sanpurn kalasarp dosh ki shanti vidhi sarvavidit hai ki kalasarp yog ka nirman grahon ki ek vishesh sthiti ke falasvarup hota hai. yah sthiti hai rahu aur ketu ke bich ek or anya sabhi sat grahon ka a jana. jansadharan men ek dharna ya kahen ki bhram vyapt hai ki yah ek param anishtakari yog hai. kintu yah matra ek bhram hi hai. yah yog anishtakari to hai, kintu vahin yah bhi sach hai ki isse prabhavit anekanek jatak saflta ke shirsh par bhi pahunche hain. bure prabhavon ko dekhen to pate hain ki rahu jis bhav men baitha hota hai us bhav ke shubh prabhav kam aur nesht prabhav adhik milte hain. mukhyatah kalasarp dosh ke karan jatak ko shubh karm ka fal prapt nahin hota hai. yadi bimar ho, to dava asar nahin karti. yadi karj ho, to chukta nahin hai. yadi kalah ho, to shanti nahin prapt hoti hai. islie rahu ki sthiti ke anusar 12 prakar ke kalasarp dosh kahe gae hain. iske bure prabhavon se pirit jatkon ke man men prashn uth sakta hai ki inse mukti kaise ho? shiv sarp ka har pahnte hain v vishnu shesh nag ki shayya par virajman hain. atah kalasarp dosh se mukti ke lie mukhyatah shiv v vishnu ki aradhna hi shreshth hai. iske atirikt aise anek upay hain jinhen apnakar jatak kalasarp dosh ke nesht prabhavon se mukt ho sakta hai. samagri: kalasarp dosh shanti men parad shivling, kalasarp yantra, kalasarp laeket, nag nagin ke jore, rudraksh mala, ekakshi nariyal, rahu, ketu v machli, hakik v gomti chakra ki vishesh upyogita hai. parad bhagvan shiv ka virya mana gaya hai. kalasarp dosh ke jatak ko parad shivling ki pratishtha kar pratidin jal charhane se dosh se mukti milti hai. pratishthit kalasarp yantra ke sammukh sarson ka dip jalane se anek kashton ka shaman hota hai. rudraksh bhagvan shiv ke ashru hain. atah rudraksh mala par shiv mantra v rahu-ketu evan kalasarp mantra ka jap karne se asim shanti prapt hoti hai. abhimantrit kalasarp laeket gale men dharan karne se bhi dosh se raksha hoti hai. shivasvarup ekakshi nariyal, vishnusvarup gomti chakra, rahu-ketu, machli, hakik evan nag nagin ke jore ke visarjan se kalasarp dosh se tatkal mukti prapt hoti hai. vidhi: kalasarp yog janya doshon se mukti hetu shiv archana evan rudrabhishek ka vidhan hai. pratyek pujan se pahle kalash pujan ka hamari sanskriti men vishesh mahatva hai. puranon men iska ullekh samudra manthan ke kram men nikle chaidah bahumulya ratnon men se ek ke rup men kiya gaya hai. yah anukul svasthya, dirghayu, dhan-samriddhi, gyan aur antriksh ka dyotak hai. ise gyan ghat bhi kahte hain. kalash pujan devi-devtaon ke avahan hetu kiya jata hai. kalash pujan ki tarah hi panchang vedi pujan ka bhi apna vishesh mahatva hai. ismen gauri-ganesh puja, varn kalash puja, suryadi navagrah puja, panchopchar puja tatha shodshopchar matrika puja ki jati hai. tatpashchat shanrigi dvara dudh mishrit jal ki dhar se rudrabhishek karaya jata hai. is pujan kriya ke sath-sath rudrashtadhyayi ka path kiya jata hai. rudrashtadhyayi ke shuddh path ke falasvarup parad shivling men bhagvan shiv ka ansh pravisht hota hai, jo shastron men pran pratishtha ke nam se jana jata hai. iske pashchat shiv mahiman stotra evan shiv tandav stotra ke uchcharnon se bhagvan shiv ko prasann kiya jata hai. mantra jap: upar varnit rudrabhishek ke pashchat kalasarp dosh shanti ke lie nimn mantron ka ukt sankhya men jap karvane se tatkal shanti prapt hoti hai. jap ki sukshm vidhi bhi hai jismen dashansh jap karvane ka vidhan hai. rahu mantra: ¬ ran rahve namah ;18000ddh ketu mantra: ¬ ken ketve namah ;7000ddh shiv mantra: ¬ namah shivay (11000) vishnu mantra: ¬ vishnave namah (11000) kalasarp mantra: ¬ kraun namo astu sarpebhyo kalasarp shanti kuru-kuru svaha (11000) mahamrityanujay mantra: ¬ trayanbkan yajamhe sugandhin pushtivardhanam urvarukmiv bandhnan mrityormukshiya ma'mritat (11000) ashtakul nag stotra: (108) visarjana: jatak pratishthit parad shivling evan kalasarp yantra apne puja sthal par sthapit karen v laeket evan rudraksh mala dharan karen. pratidin parad shivling ka jal ya dudh se abhishek karen. yantra ke sammukh tel ka dipak jalaen. rudraksh mala se shiv, rahu-ketu v kalasarp mantra ka ek mala ya yathashakti jap karen. anushthan ke pashchat kale hakik, ekakshi nariyal, kauri, rahu-ketu ke sikke aur nag-nagin ke jore ka visarjan kiya jata hai. visarjan ke purva inhen ek kapre men bandhakar jatak ke upar se nimn mantra ka jap karte hue utara karna chahie. mantra: ¬ namostu sarpebhyo ye ke ch prithivimnu ye antarikshe ye divi tebhyah sarpebhyo nam.. ¬ sarpebhyo namah .. tatpashchat inhen bahte jal men pravahit karen. aisa karne se jatak ke jivan se kalasarp dosh ka prabhav dur hota hai tatha use sharirik, mansik aur arthik labh prapt hota hai. kab karvaen: kalasarp dosh shanti ke lie upar varnit vidhi prativarsh kisi somvar ko, janmadivas par ya siddh muhurt, jaise mahashivratri, nag panchmi ya shravan mas men karani chahie. shiv ya vishnu ke kisi siddh sthal ya tirth sthal par ek bar dosh shanti avashya karani chahie. dvadash jyotirling mandiron men, aur vishesh rup se trayanbkeshvar men, kalasarp dosh shanti ki vishesh mahatta hai. isi prakar gangatir haridvar ya prayag men bhi shanti ka vishesh mahatva len
Kya aapko lekh pasand aaya?
Subscribe