rah prakar ke kal sarp yogon men padm namak kal sarp yog kundli ke pancham bhav se sanbandhit hai. pancham bhav santan, shiksha, purvajanm ke karm adi ka bhav hai. is yog ke karan santan sukh men rukavat ati hai, shiksha men badha utpann hoti hai aur nirantar chinta aur pareshani ke karan jatak ka jivan sangharshamay bana rahta hai. brihatparashar horashastra ke anusar nimnalikhit yogon men sarp ke shap se santan hani hoti hai
. putrasthangte rahau kujen ch nirikshite. kujakshetragte vapi sarpashapat sutakshayah.. putreshe rahusanyukte putrasthe bhanunandne. chandren sanyute drishte sarpashapat sutakshayah.. karke rahusanyukte putreshe balavarjite. lagneshe kujsanyukte sarpashapat sutakshayah.. karke bhaumsanyukte lagne ch rahu sanyute. putrasthanadhipe duahsthe sarpashapat sutakshayah.. arthat (kramshah)
û santan bhav men sthit rahu ko mangal purn drishti se dekhe athva rahu mesh ya vrishchik rashi men ho.
û santan bhav ka svami rahu ke sath kahin bhi ho tatha pancham men shani ho aur shani ko ya mangal ko chandrama dekhe ya usse yuti kare.
û santankarak arthat pancham karak guru rahu ke sath ho aur panchmesh nirbal ho, lagnesh v mangal sath-sath hon.
û guru v mangal ek sath hon, lagn men rahu sthit ho, panchmesh chathe, athven ya 12ven ghar men ho. uparyukt sabhi sarp shap ke yog hain, jinse jatak ko santan kasht hota hai. bhaumanshe bhaumsanyukte putreshe somnandne. rahumanadiyute lagne sarpashapat sutakshayah.. putrabhave kujakshetre putreshe rahusanyute. saumyadrishte yute vapi sarpashapat sutakshayah.. putrastha bhanumandaraah svarbhanushshi jodangiraah. nirbalau putralagneshau sarpashapat sutakshayah.. lagneshe rahusanyukte putreshe bhaumsanyute. karke rahuyukte va sarpashapat sutakshayah.. arthat
(kramshah)
û santan bhav men 3.6 rashiyan hon, mangal apne hi navansh men ho, lagn men rahu v gulik ho.
û santan bhav men 1.8 rashiyan hon, panchmesh mangal rahu ke sath ho athva santanesh mangal se budh ki drishti ya yuti sanbandh ho.
û santan bhav men surya, mangal, shani ya rahu, budh, guru ekatra hon aur lagnesh v panchmesh nirbal hon.
û lagnesh v rahu ek sath hon, santanesh v mangal aur guru v rahu ek sath hon. uparyukt yogon men bhi sarp shap se santan nahin hoti athva jivit nahin rahti. is kundli ke jatak peshe se shikshak hain, lekin niahsantan hain. bahut mannaten kin par kuch nahin hua. ab jatak sevanivrit hone vale hain.
is kundli men dvadash bhav ka svami shani santan bhav men hai aur dvadash bhav ke svami ki drishti santan bhav ke svami chandrama par hai. sath hi is par mangal ki bhi drishti hai. putrakarak guru ketu se yut hai. sabhi grah rahu-ketu ki dhuri men fanse hain arthat kal sarp yog hai.
nishkarshatah kaha ja sakta hai ki sarp shap ke karan santti nahin hui. is jatak ne sarp shap se mukti ke upay anushthan ke rup men nahin kie. ojha-guni ke chakkar men samay aur dhan donon barbad kiya aur anttah ek bachchi ko god lekar santosh kar liya. is jatak ki kundli men padm namak kal sarp yog hai. santan bhav rahu-ketu ki dhuri men hai. santan bhav ka svami dvadash bhav men surya ke sath hai.
rahu-chandra ki yuti kal sarp yog ki tivrata dikhati hai. putrakarak guru ketu ke sath hai arthat guru rahu-ketu ki dhuri men hai. shukra uchch rashi men to hai lekin rahu ke sath hai. chandrama se panchmesh chandrama rahu ke sath tatha shukra se panchmesh chandrama rahu ke sath hai. uparyukt tathya se nishkarsh nikala ja sakta hai ki jatak ko sarp shap ke karan santanhinta hai.
lekin ek bat yah bhi hai ki chandrama se navam men mangal vrishchik rashi men hai jo vriddhavastha men santan sukh pradarshit karta hai. sarp shap se mukt hokar is avastha men bhi santti prapt ki ja sakti hai aisa acharyon ka mat hai. sarp shap se mukti ka upay maharshi parashar ne bhi bataya hai.
is jatak ki patni v parivar valon ne ojha-guni ke chakkar men samay v dhan barbad kiya par koi labh nahin hua. is kundli ki jatka islie pareshan thi ki vivah ke tin varsh bad bhi use garbh dharan nahin ho raha tha. vah kal sarp yog v sarp shap se pirit thi. gat varsh agast men usne dosh nivaran ke upay kie aur use garbh dharan hua.
is kundli men santan bhav ke svami aur santan ke karak guru, jo dvitiya bhav men sthit hai, ke karan kal sarp yog nirmit ho raha hai. shani ke sath chandrama yuti kar raha hai. jatka navansh aur saptamansh kundli men budh se pirit hai jo pati men bhi dosh sabit karta hai. is kundli ki jatka ko vivah ke ath varsh bad tak garbh dharan men pareshani hui, lekin ab vah ek putri evan ek putra ke sath sukhi hai. iski kundli men pancham v panchmesh rahu-ketu ki dhuri men hain. shani nich rashisth lagn men hai.
santan karak guru par nich rashisth shani ki drishti hai. pancham bhav men ketu ke sath krur grah surya, mangal aur napunsak grah budh vidyaman hain. vibhinn chikitsakiya upay ke sath jab usne kal sarp sanbandhi upay bhi kie to garbh dharan hua. is kundli men bhi pancham arthat santan bhav men rahu hai. santankarak guru pancham bhav men rahu ke sath hai, sath hi mangal bhi hai. ‘‘karke rahusanyukte putreshe balavarjite. lagneshe kuj sanyukte sarpashapat sutakshayah..’’ santan karak guru rahu ke sath hai, panchmesh surya ketu ke sath rahu-ketu ki dhuri men nirbal hai, lagnesh svayan mangal hai jo rahu ke sath hai.
tatparya yah ki kundli sarp shapit hai. kundli men budh ki sthiti thik n hone se pati men bhi dosh dikhta hai. yah sthiti santti sukh men badhak sabit ho rahi hai. brihatparashrhorashastra men sarp shap ka shanti vidhan: grahyogvshenaivan nrinan gyatva'napatyata. taddosh parihararth nagpujan ch karyet.. svagrihyoktavidhanen pratishthan karyet sudhiah. nagmurti suvarnen kritva pujan samachret.. gobhutilhiranyadi dadyad vittanusartah. evan krite tu nagendra prasadad vardhate kulam..
arthat sarp shap se mukti ke lie nagpuja apni kul paranpra ke anusar karen. nagraj ki murti ki pratishtha karen athva nagraj ki sone ki murti banvakar pratidin puja karen. tatpashchat godan, bhumidan, tildan, svarnadan apni samathrya ke anusar karen.