nirman karya ka praranbh nirman karya ka praranbh uttara-purva (ishan) se uchit puja-path ke uprant karna chahie. nirman karya sucharu rup se durghatana rahit chale iske lie vastu shastra ke kuch niyamon evan siddhanton ka paripalan avashyak hai. sabse pahle uttara-purva men borvel athva andaragraund vatar taink ka narman karen.
aisa karne se nirman karya men kharch hone vale dhan ki apurti sucharu rup se hoti rahegi. jab ninv ki khudai praranbh karen to kram ka dhyan rakhen. sarvapratham uttara-purva, fir uttara-pashchim, tab dakshin-purva tatha ant men dakshin-pashchim men ninv ki khudai karen. divaron ke lie gaddhe ki khudai uttar se dakshin tatha purva se pashchim disha men karna chahie. ninv banane ka karya viprit disha se praranbh karna chahie arthat pahle dakshin-pashchim, fir dakshin-purva tab uttara-pashchim evan ant men uttara-purva men faundeshan dala jana chahie.
nirman karya ke dauran pratidin is bat ka khyal rakhen ki rajmistri uttar ki apeksha dakshin ki divar unchi banae. bhavan nirman samagri, int, patthar, balu ityadi bhukhand ke dakshin-pashchim bhubhag men rakhna chahie. lohe ka sariya evan char adi pashchim bhubhag men rakhna chahie.
sainitri paip evan fitings ke saman adi bhukhand ke uttara-pashchim kone men rakhna chahie. bhukhand ke uttar evan purva ki bajay is samanon ko dakshin evan pashchim bhubhag men rakhne se nirman karya teji se hota hai tatha jaldi pura ho jata hai. vachmain ke lie aut haus dakshin-purva kone men purva evan dakshin disha se 2-3 fit ki duri par banana labhdayak hai.
kuan athva borvel ke nirman ke turant bad aut haus ka nirman kar lena chahie. iske uprant kampaund val (chardivari) ka nirman karna chahie fir mukhya nirman praranbh karna chahie. ratri men ek balb dakshin disha men sabse uchch sthan par jalana chahie. isse urja barhti hai tatha nirman karya samay se pahle purn ho jata hai.
kai bar aisa dekhne men ata hai ki kisi bhukhand ke kharidne ke turant bad se kai prakar ki pareshaniyan praranbh ho jati hain. ya to nirman karya men vilanb ho jata hai athva bar-bar kisi karan se karya ko rokna parta hai athva vivad tatha larai-jhagre praranbh ho jate hanai.
yadi aisi paristhiti paida hoti hai to vastu siddhanton ke anurup apko yah salah hai ki ap hal-bail se paranpragat rup se khet ki jutai karen. yadi jutai ke dauran bal, haddiyan, nakhun evan anya nakaratmak chijen milen to unhen nikal den tatha bhukhand ki punah jutai karen sath hi vastu puja, sudarshan hom evan shanti pujan karvaen.
utpadan blaek bhukhand men mukhya mashinen dakshin-pashchim men rakhen tatha uttar evan purva disha men adhikadhik khuli jagah choren. utpadan blaek akar men vargakar athva aytakar hona chahie. utpadan blaek ke charon or rasta hona achcha hai kyonki isse n sirf avagaman men suvidha hoti hai balki urja ka sam pravah bhi hota hai.
bhari mashinen utpadan blaek ke dakshin evan pashchim bhag men tatha halki mashinen uttar evan purva bhag men sthapit ki jani chahie. ilektrik motar, men svich, bord ityadi utpadan blaek ke dakshin-purva men lagana chahie.
kachche mal evan bhari samagriyon ka staek utpadan blaek ke dakshin athva dakshin-pashchim hisse men rakhna chahie. uttara-purva kshetra ko yathasanbhav saf-suthra evan halka rakhna avashyak hai. prashasnik blaek prashasnik blaek karkhane ke uttari kshetra men avasthit hona chahie. prashasnik blaek ki unchai utpadan blaek se kam honi chahie.
faiktri ka nirman is prakar kiya jana chahie ki dakshini bhag ki unchai hamesha pashchimi bhag se adhik ho. tirchi chat hone ki sthiti men iski dhalan pashchim se purva tatha dakshin se uttar ki or honi chahie. kisi bhi paristhiti men nirmit koi bhi bhavan chardivari se chuna nahin chahie.
prashasnik blaek pau.p. u. u.pud.p. d. d.pupucheyrmain, nideshak, uchch adhikari adi ke baithne ki vyavastha prashasnik blaek ke dakshin-pashchim kshetra men honi chahie. kaishiyar, ekauntent ki vyavastha uttari bhag men ki ja sakti hai tatha risarch end davlpment vibhag prashasnik vibhag ke uttara-purva hisse men hona vastu sammat hai.
