kisi bhi vyakti ke jivan men apna makan hona bahut bara sapna hota hai jiske lie vah rat-din mehanat karta hai. makan athva bhavan jivan ki mulbhut avashyaktaon men se ek mana jata raha hai. janm lene se maran tak vyakti ki tin mulbhut avashyaktaen kahi gai hain jinmen roti, kapra v makan pramukh hai. roti v kapra prapt ho jane ke pashchat vyakti makan, bhavan athva ashram banane ki sochta hai parantu sabhi makan bana saken ya makan ka sukh le sakane yah jaruri nahin hota. jyotishshastra is vishay men bahut si jankari deta hai jinse yah gyat hota hai ki vyakti makan bana paega ya nahin. janmapatri men chaitha bhav bhumi, grih, vahan adi ka hota hai jabki mangal grah ko bhumi ka karak kaha gaya hai jisse spasht hota hai ki chaturth bhav, chaturthesh v mangal yadi shubhta lie hue hon to vyakti avashya hi makan athva bhumi ka svami hota hai ya ho sakta hai. kabhi-kabhar chaturth bhav, chaturthesh v mangal yadi ashubhavastha men hon to bhi vyakti kisi anya karanavash makan v bhumi ka svami to ban jata hai parantu unka sukh nahin bhog pata. aie jante hain ki kaun-kaun se yog jatak vishesh ko jamin v makan prapt karvane men sahayak hote hain. - chaturthesh kendra/trikon men uchch, sva v mitra rashi ka ho tatha chaturth bhav par shubh grahon ki drishti ho to vyakti ko makan avashya prapt hota hai. - jatak tatvam ke anusar chaturthesh balvan ho tatha lagnesh, chaturthesh dhanesh in tinon se jitne bhi grah kendra/trikon men honge utni hi sankhya ke makan ya plaet jatak ke honge. - chaturth bhav men uchch chandra yadi shukra ke sath ho ya shukra dhan bhav men ho aur uchch chandra chaturth men ho to jatak ka alishan makan hota hai. - chaturthesh dashmesh sang kendra/trikon men ho. - dhanesh, lagnesh v chaturthesh ka sanbandh ek se adhik makan dilata hai. - chaturthesh ka anya kendresha/trikonesh se sanbandh sandar makan ki prapti karata hai. - chaturth bhav men mangal ho tatha chaturthesh shubhavastha men ho to jatak svayan apna makan banvata hai. - chandra-mangal ka kendra trikon yog jatak ko svayan ke prayas se makan v bhumi prapt karata hai. - svarashi ka surya chaturth bhav men bhumi v makan sukh avashya deta hai. - surya shukra ki (vrishabh lagn men) yuti sva prayas se bhumi-makan pradan karti hai. - lagnesh ka chaturth bhav men shubh prabhav men hona. - chaturthesh shukra sang chaturth bhav men yadi shubh grahon se dekha jata ho to vyakti ka makan alishan hota hai. - chaturth sthan ya chaturthesh char rashi men ho aur chaturthesh shubh grahon se yut/ drisht ho to jatak ke kai makan hote hain. - lagnesha$saptamesh lagna/chaturth men shubh grah se drisht ho to bina prayas ke makan prapt hota hai. - makar lagn men uchch ka mangal athah bhumi pradan karta hai. - navam bhav men uchch ka shukra achchi bhumi deta hai. - shukra kendra men mangal se drisht ho to jatak makan avashya banata hai. - shukra lagnesh hokar kendra men surya/ mangal se drisht ho to makan avashya milta hai. - chaturth bhav men kark ka rahu v lagn par mangal ka prabhav jamin jaydad to bahut deta hai parantu unka sukh nahin lene deta. - chaturth bhav men shani purana ghar pradan karta hai. - ashtam bhav men guru chandra jatak vishesh ko jamin-jaydad uphar ke rup men dilate hain. - chaturth bhav men shukra-chandra v lagn men mangal uchch darje ka bhavan, makan pradan karte hain. - chaturthesh dashmesh sang chaturth bhav men ho to sarkar