvan ko barkrar rakh sakat e h.nai vishva svasthya sangathan ne svasthya ki paribhasha kayik, mansik, samajik aur adhyatmik khushhali ke rup men ki hai.
tan man ke pariprekshya men athva ayurved ki drishti se svasthya tan, man, atma aur parivesh ka ek anukul sanghatan hai. charak sanhita men kaha gaya hai ki svasthya kalyan, sadgun, samriddhi, sanpatti, khushhali aur moksh ka adhar hai. parivesh ya vatavaran hamara vistrit sharir hai. ap n keval har sal balki apne jivan ke har pal yuva hain.
ham maikrokaejm arthat antrik parivesh aur maikrrokaejm arthat bahya parivesh ke bich paraspar vyavhar ki abhivyakti ya prakat rup ya fal hain. is tarah, yah sara brahmand ek brahmandiya kanpyutar ki tarah hai aur hamare sharir ki sath kharab koshikaen brahmandiya kanpyutar ka mano akhiri parav hain jahan har chah sekand par chah kharab rasaynik pratikriyaen hoti hain jiska pata tak hamen nahin chal pata hai.
fir yah sara kuch kaun karta hai? yah hamara dimag hai. hamara man brahmandiya dimag ki aur hamari urja brahmandiya urja ki abhivyakti hai. hamare mansik brahmand ka hamare sharirik brahmand par jabardast prabhav parta hai. brahmand men, is tarah, svasth barhti ayu ya yauvan hamare andar aur bahar maikrokaejm aur maikrokaejm ke bich anukul paraspar vyavhar ka fal hai.
kahte hain ki yadi ap janna chahte hain ki atit men apki soch kya thi, to apne aj ke sharirik aur mansik barhti ayu ko dekhen, aur yadi ap janna chahte hain ki bhavishya men apki kayik aur mansik ayu aur yauvan kya hoga, to apne aj ke vicharon ko dekhen. is tarah barhti ayu hamare apne avbodhnon, vicharon, arthaninr ay, anubhvon aur hamari ruchiyon ki abhivyakti hai.
hamari sanpurn mansik ruchi hamen is yogya banati hai ki ham barhti ayu ke sath anandpurvak barh saken. is tarah, svasth barhti ayu koi daivyog ki nahin, balki ichchashakti ki bat hai.
yah urja, gyan, buddhi aur vividh kriyaklapon tatha hamare andar aur aspas ki duniya ke sath hamare paraspar vyavharon ka ek netavark hai. barhti ayu ka drishya-vidhan aj ke yug men ausat ayu sima sau varsh hai. ham men se adhikansh sau varsh ki ayu tak puri mansik aur kayik antahshakti tak nahin pahunch pate.
shatayuon men 80 pratishat aurten hain aur unmen 80 pratishat vidh ava. purushon ki tulna men striyon ki ayu adhik hoti hai. yadi hamen anandpurvak barhna hai, to hamen sanyukt parivar pratha ko bachakar rakhna hi chahie, jo durbhagyavash tut chuki hai aur is tutan ne pirhiyon ke bich khai ko barha diya hai.
yahi karan hai ki bahut se vriddh jan upekshit, tiraskrit, avanchit, ekaki aur bahishkrit mahsus karte hain aur mrityu ke bhay tatha arthik sankat se ghir jate hain aur anttah kamjori v bimari ke shikar hokar mar jate hain. barhti ayu ka vargikaran kaise ho? barhti ayu ka vargikaran tin rupon men kiya ja sakta hai -- kalakramik, ya taithik, sharirik aur mansik. kalakramik ayu kailendar ayu hai aur yah hamare janm pramanapatra ke anurup hoti hai.
sharirik ayu se tatparya hai ki ap kitne achche dikhte hain. sharirik ayu ke parichayak bayomarkars ke nam se jane jate hain aur inmen pramukh hain: balon ka safed hona shravan kshamata - shravan ka hras drishti kshamata -- motiyabind ka panpna dantakshay chehre par jhurriyan (tvacha ka motapa) manspeshi ka kshanan aur uski shakti ka kshin hona haddiyon ki kamjori antahsravi parivartan prostet grantho men vriddhi sharir ki vasa men kami raktachap men vriddhi pratirodhak kshamata men kami gyanendriyon ki karya kshamata men kami avyavasthit shayan h m a r i sh a a r i ir k a a y u kalakramik ayu se bhinn ho sakti hai.
