desh ke jane mane hasya kalakar jaspal bhatti ka 24 aktubar ki rat jalandhar ke pas nakodar kshetra men shahkot ke nikat ek sadak hadse men, safed honda ekaerd kar men akasmik nidhan ho gaya. jaspal bhatti ne hasya, vyangya, kataksh, rod sho, ti. vi. sho aur filmon ke kshetra men apni maulikta ke adhar par sikka jamaya aur is disha men kai prayog kie. athven dashak se ek vyangya chitrakar ke rup men apna kariyar aranbh karne vale jaspal ne jalandhar duradarshan har hasya karyakram ‘ulta-pulta’ se prasiddhi pai.
sath-sath ve apne naensens kalab ke madhyam se am vyakti ki samasyaon ko sadak se sarkar tak pahunchaya. jyotishiya drishti jaspal bhatti ka janm 3 march 1955 ki ratri ek bajakar 30 minat par amritasar men hua. kundli ke anusar vrishchik lagn ka svami mangal chathe bhav arthat durghatana bhav men apni hi rashi men sthit hai aur 8vin drishti se lagn ko dekhta hai. budh grah janmapatri men, 8ven arthat mrityu sthan ka svami hai aur usi ki dasha chal rahi thi. budh men shukra ki dasha ka antar 1 mai 2012 se aranbh ho gaya. budh yahan mrityu bhav ka svami hai aur shukra 12ven arthat moksh ka. donon grah choti yatraen bhi karvate hain.
inhin ke karan inki yatraon men teji a gai. shukra yahan markesh ke sath-sath 12ven sthan ka bhi malik hai. kundli men shani, mangal v rahu ka paraspar sanbandh hone se bhi madhyam ayu yog banta hai. jyotish ke anusar jab lagnesh chathe bhav men ho, markesh tatha chathe v 12 ven bhavon ki dashaen ek sath chal rahi hon to jivan men aisi durghatana janleva sabit ho jati hai. yah sanyog hai ki jaspal bhatti ka janm guruvar ki ratri dedh baje hua tha aur mrityu bhi guruvar ki ratri dedh baje hi hui.
yah prashn aksar ek jyotishi se kiya jata hai ki kya apko malum tha aisa hoga? ek achche jyotishi ko avashya malum hota hai parantu kya aisi baten kholakar batai ja sakti hain? han ishare se hi kaha ja sakta hai ki vahan chalan aur sehat ityadi men dhyan rakhen. yah purva sanket unke janm din par subh-subah badhai dete hue kaha gaya tha kyonki unki kundli men budh men shukra ki antardasha 1 mai 2012 se aranbh ho rahi thi jo uprokt vishleshnanusar ghatak siddh ho sakti hai. fir jivn-maran, yash-apayash, labh-hani sab prabhu ke hi hath hain. jahan tak kariyar ka prashn hai, shani ki rashi men tritiya sthan par budh v shukra ki yuti, jaspal bhatti ko hasya, vyangya, kataksh, rod sho, ti. vi. sho aur filmon ke kshetra men le ai.
surya apni rashi ke bhav jo karmakshetra hai, purn drishti se dekhta hai, unhen kam ayu men prasiddhi pradan karta hai. lagnesh mangal chathe bhav men mul trikon rashi men hai jisne jatak ko ek ilaiktrikal injiniyar banaya parantu surya ki purn drishti ne unhen naukri se alag karva diya aur unka vyavsay ek injiniyar se kalakar men parivartit ho gaya. yadi satven bhav ko vyavsay ki drishti se dekhen to, saptamesh shukra budh ke sath, filmi duniya, glaimar aur hasya vyangya se jod raha hai. kya kahta hai ank shastra? yah ek sanyog hi kaha jaega ki tin ka ank jaspal bhatti ke jivan men ajibogrib raha. 3 march, 1955 ko unka janm hua.
tarikh 3, mahina bhi 3 aur us din virvar tha. ankshastra men 3 ank ka sanbandh guru se hota hai. vivah ki det bhi 24 march 1985 hai yani vivah ka mahina bhi 3 tha. 24 aktubar, suryoday se purva ki kalratri ko yadi joden to 24-10-2012 ka total bhi tin hi hai. inki umra ke 57 sal pure hue the. iska yog bhi 3 hi hai. ek aur sanyog dekhie 26 tarikh ko jab unki ‘pavar kat’ rilij hui, film ke primiyar par unki patni savita bhatti ji ne unke lie pikadili thiyetar men jo sit khali rakhi, uska nanbar bhi 12 hi tha arthat us ank ka yog bhi 3 hi banta hai.
iske alava unki jindgi men 3 ka ank kai bar ripit hua. aur akhiri sanyog yah bhi ki unki atmik shanti ke lie bhog ki tithi bhi 3 navanbar, 2012 ko hi padi. fir vahi ank 3 aya. yahi nahin unke uttaradhikari putra jasraj bhatti ka janm bhi guruvar ko hi hua.