kisi jatak vishesh ke vyavsay ityadi ke bare men janne ke liye sarvapratham lagn ke sab-sab laerd ko padhane. agar iska sanbandh/yog/linkej 6the bhav se, 7ven bhav se, 10ven bhav se ban raha hai to jatak vishesh ko 6the, 7ven aur 10ven bhav ke fal milna nishchit hai. aise hi ap 10ven bhav ke sab-sab laerd ki stadi karen aur dekhen ki kya 10ven bhav ka sab-sab laerd 2re, 6the, 7ven bhav se linkej bana raha hai? agar 10ven bhav ke sanbandh 2re, 6the ya 7ven bhav se bante hain to ap yah kah sakte hain ki vah jatak apni jindgi men kuch kam / vyavsay / naukri avashya karega agar dasha kal ke grah tatha gochar use saport karenge to. age vichar karte hain ki ek vishisht jatak apni jindgi men naukri karega athva svayan ka karobar ya fir yah jatak donon hi kam karne men saksham hoga? isko janne ka kaspal kundli men bahut hi asan tarika hai. agar jatak ke lagn ka sab-sab laerd 6the aur 10ven bhav se aur sath men 10ven bhav ka sab-sab laerd 6the aur dusre bhav se sanbandh banata hai tatha 6the bhav ka sab-sab laerd bhi 10ven bhav se linkej banaye to yah yog yah ingit karta hai ki ukt jatak ke naukri karne ke sanket adhik hain. aise hi agar lagn aur 10ven bhav ke sab-sab laerd ki linkej 7ven bhav se aur 7ven bhav ke sab sab laerd ki linkej 10ven bhav se bane to vah vyakti svayan ka vyavsay karne men jyada saksham hoga.
aise hi agar lagn aur 10ven bhav ke sab-sab laerd agar 6the aur 7ven bhav (donon) se sanbandh banayen to samjhiye us jatak men naukri aur svayan ka karobar karne donon ki kshamata hai vah donon kam karne men saksham hai. vah jatak naukri kab karega aur apna vyavsay kab karega yah dasha kal ke grah sunishchit karenge. agar dasha kal ke grah 6the aur 10ven bhav se prabal yog banayenge to vah jatak us dasha vishesh men naukri karega aur agar dasha kal ke grah 10ven aur satven bhav se jyada prabal yog banayenge to vah jatak us dasha vishesh men svayan ka vyavsay karega aur agar dasha kal ke grah 6the, 7ven aur 10ven bhavon se linkej banayenge to vah jatak ek sath naukri tatha svayan ka karobar karne men saksham hoga basharte gochar bhi fevar kare. jyotish ka ek svarnim niyam hai ki koi bhi sanketik ghatna un grahon ke sanyukt kal men ghatit/flit hogi jo grah us vishisht ghatna/ vrittant/ivent ke paripurn karak grah honge basharte grahon ka gochar bhi ivent dene ko saport karen.
upar diye gaye nirdeshon ka palan karte hue is mah ki prashn kundli ka vishleshan karen. priya pathkon fyuchar samachar ke is ank men ham jis prashn kundli ka vishleshan karne ja rahe hain vah kisi jatak ke vyavsay ke bare men hai. yah prashnakarta jatak parha likha vyakti hai aur berojgar hai aur uski yah janne ki prabal ichcha hai ki use naukri kab milegi ya apna vyavsay kab aranbh karega? jivn-yapan karne ke lie arth trikon 2, 6, 10 bhavon ka kundli men jagrit hona bahut anivarya hai. jab tak kisi jatak ki kundli men (2, 6, 10) bhav jagrit nahi honge vah jatak kam nahin kar payega. isliye kundli men lagn mul bhav, 10van vyavsay ka bhav aur 6the bhav ka sanbandh 2re aur 10ven bhav se banna jaruri hai. aiye di gai prashn kundli ka vishleshan karen. yah prashn kisi jatak ne tithi 18/9/2006 ko sayan 19: 07: 20 baje lagaya ki ukt jatak ko naukri kab milegi aur samyanusar banai gai kundli vishleshan ke lie prastut hai.
