bhartiya jyotish men nepchyun (varun’) ka mahatva  

bhartiya jyotish men nepchyun (varun) ka mahatva acharya avinash sinh surya ki parikrama karne vale grahon men nepchyun athvan grah hai. iski khoj sitanbar 1846 i. men barlin vedhshala ke khagol vaigyanik jaen gaele ne ki thi. ise sarvapratham kunbh rashi ke anshon par dekha gaya. nepchyun dekhne men chamkile nile rang ka hai. iske ath chandra hain jo iske charon or ghumte rahte hain. surya se iski dur 27,930 lakh mil hai. iska nakshatra paribhraman 164.8 varsh hai. yah apni kaksha men 3.4 mil prati sekand ki gati se chalta hai. iska sampatik kal 164.8 varsh aur sanyuti kal prithvi ke 367.5 din hai. nepchyun apni dhuri par 17 ghanta 57 minat men ek bar chakkar lagata hai. nepchyun ka bhumadhyiya vyas 30. 760 mil hai. iski kaksha ka kranti vriÿa par jhukav 1046’ hai. iska dravyaman prithvi ke dravyaman se 17.2 hai. bhumadhya rekha ki kaksha par iska jhukav 28048’ hai. nepchyun ke 8 chandron ke nam is prakar hain- nayad thalassa despin galati larisa parotaths traiton neriyad. isi kram men ye nepchyun se duri rakhte hain arthat nayad nepchyun ke sabse nikat aur neriyad sab dur hai. nepchyun ka chandra traiton sab se bara hai jise nepchyun ki khoj ke kuch dinon bad hi dekh liya gaya tha. shani ki bhanti nepchyun ke irda-gird bhi golakar vriÿa (valy) hain. sabhi valay barfile tukron aur dhul se bane hain. khagolshastriyon ne is grah ka nam nepchyun islie rakha, kyonki grik granthon men nepchyun se jal devta ko sanbodhit kiya gaya hai. vastutah yah grah jaliya hai, islie bhartiya sandarbh men ise varun kaha jata hai. jyotishiya drishtikon: jab se nepchyun grah ki khoj hui hai tabhi se bhartiya evan pashchatya jyotishiyon ne is grah ke manav par parne vale prabhavon ko janne ki koshish ki hai. chunki nepchyun jaliya prakriti ka grah hai, islie jal tatva vali min rashi ko iski rashi kaha gaya hai. isi gun ke karan kai jyotishiyon ka manna hai ki ratri ke samay ka janm ho aur min lagn udit ho athva din ka janm ho, guru bhav 3,6,9 ya 12 men ho aur nepchyun kendra men ho to nepchyun ko lagnesh manna chahie. nepchyun ki pradhanta vale log dusron ka anukaran karne vale hote hain aur dusron ke vichar apne hi vichar hain aisa mante hain. yadi nepchyun pap grah ki pap drishti yog vala ho to vyakti ko kisi bhi kam men hath dalne se usse santap v apman prapt hota hai. dvadash bhavon men nepchyun ka falah pratham bhav men nepchyun ho to vyakti adhyatmik vichar vala hota hai. vah samajik bandhan se dur rahne ki prabal ichcha rakhta hai aur sangit v kala men kuch vishesh yogdan karta hai. dvitiya bhav ka nepchyun jatak ko prasiddh sansthaon se jorta hai aur uchch pad par asin karta hai. nepchyun ki yah sthiti jatak ko akasmat dhan v labh karati hai. tritiya bhavasth nepchyun jatak ki kalpana shakti ko barhata hai. vah dharmik vichar vala hota hai tatha gupt shastradi aur lekhan karyon men uski ruchi hoti hai. uska manobal uchch hota hai. chaturth bhavasth nepchyun jatak ko purkhon ki jamin se ya khadan adi se dhan labh karata hai. yadi ravi ka chandra tatha varun se ashubh drishti sanbandh ho to jatak ko hriday sanbandhi rog hota hai. nepchyun ka chaturth bhav men hona jatak ki sauteli man ka suchak hai, lekin kuch kathinaiyane ke sath yah nepchyun jatak ko har prakar ka sukh pradan karta hai. nepchyun pancham bhavasth ho to jatak ko santan se kasht milta hai. putra adhik hote hain aur premi svabhav ka banata hai. kintu is sthiti men nepchyun jatak ko vidya ka vishesh labh