hindu jati ka prachin dharmagranth ved hai. vedan men karmakand, upasnakand aur gyankand - in tinon ka varnan milta hai. ved ke kul ek lakh mantra hain- char hajar gyan kand ke, solah hajar upasna kand ke aur sabse jyada assi hajar karmakand ke hain. islie karmakand ko pradhan sthan prapt hai. is prakar ved ke tin bhag hain. ‘‘tin kand ekatva shan - ved. ved ke karmakand bhag men yagyadi vividh anushthanon ka vishesh rup se varnan milta hai atah yagya karmakand hi vedon ka mukhya vishay hai. vedon ka mukhya vishay hone ke karan karmakand men mantron ka prayog (uchcharn) kiya jata hai. ved mantron ke bina karmakand nahin ho sakta aur karmakand ke bina mantron ka thik-thik sadupyog nahin ho sakta. atah spasht hai ki ved hain to karmakand hai aur karmakand hai to ved hain. vishnu dhamottar puran (2/04) men varnan ata hai vedastu yagyarth mabhipravrittaah. is vachan se tatha bhagvan manu ke dudoh yagya siddhayami 1/23 is vakya se spasht siddh hai ki vedon ka pradurbhav karmakand, yagya, anushthan ke lie hua hai. jis prakar ved atyant duruh hain usi prakar vedang bhut karmakand bhi atyant duruh han. jis prakar ved men upasya devta hain usi prakar karmakand men bhi upasya devta hain. jis prakar ved upasya ved kisi purush ke dvara n banaya hua. nitya aur anadi hai- parashar smriti men varnan ata hai. nakashchidved ch vedasamanrta chaturmukhah. nakashchidvedakarta ch ved smarta chaturmukhah.. ved ko banane vala koi nahin hai. chaturmukh brahma ne ved ka smaran kiya. thik usi prakar yagya anushthan, karmakand bhi apaurushey, nitya aur anadi hain. rigved ke pratham mantra ‘agnimide purohitm’’ men yagya (karmakand) pad aya hai atah siddh hota hai ki ved se bhi prachin karmakand hai. karmakand vaidik sanskriti ka pradhan ang hai. karmakand se hi samast manushyon ki kamnayen siddh hoti hain. karmakand, manushyon ki ichchit kamna evan kalyan v laukik sukh-shanti tatha man men sankalpit anekanek ichchaon ko purn karta hai. hamare dharmacharyon ne manushya ke lie jitne bhi dharm kahe hain ve sabhi karmakand lakshan se sanyukt han. prachin rishi maharshiyon ne shastron ke anusar hi apna jivan yagyamay banaya tha. ve yagya karmakand dvara apna aur jagat ka kalyan kiya karte the. vastutah karmakand men apurva shakti hai. karmakand se jo jis vastu ki prapti ke lie ichcha karta hai vah usko vahi vastu deta hai. ‘‘yo yadichchati tasya tat’’. (kathopnishd) 12/16 atah spasht hai ki sansar men aisi koi vastu nahin hai jo karmakand ke dvara prapt n ho sake. karmakand se keval laukik, dhandhanya, santti adi vastuon ki hi nahin apitu parlaukik ‘moksha’ adi padarthon ki bhi prapti hoti hai. is shreshth karm ke vidhi-vidhan bhi atyant kathin hain. karmakand ke tin vishesh ang hai. 1. kandi 2. pindi v 3. chandi kandi (kushkandika): havan se purva jo karm hain vah kandi han. pindi: shraddhadi men jo pindadi kriya hoti hai usko pindi kahte hain. chandi: bhagvti durga ji ki upasna ke jo anushthan v anya kriyayen hain unko chandi kahte hain. jo sadhak karmakand ke in tin angon se bhali bhanti parichit hai, guru paranpra se jisne shiksha prapt ki hai vah karmakand karane v acharya kahlane ka adhikari ho sakta hai. ‘‘shram matraik kevlan’’ vah sirf shram matra hai. islie niyamit rup se sandhya vandanadi karne vale, vedpathi v nitya hi apne anushthan men rat brahman dvara sanpann ki gai karmakand kriya hi falibhut hoti hai.
Kya aapko lekh pasand aaya?
Subscribe