1. sabse pratham prashn kundli se ham lagn ko fiks karte hain. chunki prashnakarta ne svayan ke bare men prashn kiya hai isliye is kundli men lagn ko hi prashnakarta ka lagn manenge.
2. lagn fiks karne ke pashchat ham kundli ki satyata ko parkhenge. satyata parkhne ka matalab yah hai ki prashnakarta ke man mastishk men jo prashn a raha tha ya prashnakarta jis prashn ka hal janna chahta tha kya is prashn ka sanbandh is kundli men prasangik bhavon ke sath hai ya nahin. ise parkhne ke liye chandra ya iske nakshatra svami grah ka prasangik bhavon men ya kaspal pojishans men prakat hona anivarya hai. agar chandra ya iska star laerd grah prasangik bhavon men prakat nahin hota to iska spasht matalab hai ki kundli men prashn ki satyata nahin jhalkti. chunki yah prashn naukri ke vishay men hai to chandra ya iske nakshatra svami grah budh chathe bhav men prakat ho raha hai isliye ham kah sakte hain ki kundli men satyata sthapit hoti hai.
3. kundli men satyata sthapit hone ke pashchat ab ham lagn, 10ven, 6the aur 11ven bhav ke sab-sab laerd ki stadi promis/sanket/samathrya parhne ke lie karenge. agar in charon bhavon ke (1, 6, 10, 11) sab-sab laerd 2, 6, 10 se sanbandh/linkej sthapit karenge to hi ham kah payenge ki ukt jatak ko naukri milne ki asha hai.
aiye dekhen in charon bhavon ke sab-sab laerd kya sanket karte hain. lagn ka sab-sab laerd shani hai. shani svayan sthaniya bal (pojishanal stets) ke sath pancham bhav men baitha hai. parantu shani budh ke nakshatra men, rahu ke up nakshatra men aur mangal ke up-up nakshatra men hai isko ham aise likhenge ;ainjahnadamat .tninadhshranchdantaddhashanihnab udh-rah u/g uru-m ngal ;ainj pe pad umat aijantae tnin ainai ndak pad dant enai enaiddh nakshatra svami grah budh chathe bhav men baitha hai isliye shani chathe bhav ka fal dene men saksham ho jata hai. shani rahu ke upanakshatra men hai aur rahu svayan dusri, chathi aur gyarhvin kaspal pojishan men sab sab laerd ke rup men prakat ho raha hai aur rahu ko guru ka fal bhi dena hai. guru 10vin kaspal pojishan mane rashi svami ke rup men prakat ho raha hai. isliye lagn ka sab-sab shani prasangik bhavon ka signifiketar ban jata hai. ise ham aise bhi kah sakte hain ki chathe bhav ki involvament hokar 2re, 6the, 10ven aur 11ven bhav se (kamitment) pratibaddhata ho rahi hai ya lagn bhav ka sanbandh rileted / prasangik bhavon se ban raha hai. ab ham mul bhav (chathe) ka adhyayan karenge. is kundli men chathe bhav ka sab-sab laerd rahu hai. rahu ka sthaniya bal (pojishanal stets) hai aur vah 2re, 6the, 10ven, aur 11ven bhavon ke fal dene men saksham hai. kyonki rahu svayan 2re, 6the, aur 11ven bhav ka sab-sab laerd hai, rahu guru ke nakshatra men hai aur rahu ke hi sab aur sab-sab men hai, guru 10ven bhav ka rashi svami hai.
