kal sarp yog se juri shankaen evan kashton ka nivaran kal sarp yog apne ap men ek aisa yog hai, jo pitri dosh se sanbandhit hota hai. atah jis kundli men kal sarp yog hoga, uske jatak ke jivan se pitri dosh kahin n kahin avashya jura hoga.
is yog ke prabhav se vyakti ke jivan men, har star par, sangharsh aur tanav bane rahte hain, badhaen ati rahti hain. janm kundli men jis bhav se kal sarp yog ki srishti hogi, us bhav se sanbandhit kathinaiyon evan sangharshon ki bhi bahutayat hogi. atah kal sarp yog janya pareshaniyon ke nidan ke lie manoyog se prayatn karna chahie.
prashna: kal sarp yog kaise banta hai?
uttara: rahu aur ketu ke madhya yadi anya sabhi 7 grah a jaen, to kal sarp yog hota hai. yadi rahu sabhi grahon ko grase to udit aur yadi ketu grase to anudit kal sarp yog banta hai. yadi saton grahon men se koi bhi ek bahar nikal jae, to yah yog anshik kahlata hai.
prashna: iska fal kya hai?
uttara: jis jatak ki kundli men kal sarp yog hota hai, use saflta prapt karne ke lie bar-bar prayatn karne parte hain. kai bar saflta samne rahte hue bhi prapt nahin ho pati. lekin iska yah arth nahin ki jis jatak ki kundli men yah yog ho, vah upar nahin uth sakta. aise anek udaharan hain, jinke jatkon ne sarvochch pad prapt kiya aur pratishthit vyakti bane, jaise sva. javahar lal nehru, indira gandhi adi.
prashna: kya kal sarp dosh ke fal har jatak ko alg-alag rup men milte hain?
uttara: rahu jis bhav men sthit hota hai, usi ke anurup mukhyatah 12 prakar ke kal sarp yog batae gae hain. jatak ko fal bhi usi ke anusar bhinna-bhinn milte hain. kisi ko is yog ke karan parivarik kalah ka samna karna parta hai, to kisi ko vyavsay men sthirta, ya avnti ka, kisi ko hani ka, to kisi ko rog ka.
prashna: parivar men yah yog ek ko ho, to kya sabko hota hai?
uttara: aisa avashyak nahin hai ki parivar men kal sarp yog pita ki kundli men ho, to santan ko bhi hoga. lekin aksar aisa dekhne men ata hai ki ek parivar ke kai sadasyon ko yah dosh ek sath hota hai. age santan ko yah yog n ho, iske lie kal sarp yog janya dosh ki shanti avashya kara leni chahie.
prashna: kal sarp yog janya dosh kya hamesha rahta hai, ya kisi vishesh avdhi tak?
uttara: jyotish men dosh 2 prakar ke hote hain - kuch dosh kuch avdhi ke lie, kisi gochar ya dasha ke karan aur kuch janm kundli men dosh ke karan. dusre dosh ka asar puri umra sahna parta hai. kal sarp dosh bhi isi prakar ka ek dosh hai, jo jatak ko jindgi bhar kuch n kuch kasht deta rahta hai. lekin fir bhi jab-jab rahu ki dasha ya antardasha ati hai, ya rahu evan ketu ke upar koi grah gochar karta hai, tab-tab iska prabhav adhik ho jata hai.
prashna: kal sarp yog purva men kab-kab bana aur bhavishya men kab-kab banega?
uttara: kal sarp dosh kabhi-kabhi hi, kuch varshon ke antral par, banta hai- 10 varshon men 2 ya 3 bar. usmen bhi kabhi-kabhi hi yah yog, udit rup men, purn rup se banta hai. purva men yah yog 8 julai 2002 se 25 navanbar 2002 tak ghatit hua tha. varsh 2005 men julai-agast men yah yog punah ghatit hua. age keval 2008 men 19 agast se 31 disambar tak arai fir 2012 m ne kave l anui dat rup men ghatit hoga.
