pra. karkhane ya udyog ka nirman vastu ke niyamon ke anurup kyon karna chahie ?
u.- karkhane ya udyog ka nirman vastu ke anusar rakhne par, lambe samay tak labhdayak fal deta hai jiske falasvarup samy-samay par ane vali kathinaiyon ka shighratashighra samadhan ho jata hai. iske viprit jis karkhane ya udyog ka nirman vastu ke niyamon ke virudva hota hai usmen nitya nayi-nayi pareshaniyon ka samna hote dekha gaya hai. atah kisi bhi audyogik parisar ya kal karkhane ke samuchit vikas evan vistar ke lie nirman vastu ke niyamon ke anusar karna chahie.
pra.- karkhane ya udyog ke nirman ke lie kis tarah ki bhumi ka chayan karna chahie ?
u.- kisi bhi faiktri ya kal karkhane ke lie sadaiv jivit bhumi ka kray karna chahie. aisi bhumi jis par uge vriksh adi hare bhare rahte hon tatha ann (anaj) adi ki upaj bhi uttam ho use jivit bhukhand samjhna chahie. iske atirikt anya bhumi arthat anaupjau evan banjar bhumi ko mrit bhukhand manna chahie tatha jis bhumi men dimak, haddi ho athva jo bhumi fati hui ho use kabhi bhi kal karkhane ke nirman hetu prayog nahin karna chahie.
atah jis mitti men achchi paidavar ho, pani ki uchit upalabdhata ho, mitti thos ho, vaigyanik prayogshalaon ke parikshan men vah mitti svasthya ke lie labhaprad ho tatha jis bhukhnad par kal karkhane ka sthayitva ho sake vatrtaman samay men aisi bhumi ka chayan karna labhaprad evan shubhfldayi hoga. bhukhand men kisi prakar shalya dosh nahin hona chahie tatha bhukhand ke as-pas shmashan ya kabristan nahin hona chahie.
ra. audyogik bhukhand ki chardivari kis tarah ka hona chahie ?
u.- audyogik bhukhand ke dakshin aur pashchim taraf ki chardivari kankrit evan patthar ke bane hone chahie. uttar evan purva ke or ki chardivari kantile tar se bhi banai ja sakti hai. iska mukhya karan uttar evan purva kshetra ko halka evan khula hua rakhna hai kyonki ishanya kshetra ko avrudva ya band rakhne se kal karkhane ki pragti evan samriddhi ruk jati hai. arthik sthiti bhi kharab ho jati hai.
pra. audyogik parisar ke jamin evan chat ki dhal kis taraf ki rakhni chahie ?
u.- faiktri ki jamin ki dhal hamesha uttar ya purva ki or rakhen. isi tarah audyogik ikaiyon ki mukhya faiktri ke bhavan jahan utpadan hota hai, ke chat ka jhukav bhi uttar aur purva men rakhna shreshth hota hai. khasakar bade upakram men mukhya faiktri ke upar tin ka shed laga hua hota hai aur unka jhukav (dhal) donon taraf hota hai. yadi chat ki dhal keval pashchim ki taraf ho to aisi ikaiyan nirantar labh men nahin rahti hai arthat ghate men rahti hanai. atah iske dosh nivaran ke lie uske tin ke shed ka jhukav do tarfa bana lena chahie ya parivartan ke uprant dhalan purva ya uttar men rahe to dosh ka nivaran ho jata hai.
pra.-audyogik parisar ke andar kam karne vale majduron ke lie kamra kis or banana chahie ?
u.- faiktri ya udyog men kam karne vale karmachari evan majduron ke lie kamra hamesha vayavya kshetra men banana chahie. karmachariyon ka yah nivas sthan purva ya uttar ki divar se jura hua nahin hona chahie tatha kamre ki unchai mukhya bhavan ki unchai se kam rakhni chahie. anyatha karmachari, majdur ya aefisars malik ki bat nahin manenge. gard ya vaechmain ke lie kamra dakshin-purva ya uttara-pashchim ki taraf uttar evan purva divaron se kam se kam 3 fit alag hatakar banayen.
pra.-kisi bhi audyogik parisar men septik taink evan shauchalay kis sthan par banana chahie ?
u.- kisi bhi audyogik parisar men septik taink bhukhand ke ishanya kshetra , nairritya kshetra, agney kshetra aur madhya sthan ki or nahin banaen. audyogik parisar ke madhya, ishanya aur nairritya men septik taink purnatah varjit hai. yah puri vyavastha ko chinna-bhinn kar dalta hai. pragti avruddh ho jati haiai. audyogik parisar men septik taink vayavya kshetra men banana labhaprad hota hai. shauchalay bhukhand ya bhavan ke uttari vayavya evan pashchimi vayavya ki taraf banana chahie. dusri prathmikta nairritya evan dakshin ke madhya ka kshetra hai. is sthan par bhi shauchalay banaya ja sakta hai.
pra.-audyogik parisar men snanagar ke lie sabse upyukt kaun si disha hai ?
u.- audyogik parisar men snanagar ke lie sabse upyukt sthan purva disha hai. snanagar ko sirhiyon ke niche nahin banana chahie. sidhiyan budh grah ke antargat ata hai jabki snanagar men jal ke adhik upyog hone ke karan chandrama ke adhipatya men ata hai. budh grah se chandra grah ka shatruvat sanbandh hone ke karan sirhi ke niche bhulakar bhi snanagar nahin banana chahie. snanagar ke jamin ki dhal uttara-purva men rakhen. farsh se niklne vala pani har halat men uÿar-purva, purva ya uÿar se bahte hue niklna chahie. nal, jharna adi uÿar ya purva men rakhen.
pra.-audyogik parisar men kachche mal evan mashin ko kis tarah rakhna chahie ?
u.- faiktri ke mukhya parisar men kachche mal ka pravesh agni kon se aur taiyar utpad ki nikasi uttar ya ishanya ki taraf se rakhna shreshth hota hai. atah faiktri ki banavat is prakar ho ki kachcha mal agnikon ki taraf se pravesh kare aur uski prosesing mul pashchim kshetra men ho. is tarah kachcha mal uttarottar taiyar mal banakar vayavya ke kshetra men bhandaran hote hue vitaran ke lie uttar ya ishanya kshetra se faiktri se bahar le jana uttam hota hai.
mashinen jo jyada sthan ghere aur vajan men bhari ho unhe nairritya se mul dakshin aur nairritya se mul pashchim ki taraf sthapit karna chahie. yadi bhari mashinon ki shrinkhla ho to nairritya se vayavya ki taraf sthapit ki ja sakti hai. halki ya hath se sanchalit hone vali mashinen mul uttar, purva ya agney kshetra men sthapit ki ja sakti hain. mashinane ko is tarah se sthapit karna chahie ki prayog men lane vale shramikon ke chehre uttar ya purva ki taraf rahen.
jivan men jarurat hai jyotishiya margadarshan ki? abhi bat karen fyuchar point jyotishiyon se!