isliye ham kah sakte hain ki 2, 6, 10 aur 11ven bhav ki involvament hokar inhin (2, 6, 10, 11) bhavon se kamitment ho rahi hai isliye rahu grah bahut prabal karak grah ban jata hai. in ukt bhavon ka fal dene men. chathe bhav ke sab-sab laerd ka adhyayan karne ke pashchat ab ham 10ven bhav ke sab-sab laerd ki stadi karenge aur yah sunishchit karne ka prayas karenge ki 10van bhav jo vyavsay ka bhav hai vah kya yog/linkej banata hai. 10van sab sab laerd mangal hai aur mangal ka sthaniya bal (pojishanal stets) hai. isliye mangal svayan hi saksham ho jata hai un bhavon ka fal dene men jahan mangal baitha ho ya jin kaspal pojishans men mangal svayan prakat ho raha ho. is kundli men mangal chathe bhav men baitha hai aur 2re bhav men rashi svami, 5ven bhav men sab-sab, 9ven bhav men rashi svami aur 10ven bhav men sab-sab laerd ke rup men prakat ho raha hai. 2ra aur 10van bhav is prashn se sanbandh rakhte hain athva 2re aur 10ven bhav ki involvament ho gai hai athva mangal dusre aur dasven bhav ke fal dene men saksham hai. mangal, rahu ke upanakshatra men aur budh ke up upanakshatra men hai matalab rahu ke sath kamitmenta/pratibaddhata ho rahi hai aur upar ham dekh chuke hain ki is kundli men rahu prabal karak grah banta hai 2, 6, 10 aur 11ven bhav ke fal dene men. mangal budh ke sab-sab men hai kyonki budh ko yahan fainal kanafarmeshan karni hai aur budh to chathe bhav ka karak grah hai. ab ham 11ven bhav, jo ki parinam ki ichchapurti ka bhav hai iska adhyayan karenge.
11van bhav bhi agar 2, 6, 10 ven bhav ka paripurn karak banega to hi is jatak ko vyavsay milega athva nahin. 11 van bhav hamen yah bhi batata hai ki yah ivent/ghtna/vrittant jald hoga ya fir der se. aiye 11ven bhav ke up up nakshatra ka adhyayan karen. 11ven bhav ka sab sab laerd bhi rahu hi hai aur upar ham parh chuke hain ki rahu is prashn kundli men sabhi prasangik bhavon ka paripurn karak banta hai. lagn, chathe, 10ven aur 11ven bhav ki stadi karne ke uprant ham is nishkarsh par pahunche ki ukt jatk/ prashnakarta ko naukri milne ke sanket prabal hain. ab hamen is natije par pahunchna hai ki jatak ko naukri kab milegi? use naukri shighra milegi athva vilanb se. lagn, chatha, 10van, 11van bhav to yah batlata hai ki jatak ko vyavsay milne ke sanket bina vilanb ke hain kyonki ye charon bhav negetiv linkej/ yog kam bana rahe hanai aur prasangik bhavon ke sath prabal yog ban raha hai. ab 11ven bhav ko dekhen vah kya sanket de raha hai. 11ven bhav par makar rashi uday ho rahi hai aur makar char rashi hai. ham pahle bhi bata chuke hain ki agar 11ven bhav men char rashi uday ho to ivanet jald hone ke sanket milte hain.
agar sthir rashi uday ho rahi ho to ivanet vilanb se tatha dvisvabhav rashi uday ho rahi ho to ivent n bahut jald n bahut vilanb se hota hai. yah ek niyam hai parinam ke jald athva vilanb se ghatit hone ka anyatha kuch aur bhi niyam hai jo yah sanket dete hain ki ghatna jald ghategi athva vilanb se. ant men ham is nishkarsh par pahunchte hain ki is ivent ke hone ke sanket jald milte hain ya der se. ab is jatak ko naukri kab milegi ya yah jatak naukri kab jvain karega is bare men janne ke liye hamane dasha, bhukti antra, sukshm aur pran dasha fiks karne ke alava in dasha kal ke grahon ka tatha guru, surya aur chandra ka gochar bhi parhna parega. hamen un grahon ko chantna hai jo grah is kundli men prasangik bhavon ke paripurn karak hain aiye ise samjhne ka prayas karen. dasha kal kaise fiks karen jab yah prashn kiya gaya us samay is prashn kundli men jatak ki budh ki dasha, ketu ki bhukti aur rahu ki antardasha chal rahi thi aur rahu ka antra 14/9/2006 se 7/11/2006 tak chalega. upar hamne dekha ki dasha kal ke grah budh ketu aur rahu tinon hi grahon ka yog/linkej negetiv bhavon se nahin banti aur is ivanet/vrittant ko jald ghatit hona hai athva ab hamen is kundli men sukshm aur pran dasha grahon ko chunna hai jo prasangik bhavon ke karak grah banen tatha gochar bhi fevar kare.