prashna: kal sarp dosh pahle kabhi sunne men nahin aya. to kya yah abhi shuru hua hai?
uttara: patri men anek yog vidyaman hote hain, jinki charcha vishesh rup se nahin ho pati hai. iska arth yah nahin ki ve dosh ya yog pahle nahin the. prachin shastron men is yog ka ullekh vibhinn rupon men aya hai. lekin kabhi kisi yog ki charcha, kisi kal vishesh men adhik hone ke karan, sabhi jyotirvidon evan jansadharan tak pahunch jati hai. aisa hi kal sarp yog ke sath hua hai. ajakal yah yog, antriksh men banne ke karan, adhik charchit hai.
prashna: kal sarp dosh nivaran ke upay kya hain?
uttara: kal sarp dosh nivaran ke upay is prakar hain: bhagvan shiv ki aradhna evan rudrabhishek karen. shiv ling par sone ya chandi ka sarp vidhipurvak, charhaen. apne vajan ke barabar ann dan karen. kal sarp yog yantra ki pran pratishtha kar pratidin uska pujan aur darshan karen. mahamrityunjay mantra ka sava lakh jap karaen. batuk bhairav mantra ka sava lakh jap karen.
bhikhari ko rahu ki vastuon jaise kale til, rai, kale k p d e adi ka dan den. mahamantra ‘¬ namah shivay’ ka jap karen. chandi, sona ya asht dhatu nirmit kal sarp anguthi dharan karen. nag panchmi, mahashiv ratri adi ko vrat rakhen. kal sarp yantra gale men dharan karen. shiv ke pratik ekmukhi rudraksh sahit rudraksh ki mala dharan karen. uparyukt sabhi upay yadi kisi jyotirling par kie jaen, to unki mahatta barh jati hai. tryanbkeshvar men iska vishesh upay kiya jata hai.
upay kab karen: kal sarp dosh shanti ke upay maha shivratri, nag panchmi, shravan mas men somvar, ya somvari amavasya ko kie jaen, to uttam hai.
prashna: kya ek bar upay karne se kal sarp dosh sada ke lie dur ho jata hai?
uttara: jyotish men kisi bhi dosh ko dur karne ke lie kie gae upayon ka asar adhikatam ek varsh tak hi rahta hai. atah kal sarp dosh nivaran ke upayon ko prativarsh ya varsh men 2 bar avashya karne chahie. yadi dosh adhik prabal ho, to kuch saral upay prati mah ya prati saptah karne chahie.
prashna: bharat men mukhya rup se kal sarp dosh ki shanti kin-kin sthanon par hoti hai?
uttara: kal sarp dosh ki shanti nimnalikhit sthalon par ki jati hai. kal hasti shiv mandir, tirupti ah dakshin bharat ke vishva prasiddh tirupti se lagabhag pachas kilomitar par kal hasti shiv mandir men kal sarp yog ki shanti ka upay vidhi-vidhan se kiya jata hai. vahan lagabhag ek ghante ki puja-archana ke sath mandir ke prangan men hi purohit vaidik riti se shanti karate hain. mandir pravesh ke sath hi is puja ke fal, kuch dakshina dene se, prapt ho jate hain. taduprant puja-archana karai jati hai.
triyugonarayan, kedarnath: kedarnath ji jate samay triyugo narayan ke mandir ke prangan men chandi, tanbe evan svarn ke nag ke jore chorne se kal sarp dosh ki shanti ho jati hai. trayanbkeshvar: nasik ke pas trayanbkeshvar jyotirling par bhi abhishek aur puja-archana kara kar nag-nagin ke jore chorne se kal sarp yog ki shanti ho jati hai. sangm: ilahabad men sangam par bhi, kal sarp ki shanti hetu, nag-nagin ki vidhivat pran pratishtha kara kar, unka pujan kar ke dudh ke sath sangam men pravahit karna chahie. tirtharaj prayag men kal sarp yog ki shanti ke lie sangam men tarpan v shraddh bhi kar lena chahie.