dvara bhavan prapt hota hai. - chaturth bhav men guru/ketu dharmasthan ke samip bhavan pradan karte hen. - chaturthesh budh yadi chaturtha/dasham bhav men ho to sambhrant ilake men bhavan pradan karta hai. - mesh lagn men chaturth bhav men svagrihi chandra jal sthan ke najdik athva makan jal se purn bhavan pradan karta hai. aj ke sandarbh men ise sviming pul se susajjit makan kaha ja sakta hai. is prakar aise kai yog hain jo vyakti ko bhumi v bhavan pradan karte hain. sanpatti kaisi milegi- paitrik athva svaarjit - chaturth bhav men chandra paitrik sanpatti ki prapti karata hai. - dvitiya bhav men dvitiyesh sang mangal paitrik sanpatti dilata hai. - chaturthesh chaturth bhav men mangal drisht ho to virasat men makan milta hai. - dashmesh chaturth bhav men ho to paitrik makan prapt hota hai. - lagnesh dashmesh sang chaturth men ho to vyakti ko shaskiya avas milta hai. - lagnesh-chaturthesh men sthan parivartan ho to svaprayason se makan banta hai. - dusre bhav men kark ka budh paitrik sanpatti dilata hai. - surya lagnesh hokar chaturtha/dasham men ho to svaprayas se sanpatti milti hai. - makar ka guru pancham bhav men pitron ki bhumi prapt karata hai. - uchch ka mangal chaturth bhav men paitrik v svaarjit donon prakar ki sanpatti pradan karta hai. - tula lagn men shukra-mangal ki yuti lagna/dvitiya bhav men paitrik sanpatti prapt karati hai. - lagn men uchch ka shani uttam bhumi-bhavan svayan ke prayason se dilata hai. - kunbh ka shani dusre bhav men ho to paitrik sanpatti prapt hoti hai. - chaturth bhav men min ka shani guru se drisht ho to paitrik sanpatti ke sath-sath svaarjit sanpatti bhi pradan karta hai. achanak bhavan ki prapti ke yog - yadi lagnesh v saptamesh chaturthasth hokar shubh grahon se drisht ho to achanak makan ki prapti hoti hai. - yadi chaturthesh v lagnesh, chaturth bhav men sthit hon to achanak dusron ke dvara nirmit bhavan ki prapti hoti hai athva kisi anya rishtedar dvara vasiyat adi ke dvara bhavan ki prapti hoti hai. - chaturthesh v bhagyesh, chaturth bhav men ho. paitrik bhavan ki prapti ke yog - yadi patri men chaturthesh, dvitiya bhav men ho to vyakti ko paitrik sanpatti prapt hoti hai. - dvitiyesh, chaturth bhav men ho to. - dvitiyesh, chaturthesh men bhav parivartan ho to. - chaturthesh ekadash bhav men sthit ho. - lagnesh ka dvitiyesh, chaturthesh v ekadshesh se sanbandh ho ya inke bhav parivartan hon. - mangal v shukra bali hon athva ye donon 2, 11 bhav men sthit hon. - yadi chaturth bhav men kunbh rashi ho ya shani se drisht rahu ho. bina prayas ke athva svalp prayas se bhavan yog - lagnesh v saptamesh lagn men ho aur chaturth bhav par shubh grahon ka prabhav ho. - lagnesh v chaturthesh lagn men ho aur chaturth bhav ko shubh grah dekhte hon. - chaturthesh bali ho (uchch, svagrihi) tatha navmesh kendra men ho. - ‘lagnesh v saptamesh, 1 ya 4 bhav men shubh grahon se drisht ho v navmesh kendra men ho tatha chaturthesh bali ho. - chaturthesh v dashmesh, kendra ya trikon men ho. - yadi chaturth bhav men budh ki rashi men shani ho aur budh svarashi ya uchch ka ho. ek se adhik bhavnon ka yog - yadi chaturthesh ya chaturth bhav, char rashi (1, 4, 7, 10) men ho tatha inapar shubh grahon ka prabhav ho to jatak anek bhavnon ka svami hota hai par bhavan badlte rahte hain. - yadi chaturthesh v dashmesh ki yuti, mangal v shani ke sath ho. - chaturthesh bali ho tatha