kal sarp yog rahu se ketu ke madhya anya sabhi grahon ke a jane se banta hai. jab rahu se ketu ke madhya anya grah hote hain, to udit aur jab ketu se rahu ke madhya hote hain, to anudit kal sarp yog ki rachna hoti hai. rahu jis bhav men sthit hota hai usi ke anusar 12 prakar ke kal sarp yog bante hain. unka fal bhi unhin bhavon ke anusar kaha gaya hai, jiska vivechan is patrika men vistar se kiya gaya hai.
kal sarp yog ko samjhne ke lie sarvapratham avashyak hai rahu aur ketu ko samjhna. rahu aur ketu kya hain yah nimnalikhit tathyon se samjha ja sakta hai. prithvi surya ki parikrama ek samatal men karti hai. chandrama bhi prithvi ki parikrama ek samatal men karta hai. lekin yah prithvi ke samatal se ek kon par rahta hai. donon samatal ek dusre ko ek rekha par katte hain. ek bindu se chandrama upar aur dusre se niche jata hai. inhin binduon ko rahu aur ketu ki sangya di gai hai.
surya, chandra, rahu evan ketu jab ek rekha men a jate hain, to chandra aur surya grahan lagte hain. jab rahu aur ketu ki dhuri ke ek or sabhi grah a jate hain, to kal sarp yog ki utpatti hoti hai. yah yog tabhi banta hai jab sabhi grahon ke sath guru aur shani bhi ek or a jaen.
kyonki rahu aur ketu ke atirikt keval shani aur guru hi dhimi gati se chalte hain, atah shani v guru ka ek or a jana hi kal sarp yog ki utpatti ka ek pramukh karan hota hai. surya, budh v shukra to prayah sath hi rahte hain aur chandrama shighragami hai, atah guru v shani ke atirikt mangal ki sthiti kal sarp yog ke hone athva n hone men mahatvapurn bhumika nibhati hai.
kal sarp yog (kaal sarp yog) se sanbandhit kuch mukhya tathya nimnalikhit hain
- surya ki gati ke karan kal sarp yog kabhi bhi 6 mahine se adhik avdhi ke lie nahin ata.
- in 6 mahinon men bhi chandrama ki gati ke karan 2 saptah yah yog rahta hai aur 2 saptah nahin rahta. jab kabhi chandrama dhuri se bahar ho jata hai, tab yah anshik kal sarp yog kahlata hai.
- prati varsh kal sarp yog ki utpatti nahin hoti, bich men kai varshon tak yah yog nahin banta hai.
- yah yog 2-3 bar udit rup se banne ke pashchat 2-3 bar anudit rup se aur punah udit rup se banta hai.
- rahu ko guru ko punah sparsh karne men 7 varsh 2 mah lagte hain. atah udit anudit bhi lagabhag 7 varsh ke chakra men bante hain.
- kal sarp yog ki satik ganna karne ke lie rahu v ketu ke anshon se anya grahon ke anshon ko dekhna chahie. udit kal sarp yog men anya grahon ke ansh rahu se kam v ketu se adhik hone chahie jabki anudit men iske viprit.
- khagol siddhant ke anusar udit v anudit rup men kal sarp yog men keval rahu se anya grahon ki sthiti men antar hai. atah faladesh men anudit ka fal bhi udit ke samrup hi samjhna chahie.
- kal sarp yog ke samay sabhi grahon ke ek or ho jane se prithvi ke upar unka akarshan ek or adhik ho jata hai. is asantulan ke karan bhukanp adi ate hain. aisi sthiti men janmanas men udvignata vyapt ho jati hai aur yuddh adi ke lakshan dikhai dene lagte hain.
- kal sarp yog men sabhi drishya grah prithvi ke ek or a jate hain jiske karan prithvi par ek or khinchav parta hai aur samudra men jvar bhata adhik tivrata se ate hain.
- varsh 2006 men kal sarp yog nahin bana aur 2007 men bhi nahin ban raha hai v bhukanp bhi in dinon 2004-2005 ke mukable kam rahe hain.
- ek sarvekshan ke anusar kal sarp yog ke samay samanya prasav ki sankhya kam ho jati hai. is yog ko kisi bhi prakar se rahu kal ke sath nahin jorna chahie.
san 2000 se ab tak yah yog kab-kab bana aur age 2040 tak kab-kab banega iski talika prastut hai
| 21.02.2000 - 11.07.2000 |
udit |
| 08-07-2002 - 24-11-2002 |
anudit |
| 26-05-2004 - 15-10-2004 |
anudit |
| 09-07-2005 - 15-08-2005 |
anudit |
| 11-08-2008 - 16-12-2008 |
udit |
| 13-05-2013 - 10-09-2013 |
udit |
| 05-09-2016 - 26-12-2016 |
anudit |
| 15-09-2017 - 01-02-2018 |
anudit |
| 12-08-2018 - 20-09-2018 |
anudit |
| 25-02-2020 - 24-05-2020 |
udit |
| 01-01-2021 - 26-03-2021 |
udit |
| 17-12-2021 - 23-04-2022 |
udit |
| 28-04-2025 - 22-07-2025 |
anudit |
| 23-03-2026 - 11-07-2026 |
anudit |
| 06-05-2034 - 01-08-2034 |
udit |
| 17-06-2035 - 09-08-2035 |
udit |
| 02-03-2036 - 04-07-2036 |
udit |
| 29-07-2038 - 12-12-2038 |
anudit |
| 30-08-2039 - 05-12-2039 |
anudit |
yah yog grahon ki akash mandal men vishesh sthiti hai jabki rahu kal din ke athven bhag arthat lagabhag 1) ghante ki avdhi ko kahte hain, jiska svami rahu hota hai. rahu kal men kisi shubh karya ka praranbh varjit bataya gaya hai aur yah muhurt ka ek ang hai. iska jatak ki kundli se koi sanbandh nahin hai jabki kal sarp yog ka mukhya fal jatak ko milta hai. iska prabhav prithvi par evan manushya ke jivan par vishesh rup se dekha gaya hai.
kal sarp yog ke bare men anek charchaen sunne ko milti hain ki is yog ka varnan kahin nahin hai. keval sarp yog ka hi shastron men varnan hai. is bare men yah kahna chahunga ki bahut se yogon ka varnan nahin hota. nae yog ham apne anubhav v shodh ke dvara upyog men late hain. shodh jivan ka ek pramukh ang hai. yadi kisi nae yog ka fal dekhne men ata hai, to ise upyog men avashya hi lana chahie.
nishkarshata: kal sarp yog prithvi par jitna uthal puthal machata hai, shayad jatak ko utna hi prabhavshali banata hai, lekin usse parishram karva kar. upay keval parishram ke kasht ko kam karne ke lie hote hain. jatak ke lie is yog ke fal to shubh hi hote hain.
if you are facing any type of problems in your life you can consult with astrologer in delhi