jyotish men punrutthan ko tin bhagon men banta ja sakta hai. jyotish ke mul niyam: pratyek grah, bhav, ya rashi ko jyotish men kisi n kisi ka karak mana gaya hai, jaise surya ko akhon ka, to chandra ko man ka, pratham bhav ko tan ka, to dvitiya bhav ko dhan ka, mesh ko krodhi, to vrish ko mehnti adi. isi prakar grahon ke apne ghar, unki mitrata, uchcha-nich ansh, drishtiyan adi anek aise niyam hain, jo jyotish sikhne ki pahli sirhi par sikha diye jate hain aur sari jyotish inhin binduon ke charon or chalti rahti hai. lekin in niyamon ka kya adhar hai, yah shayad ko nahin janta.
kuch vidvan in niyamon ko keval kisi kahani, ya kisi betar ke tar dvara jorne ki koshish karte hain, jisse sabhi vidvan sahamat nahin hote aur buddhijivi ya vaigyanik un tarkon ko bilkul hi nahin mante. koi adhar n hone ke kal mul niyamon men bhi vivad dekhne men milta hai, jaise pita ke lie navam bhav dekhen ya dasham bhav tatha lagn navam se pancham hota hai, atah navam bhav pita ka hua. isi prakar dasham bhav chaturth se saptam arthat mata ke pati (pita) ko darshata hai.
var aur kanya donon manglik hon, to dosh kaise kat jata hai, barhta kyon nahin? uchch ka mangal doshhin hai, to nich ka mangal kya hai? kaun si dasha se falit kiya jae? vinshottari dasha ka itna mahatva kyon? grahon ke dashaman kaise sthapit kiye gaye hain? n to yah unki duri, n unke vajan aur n unke paribhraman kal ke anusar hain. is prakar jyotish ke adhar ke bare men jyotish men bahut hi kam ya n ke barabar gyan upalabdh hai. yadi is ka adhar malum par jae, to bahut sari gutthiyan sulajh sakti hain. lekin yah kam kathin hai.
manglik janch aur uske nivaran ke lie hamare visheshagya jyotishiyon se paramarsh len.
jyotish yog
jyotish ke mul niyamon ka upyog karte hue hajaron jyotish yog hajaron prakar ke uttar dete hain, jaise lagn ka surya manushya ko khyati deta hai, dvitiya bhav men shubh grah dhan deta hai, saptam men budh dhanvan sasural deta hai ya dasham men mangal daktar aur budh injiniyar banata hai adi.
yah yog kitne thik hain aur kaunsa yog dekhakar ham nishchayata se falit kathan kar sakte hain? bahut sare naye niyamon ki avashyakta hai, jo purane grantho men nahin the. jaise jatak keval yah nahin janna chahta ki vah daktar banega, ya nahin? vah yah bhi janna chahta hai ki uski visheshagyata kismen hogi? mantri ji yah janna chahte hain ki unko kaunsa vibhag milega, ya kaunsa vibhag unke lie uttam rahega
vyapari apne lie uttam karobar ki disha janna chahta hai. is naye yug men bahut sare vikalp hain aur har vikalp ke lie grahon ke karak purnarupen ingit nahin dete. atah kaunse grahon ke kaunse yog kitne had tak faldayi hain, is par anusandhan avashyak hai.
upay
yadi kundli men kuch kasht hain, to jatak unse nivaran bhi avashya chahta hai. ratn, mantra, jari-buti, dan, puja ityadi anek upay hain. kaunsa upay karna chahie aur kaunse grah ke lie? jyotish purn manav jati ke lie hai, to dusre dharm ke jatak kis prakar ke upay karen? unke dharm men to hindu devi-devta nahin hain; arthat puja-path ka adharbhut niyam kya hai aur isse jivan ko kaise khushhal banaya ja sakta hai?
upayon par anusandhan karne men mul pareshani ek aur bhi hai. yah kaise malum pare ki karya safal hua, to upay ke karan hua, ya use safal hona hi tha. isko siddh karne ke jyotishiya niyam bahut hi pakke hone chahien. tabhi ham sankhyiki dvara iska nishkarsh nikal paenge. jyotish men anusandhan shuru karne ke lie jyotish ke yogon par anusandhan karna hi uttam hai. jab ham is disha men paripakva ho jaen, tab mul niyam evan upay par shodh kiye ja sakte hain. jyotishiya yogon par shodh karya ko nimn bhagon men banta ja sakta hai:
- shodh vishay ka chunav: vishay kendrit aur lakshit hone chahien, jaise daktar banne ke kya yog hain, n ki vyavsay ka chayan kaise ho?
- shastron men vishay vishesh par prapt niyamon ka sankalan.
- sanbandhit evan asanbandhit janmapatriyon ka sankalan. ye jitne adhik hon, utna achcha hai. lekin 200 se 500 tak avashya hon.
- shastron se prapt niyamon ka ankron par prayog kar, niyam evan fal ka sanbandh gyat karna evan naye niyam prastavit karna.
- shodh patra likhna evan shodh karya ka fal chahe sutron ko sahi batata ho, ya galat, patrikaon men chapva kar jansadharan tak pahunchana.
is prakar kiya gaya shodh karya samay evan urja avashya lega. lekin yah vaigyanikon ko bhi avashya manya hoga. iske dvara ham jyotish shastra ki vaigyanikta ko bhi siddh kar paenge.
apni kundli men sabhi dosh ki jankari paen kampalit dosh riport men