aiye dasha kal ke grah tatha gochar men in grahon ki sthiti ka adhyayan karen. rahu ka antra is jatak ko vyavsay/naukri dene men saksham hai. rahu ka sukshm ham fiks kar sakte the parantu rahu antra men rahu ka sukshm 22/09/2006 tak chalna tha jabki yah prashn 18/9/2006 ko laga tha aur is ivent/ghtna ke ati shighra hone ke sanket nahin the isliye rahu ke antra men us grah ki sukshm dasha fiks karni hai jo 2, 6, 10 bhavon ki paripurn karak dasha bane tatha gochar bhi sath men fevar kare. rahu sukshm ke bad hamne guru, shani aur budh ko dekha tatha is nishkarsh par pahunche ki ye tinon grah chathe bhav ke sath pancham bhav se bhi yog bana rahe hain tatha hamen us grah ki sukshm aur pran dasha fiks karni hai jo kam se kam nigetav bhavon se linkej banaye kyonki negetiv linkej kisi bhi karya ke sanpann hone men badha utpann karte hain. rahu antra men guru, shani aur budh ke bad hamne yah paya ki kundli men ketu aur shukra donon hi kafi prabala/strang hai jatak ko vyavsay/naukri dene men. ketu ka sukshm 19/10/2006 subah 04ah42 baje tak hai aur ketu saksham hai naukri dene men parantu tab tak surya ka gochar mangal ke nakshatra men hai aur surya ka gochar mangal ke nakshatra men is ivanet ko jyada saport nahin karta. mangal se adhik is kundli men rahu prabal hai to ham tab tak intjar karenge jab tak surya rahu ke nakshatra men gochar karna praranbh nahin karta. surya ek nakshatra men takriban terah din rahta hai.
ham yah prayas karenge ki in terah dinon men jab tak surya rahu ke nakshatra men rahega in terah dinon men kisi aise grah ko chunane sukshm aur pran dasha ke liye jo (2, 6, 10) bhavon ka paripurn karak grah bane. surya 24/10/2006 ko subah 09ah36 baje rahu ke nakshatra men aya aur upar hamne dekha ki ketu prabal karak banta hai parantu ise ham fiks nahin kar paye kyonki jab tak ketu ka sukshm tha yani 19/10/2006 tab surya mangal ke nakshatra men gochar kar raha tha. isliye ketu ke bad shukra bhi prasangik bhavon (2, 6, 10) ka prabal paripurn karak grah banta hai. isliye ham shukra ka sukshm (sukshmadasha) fiks kar sakte hain kyonki shukra ka sukshm 28/10/2006 tak rahne vala tha aur isi dauran surya bhi rahu ke nakshatra men gochar kar raha tha. ab bari pran dasha fiks karne ki hai jo pran dasha grah 2, 6, 10 v 3, 9 aur 11 ka paripurn karak grah bane tatha chandra ka gochar bhi us grah ki rashi aur nakshatra men gochar karen jo is ivanet/ghtna ko saport karen. yah jatak 27/10/2006 ko budh-ketu-rahu-shukra-budh ki dasha men naukri jvain karta hai jab guru gocharavash shukra ki rashi aur guru ke nakshatra men, surya shukra ki rashi aur rahu ke nakshatra men aur chandra guru ki rashi aur ketu ke nakshatra men gochar kar rahe the. budh ki pran dasha fiks isliye ki kyonki jvaining ke samay 3re aur 9ven bhav ke sath sanbandh bhi hona anivarya hain kyonki naukri jvain karne ke liye jvaining riport deni parti hai aur ap ek egriment sain karte hain.