apne neta ke prati is prakar ka pyar, vishvas aur balidan vastav men prashansniya aur avishvasniya hai. yah jayllita ka karishmai vyaktitva hi tha jiske karan tamilnadu ki janta ne unhen itna pyar diya. sushri jayllita ka jivan abhi to dekhne men bahut hi vilaspurn, sukh suvidhaon se sanpann aur aishvaryayukt najar ata hai, unke pas 10500 sariyan, 7500 saindal aur 200 kilo sona tha lekin unka bachapan kafi sangharshamay tha. jayllita ka janm 24 farvri 1948 ko ek ayyar parivar men, maisur rajya ke, madyan jile ke, melur kot ganv men hua tha. unke dada tatkalin maisur rajya men ek sarjan the. keval 2 sal ki umra men hi unke pita jay ram unhen, man sandhya ke sath akela chorakar chal base the. pita ki mrityu ke pashchat unki man unhen lekar banglor chali gai jahan unke mata-pita rahte the. bad men unki man ne tamil sinema men kam karna shuru kar diya.
jayllita ki praranbhik shiksha pahle banglor aur bad men chennai men hui. bachapan se jayllita parhai men bahut hi hoshiyar thin. ve ek bahut achchi vakil banna chahti thin aur apni parhai jari rakhni chahti thin parantu unki man paise ke abhav ke karan unki parhai ka kharcha nahin utha sakti thin isliye unhonne jaya ko filmon men kam karne ke lie raji kar liya aur matra 15 varsh ki ayu men hi ve kannar filmon men mukhya abhinetri ki bhumikaen karne lagin. kannar bhasha men unki pahli film ‘chinnara gombe’ hai jo 1964 men pradarshit hui. uske bad unhonne tamil filmon ki or rukh kiya aur ve tamil filmon ki pahli abhinetri thin jinhonne skart pahan kar bhumika nibhai. shuru se hi ve kafi bold thin. unhonne lagabhag 300 filmon men kam kiya. tamil ke alava unhonne telugu, kannar angreji aur hindi filmon men bhi kam kiya hai. unhonne dharmendra sahit kai abhinetaon ke sath kam kiya, kintu jyadatar unki filmen shivaji ganeshan aur em. jiramchandran ke sath ai.
abhinay ke parde par em. ji. ramchandran ke sath unki jori kafi safal rahi aur darshak ne bhi is jori ko behad pasand kiya. apne prabhavshali abhinay ke karan ve ek pratishthit abhinetri ban gayi thin. 1980 ke dashak men unka filmi kariyar thora dhima ho gaya. unki akhiri film thi ‘nadhiyai thedi bandha kadl’ jiske bad unhonne rajniti se jurne ka faisla kiya. 1982 men unhonne ael indiya anna dravir munnetra karagam (anna dramuk) ki sadasyata grahan karte hue em. ji. ramchandran ke sath apne rajnaitik jivan ki shuruat ki. 1983 men unhen em. ji. ramchandran ne parti ka prachar sachiv niyukt kar diya aur do varshon ke andar hi 1984 men unhen rajyasbha ke lie namankit kar diya gaya. kuch hi samay men ve e. ai. e. di. em. ke ki ek sakriya sadasya ban gain. unhen emji. ar ka rajnaitik sathi mana jane laga aur prasar madhyamon men bhi unhen e. ai. di. em. ke. ke uttaradhikari ke rup men dikhaya gaya. jab em. ji. ar mukhyamantri bane to jayllita ko parti ke mahaschiv pad ki jimmedari saunpi gai.
unki mrityu ke bad kuch sadasyon ne janki ramchandran ko e. ai. e. di. emke. ka uttaradhikari banana chaha aur is karan parti do hisson men bant gai. ek gut jayllita ko samarthan de raha tha aur dusra gut janki ramchandan ko. san 1988 men parti ko bhartiya sanvidhan ki dhara 356 ke tahat rajya men rashtrapti shasan ki ghoshan karte hue satta se bahar kar diya gaya. san 1989 men e. ai. e. di. em. ke. fir se sangthit ho gai aur jayllita ko parti pramukh banaya gaya aur uske pashchat bhrashtachar ke kai aropon aur vivadon ke bavjud jayllita ne 1991, 2002 aur 2011 men vidhan sabha chunav jite. rajnaitik jivan ke dauran jayllita par sarkari punji ke gaban, gair kanuni dhang se bhumi adhigrahan aur ‘ay se adhik sanpatti arjit’ karne ke kai arop lage aur 2014 men is karan saja bhi hui aur mukhyamantri pad chorna para.
par 2015 men uchch nyayalay dvara bari hone par ye fir se tamilnadu ki mukhyamantri ban gain. tamilnadu men pahli bar mahila thana khulvane ka shrey jayllita ko hi jata hai. jayllita ji ne apne karyakal men 20 janakalyankari yojnaen shuru kin jiske karan ve am janta men bahut lokapriya ho gain.