lagnesh, dvitiyesh v chaturthesh yadi 1, 4, 5, 7, 9, 10 men hon. anya sanpatti ke yog - yadi chaturthesh bali hokar shubh grahon ke prabhav men ho tatha dvitiyesh v ekadshesh chaturth bhav men sthit ho to dhan-sanpda yukt bhavan ki prapti hoti hai. - yadi tritiyesh v karak mangal, chaturthesh se sanbandh banaye to bhaiyon dvara bhumi, bhavan ka sukh milta hai. - yadi shukra chaturth bhav men evan chaturthesh saptam bhav men ho aur donon mitra hane to stri dvara bhavan ki prapti hoti hai ya chaturthesh, saptamesh v karak shukra ka sanbandh ho to bhi stri dvara bhavan ki prapti hoti hai. - yadi stri sangyak grah chaturth bhav men ho aur chaturthesh, satven bhav men ho to vivah ke pashchat bhumi, bhavan ka sukh prapt hota hai. - yadi chaturth v dasham bhav men bhav parivartan ho tatha karak mangal bali ho to jatak bahut adhik makan ka svami hota hai. bhu-sanpatti arjan men shani ki bhumika bhu-sanpatti arjan men shani ki bhumika ka lal kitab men mahatva hai. lal kitab ke anusar, janmapatri ke sabhi dvadash bhavon men shani, bhu sanpatti se sanbandhit kya-kya achche bure parinam dega, ye nimn hain- - pratham bhav men shani ke hone par tatha sath hi shani ke mande hone par garibi evan charon taraf barbadi hoti hai. iske sath hi yadi mangal bhi chaturth khane men ho to jamin-jaydad bhi nasht karte hain. lekin lagn ke shani ke sath yadi satvan tatha dasvan khana - shani ke dvitiya khane (bhav) men hone par makan jab bhi bane aur jaisa bhi bane, banne dena chahiye kyonki ise ikhali ho to makan shubh fal deta hai. si sthiti men shubh mana gaya hai nahin to nuksan karte hain. - shani ke tritiya khane men hone par bhukhand par tin kutte palne chahie, aisa karne se makan banne ki sanbhavna kafi barh jati hai aur parinam bhi shubh milte hain. - shani ke chaturth khane mane hone par makan apne nam ka nahin banvana chahiye, aisa karna shubh rahta hai nahin to barbadi shuru kar deta hai. - panchven bhav ka shani santan hani deta hai. atah shubh parinam ke lie aise logon ko bhainsa adi dan karne ke pashchat hi makan ki ninv dalni chahie tatha yadi ho sake to 48 varsh ki umra ke pashchat hi makan banvana shubh rahta hai. - shani ke chathe bhav men hone par larkiyon ke rishtedaron ko pareshani paida karta hai. atah umra ke 36 ya 39 varsh ke pashchat hi makan banvana shubh rahta hai. - shani ke saptam khane men hone par ashubh parinam milte hain. atah labh hetu pushtaini ya bane-banaye makan men hi rahna chahiye. - shani ke ashtam khane men hone par tatha rahu-ketu ke nek hone par makan banvana shubh rahta hai. yadi rahu-ketu mande hon to apna makan nahin banvana chahiye. - shani yadi navam khane men ho to tin se adhik makan nahin banane chahie. - dasven khane ka shani makan ka kam pura hote hi dhan hani shuru kar deta hai. atah aise jatkon ko makan ka karya pura hi nahin hone dena chahiye arthat makan men koi-na-koi kam adhura rakhna chahie taki dhan hani n ho. - ekadash khane ka shani shubh parinam de, iske lie umra ke 55ven varsh ke pashchat makan banvana chahiye. - shani ke dvadash bhav men hone par makan to asani se banta hai, lekin aise jatkon ko yah dhyan men rakhna chahiye ki makan ka karya aranbh hone ke pashchat karya ko bich men rokna shubh nahin hai, makan ka karya pura karke choren. iske alava char kone vala (vargakar/aytakar) makan lena/ banvana hi shubh rahta hai.
Kya aapko lekh pasand aaya?
Subscribe