varsh 2011 bharat ke lie shubh dayak hoga. tritiya bhav ke svami surya ki mahadsha men rahu ki antardasha bharat ki pratishtha evan prasiddhi ko achanak barhaegi. march 2011 ke bad, desh men sarvangin sudhar hoga aur bharat antarrashtriya rajniti men ek prabhavshali rashtra ke rup men ubhrega. bharat ki arthik sthiti men sudhar hoga aur iske sath jun 2011 ke bad bharat ke pradhanmantri koi krantikari nirnay lenge jo desh ki arthik sthiti ko drirhta pradan karega.
varshant men anya deshon ke sath sandhi hongi jinse vikas dar men barhoÿari hogi. marcha-aprail men mangal evan shani ka apsi drishti-sanbandh rashtron ke madhya achanak shatruta evan atankvad ka sanket deta hai jo kanun vyavastha evan shanti ko nuksan pahunchaega. is samasya ka samna anya desh bhi karenge. aprail ke uÿararddh men panch grahon ki min rashi men yuti bhukanp ki sanbhavna ko prabal karti hai.
iske karan aprail-mai 2011 men bhukanp ane ki sanbhavna rahegi jiski tivrata riktar skel par 6-7 ya adhik hogi. yah varsh fasal evan anajon ke lie shubhflkari rahega. falon evan fulon ka utpadan bhi achcha rahega. sankshep men yah varsh krishi ke lie pragtikarak hoga. varsha: 2011 men varsha samanya rahegi. lekin varsha ka svarup 2010 se alag hi rahega. janvri men gantantra divas ke ek hafte bad achchi varsha ya himpat hoga.
aprail mah men 16 aprail ke bad kuch bunda bandi hogi par mai mah men 28 se 30 mai ke bich koi varsha nahin hogi. mansun 9-10 julai ko aega aur adhikatam varsha, julai ke uttararddh men rahegi. julai ke dusre paksh men adhik varsha hone ke karan barh ka prakop bhi rahega. agast mah men lagabhag sukha rahega v sitanbar mah ke purvarddh men punah varsha hogi. sona: sone ki kimten varsh ke shuru meen mande ki or jaengi.
1 farvri 2011 men yah punah nayi uchal legi. iske pashchat sone ki kimat punah giregi, aprail men punarjivit hogi. mai ke praranbh men yah adhikatar niche hi rahegi aur uske bad se lagatar niche hi rahegi, iske bad aktubar mah ke alava yah uchal dikhaegi, jo varsh ke uttararddh men punah niche jaegi. sensaiksa: varsh ka praranbh sensaiks men giravat ke sath hoga parantu janvri mah ke ant tak yah purn uchal prapt karega.
varsh paryant ismen asthirta rahegi, jismen aprail, jun evan agast mas men uchal aega evan mai, julai, sintabar v varshant men giravat rahegi. kya manmohan sinh pradhanmantri ka karyakal pura kar paenge? guru evan shani ka gochar sanket karta hai ki ane vale varshon men pradhanmantri manmohan sinh ji ke svasthya men sudhar hoga aur iske bhi shaktishali sanket hain ki vah pradhanmantri pad ka panch varsh ka karyakal safltapurvak pura kar lenge.
rahu ki mahadsha unko shadyantron se bachaegi. kya rahul gandhi pradhanmantri banenge? rahul gandhi bhartiya rajniti men ek sakriya shakti ke rup men ubhrenge. guru ki mahadsha men vahe janta ke kalyan ke karyon se apne apko jodanege. agle chunavon men unke pradhanmantri banne ki nishchitta n bhi ho parantu 2011 ke bad rajniti men unki sakriyata nishchit rup se barhegi. nitish kumar ka bhavishya? mangal ki mahadsha nitish kumar ke lie apratyashit saflta lekar ai. jisne unke rajnaitik kairiyar ko shakti pradan ki. unka mukhyamantri ke rup men bhavishya ujjaval hai
kyonki agami rahu ki mahadsha unko aur adhik prabhavshali banaegi. bhartiya rajniti men vah ek bari shakti ke rup men ubhrenge lekin ashtam shani unko pradhanmantri pad se dur hi rakhenge. vah pradhanmantri nahin ban paenge. varsh 2016 ke pashchat guru ka anukul gochar nitish ko jansmuday ka priya neta banaega. bhagya sthan sthit rahu ki mahadsha unki rajnaitik chavi ko sudharegi aur yah samay unke lie rashtriya rajniti men svarnim siddh hoga.
kya obama vhait haus men apna karyakal pura kar paenge? obama apna char varsh ka karyakal safltapurvak pura kar lenge kyonki guru evan shani ka gochar ane vale samay men unke lie anukul rahega. navanbar 2011 ke pashchat vah vishva neta ke rup men vishesh nam v prasiddhi kamaenge. 2012 ke ant tak grah unke anukul hain aur vah nishchit rup se agami rashtrapti chunavon men kathin takkar denge. briten ke rajkumar prins viliyam ki shadi kaisi rahegi? pinras viliyam aur unki premika kait midalatan ki shadi landan ke vindasar pailes men 29 aprail 2011 ko honi tay hui hai.
us din ki grah sthiti ke anusar us din rashi min v nakshatra uttarafalguni hai. bhartiya muhurt jyotish ke anusar, shadi ki tarikh purn rupen sahi hai. rajkumar viliyam evan unki premika ki ek hi rashi hai atah unka vivah safal rahega. is jori ko 36 gunon men se 24 gun mile hain. kundli milan dvara kait midalatan rajkumar ki apeksha bahut hi vinamra vyaktitva ki malika hain. vah unki mangon ko saharsh svikar karengi aur unki jarurton ke prati bhi samjhauta karengi. ve bahut achchi mitra sabit hongi.
unmen jhagre nahin honge aur kait janta ke samne bahut sanymit vyavhar rakhengi. viliyam apne jivan ke sabse shreshth daur se gujar rahe hain. yah anukul samay 15 se 20 varshon tak rahega. par vah lanbe samay tak rajkumar ke rup men hi karya karte rahenge, raja ke rup men nahin, kam se kam 15 varshon tak to nahin. milan men nari dosh ke karan british shahi parivar ko bhavi vanshaj ke lie kuch salon tak intjar karna hoga.