kalyankari yojnaen
1. amma fri vai-fai
2. amma bebi keyar kitsa
3. amma pipul sarvis
4. amma ejukeshan skim
5. amma skil
6. amma namk
7. amma siment skim
8. amma medikal stor
9. amma mairej hael
10. amma kael sentr
11. amma tebal fain
12. amma tienaefdisi fish stael
13. amma bij
14. amma kaintin
15. amma minaral vatr
16. amma thietr
17. jay tivi
18. amma mobail fon
19. amma laiptaep
20. amma graindr
22 sitanbar 2016 se jayllita ko bukhar aur sharir men pani ki kami ke chalte unhen aspatal men bharti karaya gaya aur tin mahine tak ve kafi bimar rahin unke fefron men sankraman tha tatha unhen respiretri saport sistam par bhi rakh gaya. landan se bhi visheshagya daektar ko bulaya gaya par unhen bachaya n ja saka aur 5 disanbar 2016 ko unka nidhan ho gaya. aie karen jayllita ji ki atyant sudrirh kundli ka vishleshan jayllita ji ki lagn kundli aur chandra kundli donon hi bahut balvan hai jisse unki saflta ke spasht sanket prapt ho rahe hain. dvisvabhav lagn hone ke karan inmen paristhitiyon ke anusar samanjasya baithane ki adbhut kshamata vidyaman thi. lagn par sthir grah brihaspati ki drishti hone se inke svabhav men sthirta, daya v dusron ki madad karne ke bhav ki adhikta thi.
isi karan inhen logon ka apar sneh prapt tha. tritiya bhav men chandra mangal ki yuti jahan inhen atyant mahatvakankshi, mehnti, karya ke prati atut kshamata pradan kar rahi hai, vahin mahalakshmi yog ka nirman bhi ho raha hai. dvitiya bhav ke shani ne inhen angreji bhasha men nipun v bahut achcha vakta banaya. uchch bhavasth shukra ki rashi men sthit pancham bhav ke ketu ne inhen bahut achchi adhyatmik shakti di, achchi shiksha v achche sanskar bhi diye. satven bhav men svagrihi guru hone par inka vivah nahin ho saka kyonki mithun lagn men guru badhkesh, markesh tatha kendradhipti dosh se yukt hota hai evan brihaspati par rahu ki bhi pap drishti hone se ve adhik ashubh ho gaye aur vivah nahin ho paya. matri sthan ke svami budh bhagya bhav men sthit hain tatha karak chandrama ki bhagya bhav par drishti hone se evan chaturth bhav par shukra ki drishti hone se inki mataji ka purn sahyog unhen prapt hua aur unki prerna se choti umra men hi saflta mil gai.
inki kundli men ekadash bhav men sthit rahu grah balvan hone se inko rahu ki mahadsha mane hi bara pad, pratishtha prapt ho gai aur inhen pasand karne vala apar jan samuh mila. aktubar 2012 se brihaspati ki mahadsha aranbh hone ke bad inke jivan men adhik utar-charhav ae aur pareshaniyan bhi utpann huin kyonki brihaspati markesh, badhkesh hone se shubh nahin hain. isi karan is dasha avdhi men inhen jel bhi jana para aur markesh brihaspati ki mahadsha v ashtamesh shani ki antardasha men inka dehant ho gaya. jayllita ji ki kundli men anek shubh yog vidyaman hain. uchch mantri pad prapti raj yog - brihatparashar hora shastra ke anusaar yadi amatyakarak grah kundli men svagrihi, uchch hokar bali ho to nishchit rup se mantri pad ki prapti hoti hai. inki kundli men amatyakarak grah shukra kundli men uchch hokar dasham bhav men bali hanai jiske falasvarup ye kai bar tamilnadu ki prabhavshali mukhyamantri banin.
vina yog: yadi kundli men sabhi grah sat sthanon men sthit hon to yah yog banta hai. inki kundli men sabhi grah sat sthanon men sthit hanai aur is yog ke karan ap film abhinetri ke rup men vikhyat huin aur apni kala kaushal ke dvara inhonne vishesh rup se tamil v telugu filmon men nam kamaya. amal kirti yog: inki lagn kundli men dasham sthan men keval shubh grah shukra hai. sath hi shukra yogkarak v uchch, balvan sthiti men hai jiske karan inki kirti n keval apne jivan kal men thi varan marnoprant inki yad men v sadme se 400 se jyada logon ka nidhan ho gaya hai. isse is bat ki pushti hoti hai ki lanbe samay tak inki yash v kirti vidyaman rahegi. anfa yog: chandrama se barhven bhav men grah hone se yah banta hai. inki kundli men yah yog ban raha hai aur isi karan ye vikhyat huin tatha samast bhautik sukh suvidhaon se yukt thin.