kamda ekadshi vrat pan. braj kishor brajvasi kam d a , e k a d sh a i v ra t purushoÿam mas (adhikmas ya malmas) men karne ka vidhan hai. ise padmini ekadshi ke nam se bhi jana jata hai.
ek samay dharmavtar dharmaraj yudhishthir ne bhagvan shrikrishn ko sanand sinhasnarurh dekhakar unke charnon men natamastak ho pucha- ‘he devkinandn! yashoda man ke dulare! main purushoÿam mas ke krishn paksh ki kamda ekadshi ka mahatmya sunna chahta hun. iska kya vidhan hai? kis devta ki puja ki jati hai? iska fal kya hai? kripya bataie!’
bhagvan shrikrishn ne kaha- ‘nripashreshth dharmaraj! bandhan se mukt karne vali, vijay dilane vali tatha papon ko dhvast kar dene vali malmas ke krishn paksh ki kamda ekadshi vrat men dashmi ko shuddh chiÿa ho surya ke ast hone se purva din men ek bar bhojan karen.
ratri men bhojan ka tyag karen. dashmi ko kansya ke bartan men bhojan, urad, masur, chana, kondo, sabji, shahad, dusre ghar ka bhojan aur maithun ka tyag karen. man ko aur indriyon ko vash men rakhte hue prabhu smaran karte hue ratri men vishram karen.
pratahkal brahmamuhurt men jagakar nitya naimiÿiak karyon se nivriÿa hokar ekadshi vrat ka sankalp karen- ‘he bhagvan! aj main nirahar rahakar dusre din bhojan karunga, mere ap hi sahayak hain yah prarthana kar radha-krishn tatha shiv parvati ka ganesh aur navagrahadi devtaon ki pratishtha sahit shodshopchar pujan karen.
bhagvan ki divya lila charitron ka shravan evan mantron ka jap karen. ratri men jagaran v sankirtan karen. dvadshi men punah vidhipurvak pujnadi krityon ke bad panch mahayagyaon ka anushthan karte hue brahmanon ko susvadisht pakvanon v mishtannon se triptakar dravya dakshinadi dekar vida karen. fir svayan bandhu-bandhvon ke sath bhagavat prasad grahan karen.
jisne kamda ekadshi ka vrat kar liya mano usne sab vrat kar lie. ab is padmini ekadshi ki manoram katha apko sunata hun. ek samay kartavirya raja ne ravan ko parast kar bandigrih men band kar rakha tha. use pulastya rishi ne kartavirya se vinay karke churaya.
is ghatna ko sunakar devarshi narad ji ne pulastya ji se pucha- ‘bhagvn! jis parakrami ravan ne sabhi devtaon sahit devraj indra ko jit liya tha use kartavirya ne kis prakar jitakar bandi banaya, so ap mujhe vistarpurvak bataya.’
tab pulastya ji ne kaha- ‘devarshi! purva kal men tretayug men haihay raja ke vansh men kritvirya nam ka raja mahishmati puri men rajya karta tha. us raja ki ek hajar paramapriya, rupvti evan gunshalini striyan thin, parantu unmen se kisi ke koi putra nahin tha, jo rajya bhar ko sanbhal sake.
devta, pitar, siddh tatha anek chikitsakon adi se raja ne putra prapt hetu prayatn kie parantu bhagyavash raja ke koi putra nahin hua. putra ke bina raja ko rajya dukhamay pratit hota tha. atyant dukhi raja ko yah gyan utpann hua ki tap se sab abhisht falon ki siddhi ho sakti hai.
yatha- tapabal ten jagsrijai bidhata.
tapabal vishnu bhae paritrata..
tapabal sanbhu karhin sanghara.
tap ten agam n kachu sansara..
jani achrju karhu man mahin.
sut tapten durlabh kachu nahin.. (ra.ch.ma.ba.ka. doha-162)
tap ka vichar ate hi raja tapasya hetu van ko chal diya. raja ko akele van jate hue dekhakar uski ek paramapriya rani ikshvaku vansh men utpann hue raja harishchandra ki padmini namak kanya uske sath jane ko taiyar ho gai aur donon ne apne ang ke sabhi sundar vastrabhushnon ko tyagakar valkalavastra dharan kar gandhmadan parvat par jakar das hajar varshon tak kathor tap kiya.
parantu fir bhi putra ka sukh prapt nahin hua. tab us pativrata rani padmini ne apne pati ke sharir men keval chamra aur asthimatra shesh dekhakar mahasadhvi anusuyaji se namratapurvak pucha- ‘he sadhvi! mere svami ko tapasya karte hue das hajar varsh bit gae parantu bhagvan fir bhi kisi tarah se prasann n hue.
so ap kripa karke koi aisa upay bataen jisse bhagvan mujh par prasann hon aur mere chakravarti putra utpann ho.’ us kamlnyni padmini se anusuyaji bolin- ‘he sundri! adhik mas men shukla paksh aur krishn paksh ki do ekadshi hoti hain, unmen krishn paksh ki ekadshi ka nam kamda ekadshi hai. tum jagaran sahit purn vidhi se uska vrat karo. is vrat ke karan putra pradata shrihri tum par prasann hokar shighra hi putra denge.’
anusuyaji se vrat ki sanpurn vidhi ko janakar putra ki kamna vali rani ne bhav sahit vrat kiya. tab bhagvan vishnu prasann hokar garur par savar hokar uske pas ae aur var mangne ke lie kaha. shrihri vishnu bhagvan ki divya vani sunakar us pativrata ne stuti karte hue prarthana ki- ‘bhagvn! ap mere pati ko vardan dijie.’
tab bhagvan bole- ‘he sundri! malmas ke saman mujhe dusra koi mas priya nahin. usmen priti ko barhane vali kamda ekadshi ka vrat tumne anusuyaji ke vachnanusar kiya hai tatha jagaran bhi kiya hai. is ekadshi se adhik priya mujhe kuch bhi nahin hai. main tum par atyadhik prasann hun.’ aisa kahakar sansar ke praniyon ko anand pradan karne vale bhagvan shri vishnu ne raja se kaha- ‘he rajn! jisse apka manorath siddh ho vah var mang len, main atyant prasann hun.’
tab raja ne shri hari bhagvan ki stuti v prarthana karte hue vishal hriday v atulit bal sanpann bhujaon vale putra ka var manga aur kaha- ‘prabho! yah putra aisa ho ki apke atirikt devta, manushya, nag, daitya, rakshas adi kisi se bhi mrityu ko prapt n ho.’
raja ki yah bat sunakar bhagvan var dekar antardhan ho gae. isi var ke prabhav se padmini ke kartavirya putra paida hua. tinon lokon men bhagvan ke atirikt use jitne men koi samarth nahin tha. tab yadi lankadhipti dashkandhar ravan kartavirya se parajit ho gaya to ashcharya ki kya bat hai kyonki kartavirya ka janm devtaon ke aradhya shri vishn au bhagvan ke vardan ka fal hai.
itna kahakar mahatma pulastya apne ashram ko chale gae.’ shrikrishn kahne lage- ‘he pandunandan yudhishthir! jo adhik mas ki ekadshi ka mahatmya tumne pucha tha so sab mainne tumse kaha. jo malmas ke krishnapaksh ki ekadshi ka vrat karte hain evan sanpurn katha parhte ya sunte hain, ve bhi yash ke bhagi hokar bhagvan vishnu ke vaikunth lok ko prapt ho jate hain. shrihri un bhakton ke hriday mandir men akar virajman ho jate hain.
if you are facing any type of problems in your life you can consult with astrologer in delhi