karata hai. gupt vidyaon men bhi uski vishesh ruchi hoti hai. shashth bhav men sthit nepchyun shatru v rogon ko barhata hai, lekin naukri se dhan labh karata hai. yadyapi unnati ke samay use vighnon ka samna karna parta hai. use pet v gurde ke rog hote hain. ayurved men uski ruchi hoti hai. saptam bhavasth nepchyun grihasth jivan men tanav utpann karta hai. kabhi-kabhi talak ki naubat bhi a jati hai. aise jatak ke jivan men ek se adhik striyon ka yog banta hai. saptamasth nepchyun sajhedari men asthirta deta hai, gupt rogon se grast karta hai tatha viklang kanya se vivah bhi karvata hai. ashtam bhavasth nepchyun jatak ko dirgh ayu deta hai. use yog, dhyan, samadhi adi ki taraf unmukh karta hai, kintu uski is sthiti ke karan asadharan mrityu ya atmahatya ki sanbhavna rahti hai. yadi nepchyun shubh drishti men ho to kisi ki sanpÿia milti hai. navam bhavasth nepchyun jatak ko gurh vidya ki taraf unmukh karta hai. dharmik tatha samajik karyon men uski vishesh ruchi hoti hai. dasham bhavasth nepchyun jatak ko karmashil banata hai aur pita se labh karata hai. use vidya jansanpark, rajniti, lekhan, prakashan, jal adi se sanbandhit karyon se labh hota hai. vah vyapar men ho athva naukri men use sarkar se vishesh labh milta hai. ekadash bhavasth nepchyun jatak ko bari bahan ya bhai se labh dilata hai, kintu labh ki prapti ke lie use sangharsh karna parta hai. is bhav ka nepchyun bhav fal ko barhakar vishesh fal pradan karta hai, lekin kabhi-kabhi ashubh grahon se drisht ho to apmanit bhi karata hai. dvadash bhavasth atyadhik kharch karata hai. jatak jivan ke har anand ko bhogta hai. kintu ashubh grahon se yukt hone par yah grah karavas bhi dilata hai. iske viprit iske shubh grahon se drisht hone par moksh ki prapti tatha jal sanbandhi karyon se labh milta hai. vibhinn grahon ke sath nepchyun ke sanbandh men milne vale falon ka sankshipt vivaran yahan prastut hai. nepchyun surya ke sath ya usse drisht ho to jatak ki ichchaon ko svachch aur tivra karta hai. chandra ke sath ho to kalpana shakti ko barhata hai aur git, sangit, nritya, chitra adi kalaon se prem barhata hai. mangal se yut ho to udar, samajik, dharmik banata hai. budh se yut ho to jatak ko buddhiman, gupt vaidik gyan ka vidvan lekin asthir chitt vala banata hai. aise jatak ek se adhik hoti hain. vah premi svabhav vala hota hai kintu kamasakti ke karan use apmanit bhi hona parta hai. guru se yut ho to jatak sadachari, peram vriÿia vala aur astik hota hai. yah yog peramvriÿia, man-pratishtha, shuddhachitt v udarta deta hai. shain se yut nepchyun sahnshil banata hai aur yog dhyan v vicharon men ganbhirta tatha shuddhata dekar dhan v sansarik sukhon ko barhata hai. kintu rahu se yut ho to jatak ko asthir, chanchal aur ahankari banata hai. sath hi kai prakar ke sankramak rog bhi deta hai. ketu se yut ho to jatak vairagi aur dharmik pravriÿia vala kintu alpayu hota hai. harshal se yut ho to jatak adhyatmik svabhav ka aur devon v gupt vidya ke prati akarshit hota hai. vaise, nepchyun ke bhav fal aur yuti fal rashi falon ki apeksha adhik prabhavshali hote hain, kyonki yah ek rashi men lagabhag 13 varsh 9 mas rahta hai. is prakar 13 varshon tak janme sabhi jatkon ke lie rashi fal ek jaisa rahega, lekin bhav fal aur grah yuti fal badal jaenge, isilie bhav aur grah yuti fal hi mahatvapurn hain. is navin grah ke jatak par par rahe prabhavon ke vishay par abhi anusandhan chal rahe hain. asha ki jati hai ki bhavishya men is grah ke aur bhi jyotishiya prabhav spasht honge.