ap aksar svayan ko fit rakhne ki planing karte honge, ise lekar apne kai bar yojnaen bhi banai hongi. kasarat v santulit ahar ke dvara motape ko kam karne ke lie apne kai bar koshishen bhi ki hongi. svayan ko fit rakhna itna kathin nahin hai jitna fit rakhne ki ‘shuruat’ karna hai. fitnes planing ke shuruati charan men apko kuch dikkaten ya ashjta avashya mahsus hogi, isi karan ham helth yojnaen banate to avashya hain parantu unka palan n kar pane ke karan ye yojnaen vifal ho jati hain. yog kakshaen ya niyamit rup se jim men jakar ki gai koi bhi eksarasaij tabhi hamara vajan kam kar sakti hai jab ham mithai, choklet, fast fud ka sakhti se virodh karen. ham apni jivnshaili men badlav aur niyamit sharirik kriyaon se hi vajan men kami kar sakte hain tatha apne ko akarshak v akar men banae rakhne men kamyab ho sakte hain.
parantu koi bhi svasthya kriya shuru karne se pahle apko svasthya visheshagya se avashya paramarsh karna chahie. motapa ka karan jyotish shastra men talash karne par ham pate hain ki grahon ke ashubh prabhav se vyakti mota ho jata hai. mukhya rup se brihaspati grah motape ka mukhya karan mana gaya hai. iske atirikt shukra grah mithe khadya padarthon ka pratinidhitva karta hai aur chandrama vyakti ko fudi banata hai. donon ka prabhav janmarashi ya lagn par hone par motape ki samasya samne a jati hai jabki shani, rahu aur ketu sharir ko charhra aur patla rakhte hain. janmakundli ke grahon ki dasha, yog aur gochar ke prabhav ke falasvarup hi hamara vajan ghatta-barhta rahta hai. jyotish shastra manta hai ki motapa barhne ki vajah grah-nakshatron ka kamjor hona hai. anya karnon ke alava apke mote hone men grah, yog aur janm rashi ki bhi vishesh bhumika rahti hai.
ise santulit aur vyavasthit ahar ke dvara kantrol kiya ja sakta hai. sabhi grahon men guru ka gochar ek nishchit varshavdhi men apke motape men vishesh kami ya barhottari ka karan banta hai. ise niyantrit karne ke lie ap apni rashi ke anusar khan-pan kar motape se mukt rah sakte hain. aiye janen yah kaise sanbhav hai- mesh rashi - agni tatva rashi hone ke karan ap josh, urja aur ugrata se bhare rahte hai. yahi karan hai ki ap garm aur masaledar bhojan adhik pasand karte hain. ayurved ke anusar ap pitt prakriti ke hanai. vatrtaman 2017 men guru apke chathe bhav par gochar kar rahe hain, sitambar mah 2017 se guru apke saptam bhav par gochar kar janm rashi ko prabhavit karne lagenge. is sthiti men apko apne motape ko niyantran men rakhne ke lie aur adhik prayas karne honge. iske lie bhojan ke rup men apko adhik salad, thandi (malai rahit) lassi, kam ubli hui sabjiyan, braun bred, sada dahi, chach, gajar aur sabjiyon ka ras, soya panir tatha soya dudh ka sevan karna chahie.
isse apke sharir ko paushtik ahar bhi milega aur sharir men fait bhi jama nahin ho paega. vrishabh rashi - ap prithvi tattva rashi ke hain. sabhi chijon ko anand ke sath khana pasand karte hain. paushtik bhojan apki vishesh ruchiyon men se ek hai. bhojan ka sundrta ke sath parosa jana aur salad ka hona apke lie avashyak hai. ap vat ya kaf prakriti ke vyakti hanai. gochar men guru ka apki janmarashi ko drishti dena, varshavdhi men motapa adhik teji se barhne ka sanket de raha hai. shukra ki rashi apko mithi chijon ka shaukin bana rahi hai aur mithe ka adhik prayog bhi apko motapa de raha hai. apne motape ko kam karne ke lie ap khane men hari sabjiyan, salad, gungune pani men ninbu aur shahad milakar pina, mausmi fal, salad, faliyan, patta gobhi, palak adi sabjiyon ka sevan karen. chini, mithai ki jagah ap shahad ya shugar fri shakkar ka prayog karne ki adat dalen. mithun rashi - ap khane-pine ka shauk rakhte hain. vat, pitt aur kaf tinon tattva apmen pae jate hain. guru is samay gochar men apke chaturth bhav par gochar kar rahe hain, aise men is samay motapa apke niyantran men rahega. sitambar mah se tula rashi se guru ki navam drishti apki janmarashi par rahegi, is avdhi se apke vajan men shighra barhottari hone ki sanbhavnaen rahengi fir bhi ap soya panir, soyabins, parsele, mashrum aur uble hue alu ka bhojan ke rup men prayog karen. iske sath hi ap der rat khana khane se bachen, bargar, pijja aur maida bred bilkul n khayen. sath hi makkhan, tale-bhune bhojan ko sakhti se inkar karen. kark rashi - ektiv jivan shaili ka palan n karne ki pravritti apmen pai jati hai. apki kaf prakriti hai.
vartaman varsh men guru apki rashi ko prabhavit nahin kar rahe hain, aise men is sal motapa apke niyantran men rahega. chandrama ki rashi apko mitha khana pasand karne ka svabhav de rahi hai. iske karan ap par motapa shighra prabhavi ho sakta hai. ise nishprabhavi rakhne ke lie soya yukt dudh, panir apko khana chahie. ap rat men chaval khane se bachen, avashyak ho to ap braun rais le sakte hain. namak ka sevan kam karen. alu aur bred ki jagah hari pattedar sabjiyan len tatha harbal ti aur sup le sakte hain. sinh rashi - ap agni tatva rashi ke vyakti hanai. ap apni fitnes aur sharirik rakh-rakhav ke prati sachet rahte hain. apki pitt prakriti hai. iske karan apka motapa bhi teji se barhta hai.