kisi 70 varshiya vyakti ki sharirik ayu 50 ki aur kisi 50 varshiya vyakti ki sharirik ayu 70 ki ho sakti hai. yah uski yauvan ki kshamata par nirbhar karta hai. ham apni sharirik ayu men apne pratyaksh gyan, apni soch aur apni ruchiyon ke madhyam se parivartan la sakte hain. sharirik ayu barhti ayu athva yauvan ki prakriya ka mukhya ghatak hai. mansik ayu se tatparya hai ki ham kitna burha mahsus karte hain. kuch log 40 varsh ki ayu men hi svayan ko 60 varsh ka burha samjhne lagte hain. yah hamari mansik avastha aur urja star ka parichayak hai.
ham kalakramik ya taithik ayu ko palat to nahin sakte, par anushasit jivnshaili v apne andar v bahar shant v nirman parivesh apnakar sharirik tatha mansik ayu ko thame rakh sakte hain aur is tarah nishchay hi yauevan punah prapt kar sakte hain.
jivan luka chipi ka kaesmik khel hai jismen ham khud ko pane ke lie khud ko hi khote hain. agar hamari ruchiyan sahi hon to ham yauvan ko nishchay hi banae rakh sakte hain. ham men adhyatmikta ki shakti ki parakh honi chahie.
is brahmand men ham hi ek aise prani hain jo apne vicharon aur ruchiyon se apni sharirik kriya ko badal sakte hain. tan aur man ko svasth rakhen, chir yauvan ka anand len rojana 30 minat ka vyayam karen -- isse sharirik aur mansik ayu ki raksha ho sakti hai.
ghumna, vaeging, jaegig, tairna, nritya, saikil chalana, adi hriday ke anukul vyayam hain. ye vyayam hamen kisi hare bhare udyan men khuli hava men hare bhare paudhon, fulon, peron, ghas, prakritik drishyon aur asman ko dekhte hue karne chahie taki hamen urja aur sfurti mil sake. prakriti ke in sare upadanon se milne vali urja drishya urja kahlati hai.
ham patton ki sarsrahat, jal prapat ki sansnahat, chiriyon ki chahchhahat adi se bhi urja prapt kar sakte hain jise dhvani urja kahte hain. subah jab ham ghumte tahlte hon to hamen us kshan ke prati sajag hona chahie n ki sham ke samay ki miting ke prati. iske atirikt ghran tatha sparsh urjaen bhi hamare lie jaruri hoti hain.
vyayam hamare kharab kolestrael ko kam karne aur svasth kolestrael ko barhane men sahayak hota hai. isse hamara raktachap aur blad shugar ka star samanya rahta hai aur tanav ka samna karne, ichchashakti tatha atmasamman men sudhar aur manspeshi ki shakti ki vriddhi men madad milti hai. vahin yah haddiyon ko sudrirh karne tatha sabhi sharirik aur mansik kshamataon ke sudhar men bhi sahayak hota hai.
yah hridyaghat, uchch raktachap, falij ya lakve se hamari raksha kar sakta hai. mansik aur sharirik vikas ke lie soch sakaratmak rakh,en prem, karuna, paropkar, manvta, paranubhuti, sahanubhuti adi ki bhavna ko hriday men sthan den. prem ahat man ko sukun deta hai, achchi disha men barhne ko prerit karta hai, naya josh deta hai, ishvar se jorta hai.
svarthaparata, bhay aur kisi ke prati ghrina ki bhavna se svayan ko mukt rakhen. roj 20 minat tak chintan karen. isse yauvan ko barkrar rakhne men sahayta milegi. chintan ek aushdhi hai -- ek utkrisht aushadh ia. nakaratmak tanav aur avsad sarikhe barhti ayu ke mukhya ghatkon se jujhne men yah hamari sahayta karta hai.
vahin yah sharir kriyavigyan aur jiv-rasayan men avashyak parivartan karne aur pratirodhak kshamata ke sudhar adi men bhi hamari madad kar sakta hai. yog ke in ath angon ka palan karen -- yam, niyam, asan, pranayam, pratihar, dharan, dhyan aur samadhi. in sab ke sath sath samaj men logon ke sath apna vyavhar sakaratmak rakhen. daren nahin. prakriti ke niyamon ka palan karen.
samaj ke kalyan ke lie kuch karen. per paudh aon aur pashuon ka poshan karen. svayan ke lie kuch samay nikalen. anukul jivnshaili tatha adhyatmikta ka prabhav mansik ayu par parta hai, mansik ayu sharirik ayu ko prabhavit karti hai aur sharirik ayu ka prabhav kalakramik ya taithik ayu par parta hai.
if you are facing any type of problems in your life you can consult with astrologer in delhi