sels staf ki vyavastha blaek ke uttara-pashchim men ki ja sakti hai. kaintin ki vyavastha prashasnik blaek ke dakshin-purva men karna uchit hai. audyogik pratishthan ki samanya yojna: dakshin-pashchim kshetra ka aur bhagon se uncha hona har jagah lagu hota hai. bhari mashin dakshin evan pashchim tatha halki mashinen utpadan blaek ke uttar evan purva men vyavasthit ki ja sakti hain.
baeyalar, transfaermar, bijli ke upakaran, bhatthi, esid taink, kaintin adi faiktri ke dakshin-purva bhag men hona chahie. rasayan, septik taink, vatar tritment plant uttara-pashchim athva dakshin-purva ke kshetra men banaye ja sakte hain. inki uttara-purva evan dakshin-pashchim kshetra men sthiti vibhinn prakar ki samasyaon jaise dhan hani, faiktri men talabandi evan vikas ka avruddh ho jana adi ko janm deta hai.
taeylet, gest rum, sarvent kvartar, nirmit samanon ka storej, gairej, paiking yunit adi faiktri ke uttara-pashchim kshetra men banana chahie. nirmit samanon ki loding athva dilivri ke lie uttara-pashchim ke pashchim men dvar banana chahie. isse nirmit samanon ke yathashighra bik jane tatha dhan ke agaman men sahayta milti hai.
ovrhed taink mukhya bhavan ke dakshin-pashchim ke pashchim men sthapit karna chahie. isse faiktri ke malik evan faiktri ko sthayitva milta hai. vajan karne ki mashin uttara-athva purva disha men chardivari se thori duri par honi chahie. utpadan pravah vastu ke anusar utpadan ka pravah dakshin se uttar ki or hona chahie. adhatvik vastuon ke lie utpadan pravah pashchim se purva ki or hona chahie. ardh nirmit vastuen pashchim kshetra ke kendra men tatha purn nirmit utpad uttara-pashchim men rakha jana chahie.
staf kvartar karmachariyon ke lie staf kvartar pashchim se uttara-pashchim ke bich athva uttar se uttara-pashchim ke bich ke kshetra men banana chahie. uchch prabandhkiya karmachariyon ke lie rahne ki vyavastha dakshin evan dakshin-purva men ki ja sakti hai. staf kvartar uttara-purva men banana varjit hai kyonki isse yah kshetra bhari ho jayega. sath hi staf kvartar ke sath bane taeylet se bhukhand ka yah sabse shubh bhag pradushit ho jaega.
staf kvartar dakshin-pashchim men bhi banana vastu sammat nahin hai kyonki is kshetra me kvartar banane se karmachari bahut adhik havi evan shaktishali ho jaenge jo ki faiktri ke svasthya ke lie hitakar nahin hai. gard rum suraksha karmachariyon ke lie gard rum ki vyavastha uttara-purva ke dakshin bhag men ki ja sakti hai yadi get uttara-purva ke purva hai.
yadi get uttara-purva ke uttar hai to gard rum uttara-purva ke pashchim men banana chahie. suraksha karmachariyon ka munh sadaiv uttar athva purva disha ki or hona chahie. vajan karne ki mashin vajan karne ki mashin faiktri ke mukhya dvar ke samip purvi kshetra ke madhya athva uttari kshetra ke madhya men avasthit hona chahie.
kuch dhyan dene yogya baten:
- taeylet uttara-purva men kabhi nahin banaen. yah apke samman evan dhan donon ko barbad kar dega.
- uttara-purva kone men katav apke utpad ko autdeted bana deta hai jo antatah divaliyepan ka karan banta hai.
- uttar purva men bhari vajan naye avishkaron evan nai soch ko rok deta hai.
- bhavan ka uttara-purva uncha hona durbhagya evan badnami ka dyotak hai.
- uttara-purva men ovrhed taink vikas ko avruddh karta hai.
- uttara-purva men jenretar hone se faiktri men ag lagne ki sanbhavna prabal hoti hai.
- sirhiyan dakshin-pashchim kshetra men hona chahie.
- besment purva, uttar athva uttara-purva kone men banaya ja sakta hai.
- faiktri ke uttara-purva evan madhya hisse men kisi bhi tarah ka bhari saman rakhna varjit hai.
- nirman men kaelam evan bim ki sankhya hamesha sam honi chahie.
- bim mashin athva karmachariyon ke upar se nahin gujrna chahie.
-puja rum athva mandir uttara-purva ke kone men banana chahie tatha ise hamesha saf-suthra rakhna chahie.
- pani ka bahav uttar, purva athva uttara-purva ki taraf hona chahie.
- yadi faiktri men laen chahte hain to iske lie uttar evan purva hissa upyukt hai.
- parkig ki vyavastha mukhya rup se uttara-pashchim ya uttar men karni chahie.
jivan men jarurat hai jyotishiya margadarshan ki? abhi bat karen fyuchar point jyotishiyon se!