apki sharirik kshamata shighra vajan grahan karne ki hoti hai. vatrtaman men guru vakri avastha men hain aur jun mah se margi honge. is avdhi men apko apne motape ko kantrol men rakhne ki vishesh avashyakta hogi. bailens dait ke rup men badam khana apke lie achcha rahega. grild vejitebls bhi apne khane men shamil karen. falon men stroberi, narangi ya kivi len, salad aur ras avashya len. khane men tel ke rup men ap jaitun ka tel, badam ya surjmukhi ke tel ko shamil kar sakte hain. kanya rashi - ap vyavasthit jivan shaili ka palan karne ke adi hain. vat, pitt aur kaf tinon prakriti apmen pai jati hai. guru gochar men is samay apki janmarashi par hai jiske karan yah sal apke motape ko barhane ka kam karega. sitambar mah se ismen kami hogi, tab tak apko hari sabjiyan, sabut anaj aur hari salad leni chahie. sath hi harbal chay, kali mirch, jaivik khadya padarth ki jagah prakritik khadya padarthon ka adhik prayog karen. tula rashi - ap vayu tattva ke vyakti hanai. ap apne sharirik rup aur akar ka khas dhyan rakhna pasand karte hain.
apke sharir men vayu tattva ki pradhanta hai. guru is sal sitambar mah se apki rashi par gochar karenge. yah sal apke motape men samanya se adhik barhottari karega. atah savdhani rakhni hogi. ise rokne ke lie ap hari sabjiyon ka prayog karen. kek, pestri aur puding khane se bachen. sharir se vishakt padarthon ko bahar nikalne ke lie apko bahut pani ya kisi anya taral padarth ko pina chahie. vrishchik rashi - ap sharirik rup se fit rahna pasand karte hain. ap samanya rup se ektiv rahte hain. pitt prakriti adhik prabhavi rahti hai. gochar men guru ki sthiti apki janmarashi par is sal vishesh prabhav nahin dalne vali hai. atah samyavdhi men motapa apko adhik pareshan nahin kar paega. svayan ko fit banae rakhne ke lie anar aur saladon men ap bitrut (immjtvvj) ka prayog karen. salad ke rup men tamatar, lal cheri aur santre len tatha gair-shakahari bhojan, sukhe fal aur nats ke sevan se apko bachna chahie. dhanu rashi - apke sharir ke nichle hisse par vajan barhne ki pravritti adhik hai. apki kaf prakriti hai. guru grah ka vishesh prabhav is varsh pratyaksh nahin parega parantu anya grahon ke prabhav se bhi apka motapa barh sakta hai. atah satarkata rakhni hogi. bhojan men ap gajar ka ras, kachche fal, bhuna hua bhojan, soya, sabut anaj len. paik aur sanrakshit khadya padarth se bachna chahie.
makar rashi - ap apne svasthya ke prati bahut adhik sachet nahin rahte hain tatha ap vat prakriti ke hanai. vajan kam karne ke apne nidhr aarit lakshyon ka sakhti se palan karen. shani ki rashi hone ke karan ap par motape ka prabhav dhire-dhire hoga. kai bar apko der se pata chalta hai ki ap par motapa apna prabhav dal raha hai. guru is samay sitambar tak ap par apni pancham drishti dal rahe hanai. yah apke sharir par motapa jald barhaega. apni jivnshaili men sudhar kar ap iske prabhav ko kam kar sakte hain. pey v khadya padarthon men jus ki bajay pura kachcha seb khaen, maltigren ata ya ate ka upyog karen. apne bhojan ka mukhya bhag fal aur sabjiyon ke rup men len. bekd sabjiyan aur bhojan ko bar-bar n khayen. ahar ki ek dayri banaen aur uske anusar hi bhojan karen. kunbh rashi - ap apratyashit aur apranpragat vyayam karna pasand karte hain.
parantu ap nirdharit ahar chart ka palan nahin kar sakte hain. ap vat prakriti ke hain. apki rashi par motape ka asar bahut adhik n hone ki sanbhavnaen ban rahi hain. shani ki rashi apke motape ka asar kam karegi. parantu vartaman varsh men sitambar mah se guru ki pancham drishti apki rashi par parne lagegi. yah apke motape men barhottari karegi aur khane men apko yojna banakar khane ki adat bilkul nahin hai.
vajan par apna niyantran banae rakhne ke lie apne ahar men adhik hari pattedar sabjiyon ko shamil karen, ap badam, akhrot adi jaise sukhe nats shamil n karen, jaitun ke tel ka istemal karen, skimd dudh, salad, v falon ya sabji ka salad, kale angur, seb len. min rashi - ap jaliya rashi ke vyakti hain. niyamit sharirik vyayam apko sfurti denge. apki kaf prakriti hai. motape ka asar ap par bhi bahut jald hota hai. yahi karan hai ki kam khane se bhi ap motape ke prabhav men shighra a sakte hain. sath hi guru gochar ka prabhav bhi is samay apki janmarashi par a raha hai. islie sanbhavit hai ki is varsh apke vajan aur motape men samanya se adhik badhottari ho.
ap paushtik taje khadya padarth khaen aur jank fud chor den. seb, muli, salad, ananas, alu, shalajam, gajar, kaddu ityadi ka sevan karen. isse apka motapa kam hoga aur ap svayan ko fit rakhne men safal ho sakenge.