kriket ka khel n keval kriket khilariyon, balki shikshiton- ashikshiton, amiron, garibon vyapariyon, naukri pesha logon, gharelu striyon ke lie bhi ek rochak khel hota hai. yah khel vigyapan jagat ke lie vyay, ay ka mahatvapurn srot hota hai. aur ismen adhik uttejna lane vala hota hai bharat aur pakistan ke bich hone vala kriket khel.
donon deshon ke bich hone vala har maich donon deshon ki janta men josh aur romanch bhar deta hai. pakistan aur bharat ki timen ek dusre se kam nahin hanai. pakistan k rashtrapti parvej musharraf ka samay bhi anukul chal raha hai evan bharat ke pradhan mantri shri manmohan sinh ji ki kundli ke anusar unka samay bhi anukul hi hai.
bharat ki janmapatri men shukra ki mahadsha men budh ki antardasha bhi anukul hai. is khel men kabhi bharat pakistan par havi hoga to kabhi pakistan bharat par. pakistan tim ke kisi khilari ki janmapatri hamare pas nahin hai, parantu bharat ke kaptan rahul dravir ki janmapatri men mangal 6 farvri, 2006 ke bad uttam sthiti men rahega aur bharat ko vijay dilane men samarth hoga, visheshakar kaptan rahul dravir janm lagn se panchmesh chandra ke lagn sthan men, bhagyesh ke bhagya sthan men, min ke parakram sthan men tatha vartaman samay men shukra ki mahadsha men mangal ki antardasha (21. 3.2006 tak) ke karan achche khel ka pradarshan karke bharat ke nam ko uncha karenge.
vaise 6 farvri ke pashchat mangal gochar men bhi parakram bhav men rahega. parantu usse pahle ke samay men har-jit ki sthiti bani rahegi. greg chaipal ka samay bhi bharat ke lie anukul rahega. bharat ke anya khilariyon men virendra sahvag, anil kunble, sachin tendulakar, yuvraj sinh aur lakshman ka samay bhi bura nahin hai.
yuvraj sinh ki janm kundli men vartaman samay men rahu ki mahadsha men guru ki antardasha hai aur guru gochar men lagn ko dekh raha hai aur parakram bhav ko bhi barha raha hai. parakram ke svami mangal ke karan 6 farvri, 2006 tak khel men achcha pradarshan karenge aur unke bhagya ka labh bhi bharat ko prapt hoga. virendra sahvag ki kundli men vartaman samay men guru ki mahadsha men guru ki antardasha hai aur vah gochar men lagn se dasham bhav men parikrama kar raha hai.
uske chandrama se chathe hone se bharat ki vipakshi tim par vijay ki sanbhavna prabal hai, kyonki unki kundli men guru saptam kendra men panch mahapurush yog banakar uchchasth hai. pancham bhav men uchch ka chandra aur dasham men shukra svagrihi hokar mul-trikon rashi men dasham kendra men malavya yog bana rahe hain. anil kunble ki kundli men rahu ki mahadsha men shukra ki antardasha march, 2006 tak chalegi.
gochar men lagn se pancham bhav men aur chandra se ekadash bhav men rahu shubh sthiti men chalan kar raha hai. janm kundli men chaturth bhav ka rah guru ki drishti men hai aur rahu ki drishti dasham bhavasth ketu ko adhik prabhavit kar rahi hai. gochar men inhin dinon men chandra lagn se parakram bhav men sthit shani saflta dilaega.
yadi pakistan ke khilari unhen kamjor samjhenge to galti karanege kyonki samay sada balvan hota hai aur vartaman men unka samay achcha chal raha hai. unke khel ko samjhna bahut kathin hoga. yadi unka jadu chal gaya to vipaksh ke khilari dharashayi honge. sachin tendulakar ki kundli men nich rashi ka rahu, ketu, nich ka guru v budh nich bhang raj yog bana rahe hain.
uchch panchamasth mangal guru ke sath khel vidya ka kaushal aur saptam kendra sthan men kanya lagn ka svami budh dhairya, chaturta, parakram aur ganbhirta ke sath saflta dilata hai. vartaman samay men shani, guru evan ketu ka gochar kabhi charhaega aur kabhi giraega, aur sharir men chot bhi degi. kabhi-kabhi asvasthata aur sharirik rup se fit n hone ke karan khel se bahar bhi ho sakte hain.
ve kabhi shatak banaenge aur kabhi shunya par khel se bahar ho sakte hain. ajit agarakar ka bhagya prabal hai. bhagya sthan men nich ka mangal nich bhang raj yog bana raha hai aur bhagyesh chandrama dasham kendra men sinh rashi men sthit hai. pancham vidya sthan men ketu ke karan kis samay kaisa khel khelenge, kisi ko kuch malum nahin chal pata hai.
khel ka kaushal inke pas jaisa bhi ho, inhen tim men avashya rakha jata hai. khel ka pradarshan karte samay kabhi chakka, to kabhi chaika mar kar, kabhi achcha kshetra rakshan to kabhi achchi gendbaji kar achche ael raundar sabit hue hain. vartaman samay men mangal ki mahadsha men guru ki antardasha mai, 2006 tak rahne ke karan agarakar achcha pradarshan karenge.
inki kundli men guru-budh ke parivartan yog, uchch sthan ko mangal ki drishti, parakram ke svami shani ke chandra ke sath hone ke karan ve akasmat khel ka pasha palat dete hain. pakistan ke sath janvri aur farvri men khelte samay gochar men mangal bhi chandrama se bhagya aur karm sthan men chalan karta rahega, islie bharat ko vijyi banane men inka bhi yogdan rahega.
saurabh ganguli ek achche kaptan aur ek achche ballebaj ke rup men kafi samay tak kriket jagat men chae rahe. unki kundli men vartaman samay men guru ki mahadsha men guru ki antardasha ashubh hai. ashtam bhav men guru gochar men lagn se chathe bhav men gochar kar raha hai. islie unke patan ka samay aranbh ho chuka hai.
yadi bhule bhatke tim men shamil hue bhi to bahar ho jaenge. isi karan bharat aur pakistan ke khel men inke bhagya se tim ko hani ho sakti hai. bharat ki janm kundli men parakram bhav men surya, budh, shukra, shani aur chandra sthit hain, parantu sarhe sati ka prabhav bhi hai. vartaman samay men shukra-budh 3.2. 2006 tak vishesh shubh nahin hai. tab tak bharat ke paksh men khel ka pradarshan bhi ati uttam nahin hoga.
farvri mahine men bharat pakistan par havi rahega. bharat ke pancham bhav men kanya rashi men gochar men ketu bharat ko vijyi banaega. janm kundli men uchch rashisth saptam bhav men ketu ke karan khilari ek-dusre ke sath talmel karke achchi bhavna se khelenge.
us samay bharat ki shukra ki mahadsha, budh ki antardasha aur ketu ki pratyantardasha chalti rahengi. 13 se 2 farvri tak ke samay men pakistan kriket tim ke bharat ke upar havi hone ki sanbhavna hai. kyonki mesh rashi men mangal shaktishali hokar pakistan ke paksh men prabhavi rahega. parantu 6 se 18 farvri ke antim maichon men mangal vrish lagn men hai jo bharat ke paksh men rahega.
parinam yah niklega ki kuch maichon men pakistan ki jit hogi aur kuch maichon men bharat ki jit hogi. kul milakar bharat evan pakistan ke madhya ghamasan yuddh jaisa khel hoga jismen bharat ki vijay ki sanbhavna prabal hai.