prashna: kaun-kaun se devon ki puja ki jae? uttara: ukt dosh se mukti hetu upayon ke atirikt nimnalikhit devon ki puja bhi karni chahie. bhagvan shiv: vaise to kal sarp yog ki shanti bhinna-bhinn isht devon ki kripa se ho jati hai, parantu is dosh ki shanati ka mukhya sanbandh ashutosh bhagvan shiv se hai. kyonki sarp bhagvan shiv ke gale ka har hai, atah shivji ke sammukh yatn se, kal sarp yog ki shanti ka vidhan karna chahie.
sarvapratham parad shivling ka nirman karaen. yah shivling kam se kam panch sau gram ka hona chahie. yadi parivar men ekadhik vyaktiyon par kal sarp yog ka prabhav ho, to sava kilo ya dhai kilo parad ka shiv ling banva kar, pran pratishtha kara kar, vidhivat rudrabhishek karna chahie. rudrabhishek ke sath hi chandi ke asht nagon ka pujan karna chahie.
isi kram men kalash sthapan aur varun ka avahan kar kalash par hi svarn aur rajat ke sanp sthapit kar ke, unka panchopchar pujan kar nimnalikhit vaidik mantra ka jap karna ya brahman dvara karana chahie: ¬ namostu sarpebhyo ye ke ch prithivimnu. ye antrikshe ye divitebhyah sarpebhyo namah svaha.. jap kam se kam 31000 ho. vaise kali yug men sava lakh jap ka hi vidhan hai. jap ke bad dashansh hom kar ke yagya ki purnahuti kar deni chahie.
uske bad us sarp ko shraddha sahit yamuna, sangam ya samudra men pravahit kar dena chahie. isse nishchay hi kal sarp yog janya dosh ki shanti ho jati hai. dhyan rahe kal sarp se sanbandhit sabhi pujan chandan se karen; roli, kunkum ya sindur se nahin. jin logon ke jivan men kal sarp yog hai, unhen pratyek varsh shravan mas men rudrabhishek avashya karna chahie aur shivji par nag-nagin ka chandi ka ek jora charha dena chahie.
nitya mahamrityunjay mantra ka ek mala jap bhi karte rahne se kal sarp dosh ka prabhav kshin ho jata hai. hanumat pujn: shri hanuman ji ki kripa se bhi kal sarp yog janya dosh ki shanti hoti hai. shri ram-lakshman jab nagpash se bandhe, to shri hanuman ji ne hi unhen mukt karaya. atah nitya prati shri hanuman chalisa aur manglvar v shanivar ko shri ramchrit manas ke sundar kand ka path kar lene se shanti prapt hoti hai.
jo log hanuman bhakt hain, ve manglvar v shanivar ko shri hanuman ji ko sindur tatha chameli ke tel se chola charha kar bhog lagaen evan yathashakti ‘‘¬ han hanumte rudratmakay hung fat’’ mantra ka jap karen. nishchay hi kal sarp yog ki shanti hogi. bhagvan krishna: ghar ke mandir men morpankhi mukut pahne shri krishn bhagvan ki murti, chahe balrup ki hi ho, sthapit kar pujan karen.
shri krishn parabrahm parmatma hain. unka nityarchan tatha yathashakti ‘‘¬ namo vasudevay‘‘ mantra ka jap karne se kal sarp yog ki shanti ho jati hai. smaraniya hai ki bhagvan shri krishn ne kalidah par kaliya nag ke fan par trilokon ka bhar le kar nritya kiya tatha use vardan de kar ramnkdip ko bhej diya. shrimadbhagavat ke dasham skandh ke shodash adhyay ke 108 path karane se nag dosh ki shanti hoti hai.
if you are facing any type of problems in your life you can consult with astrologer in delhi