prashna::kya kundli milan kar ke bhavishya ko sukhamay banaya ja sakta hai?
uttara: kundli milan kar ke bhavishya ko avashya hi sukhamay banaya ja sakta hai. karm se bhagya badla ja sakta hai. bhagya purva janmane ka fal hai, arthat kundli ka thik milan kar ke bhavishya ko sanvar sakte hain.
prashna: yadi kundli men anisht hi likha hai, to kundli milan se bhavishya ko kaise sudhara ja sakta hai?
uttara:: vedon men agya di gayi hai ki har manushya ko apna bhavishya sudharne ka prayatn karna chahie. muhutrt dvara kisi karya ko shubh samay par karna, athva kisi grah ki shanti ke lie upay adi karna bhi isi or ek kadam hai. isi prakar kundli milan dvara bhi apne vaivahik jivan ko sukhamay bana sakte hain. yadi ek ki kundli men anisht bhi hai, to dusre ki prabhavshali kundli usko samarthan de sakti hai evan us anisht ke prabhav ko dur kar sakne men saksham hoti hai.
prashna: kundli milan kis sima tak sukhi vivahit jivan ka mapdand hai? adhik gun milne par evan manglik dosh n hone par kya vivahit jivan avashya khushhal rahega?
uttara: kundli milan se vaivahik jivan sukhamay rahne ki sanbhavna bahut barh jati hai, lekin iski garanti nahin di ja sakti.
prashna: yadi kundli milan thik nahin hai, to bhi kya vivah kiya ja sakta hai?
uttara: kundli milan thik n hone par bhi yadi anya grah yog shubh hain, to vivah karne par vichar kar sakte hain. yadi gun bahut kam milte hon, jaise 12 se kam, to gun milan ka bhi vichar kar lena uttam hai.
prashna: 18 se kam gun milne par, jaise 16, ya 17, kya kundli milan ke anusar vivah hona chahie, ya nahin?
uttara: 50 pratishat gun ka milna ek achchi kundli milne ki manyata hai. ismen yadi 16, ya 17 bhi milte hain, to iska matalab yah nahin ki milan n karen, par yah jarur darshate hanai ki melapak achche se bure ki or agrasar hai. ek shodh men yah paya gaya ki kisi sukhi danpti ko diye gaye ank aur talakshuda pati-patniyon ko diye gaye ank men keval 2 se 3 binduon ka antar hota hai. atah 36 gun milna uttam melapak ka mapdand nahin hai evan 18 se kam gun milna bhi bure melapak ki kasauti nahin hai. yadi grahon ki sthiti evan drishti sahi ho, to 15 gun tak bhi melapak ko sahi man sakte hain.
prashna: kundli milan men nari dosh hone par bhi yadi gun 18 se adhik hon, to kya vivah karna chahie?
uttara: kundli milan men yadi 18 se adhik gun milen, to kisi gun-dosh ka vichar karne ki avashyakta nahin hai. nari dosh hone se santan adi ko kasht hota hai, lekin 18 gun milne par iska vichar nahin karna chahie.
prashna: bhakut dosh hone par bhi vivah karne ke kya parinam hote hain?
uttara: bhakut dosh hone par pati-patni ke vicharon men bhinnata hoti hai. parantu yadi unki rashiyon ke svami mitra hon, to yah dosh kam ho jata hai.
prashna: var evan kanya men se kisi ek ke mangli hone par kya dusre ka mangli hona jaruri hai?
uttara: yah avashyak nahin ki var evan kanya donon ko mangli hona chahie. mangal dosh ka parihar anek prakar se ho jata hai; svayan ki patri men, arthat jivan sathi ki patri men anya grahon ki sthiti ke karan.
prashna: mangal dosh, lagn ke atirikt, kya chandra, ya shukra se bhi lena chahie?
uttara: mangal dosh ko shukra se lena nirarthak hai. chandrama se bhi fal bahut kam ate hain. lagn se hi mangal dosh vicharan aiya hai.
prashna: kya mangal ka asar 28 varsh ke bad bhi rahta hai, ya kam ho jata hai?
uttara: yah manna ki manglik dosh ka asar 28 varsh bad samapt ho jata hai, thik nahin hai. mangli dosh sarvada vidyaman rahta hai, lekin puja-path dvara iska prabhav kam kiya ja sakta hai.
prashna: manglik dosh ke parihar ke lie munga pahnna uchit hai, athva mangal ke vrat, ya puja se manglik dosh khatm ho jata hai?
uttara: manglik dosh ke lie munga pahnna sarvada manglik dosh ka parihar nahin hai. yadi mangal nich ho evan yogkarak ho, to munge dvara manglik dosh ka nivaran kiya ja sakta hai; anyatha hanumat path evan pujan sabse achcha parihar hai.
prashna: kanya yadi ghor manglik ho, to kya uska prabhav var ki ayu par bhi parta hai?
uttara: ayu jatak ka niji bhagya hai fir bhi sang ka asar parta hai evan ghor manglik ka vivah sade se karna thik nahin hai.
prashna: mangal ke atirikt anya grahon ka kundli milan par kitna prabhav parta hai?
uttara: manglik vichar par kiye gaye adhunik shodhon ke anusar manglik dosh evan gun melapak se kahin adhik asar anya grahon ka rahta hai.
prashna: vibhinn panchangon men ek hi nakshatra evan charan ke alg-alag gunank milte hain. aisa kyon hota hai aur ismen kisko sahi mana jae?
uttara: jyotish ki gannaon men, ya manyataon men matbhed akasar dekhne men ate hain. aise hi melapak sarniyon men bhi matbhed rahte hain. ye matbhed gan, yoni evan bhakut vichar men hi paye jate hain. lekin, bhakut dosh ke atirikt, yah matbhed adha, ya ek ank tak hi simit rahta hai. bhakut dosh men yadi grah mitra hon, to, kuch rishiyon ke anusar, purnank de diye jate hain aur kuch bilkul bhi nahin dete. is prakar 7 ank tak ka antar a jata hai.
prashna: prem vivah, athva antarjatiya vivah hone par kya kundli milan karna avashyak hai?
uttara: melapak ka asar prem, ya antarjatiya vivah par bhi utna hi rahta hai, jitna am vivah par. melapak dharm, ya jatak se upar hai.
prashna: kundli milan ki kaun-kaun si paddhatiyan prachlit hain?
uttara: bharat men mukhyatah 2 paddhatiyan prachlit hain - uttar bhartiya evan dakshin bhartiya. uttar bharat men asht kut vichar men 36 gun milan karte hain evan dakshin bharat men 10 kuton ka vichar kiya jata hai.
prashna: kya kanpyutar dvara kiye gaye melapak par vishvas kiya ja sakta hai?
uttara: kanpyutar dvara (vishesh taur par liyo star jyotishiya saeftaveyar dvara) kiya gaya melapak hast rachit kundliyon dvara melapak se kahin adhik satik rahta hai. yadi kanpyutar men melapak thik nahin a raha ho, to bhi vivah karna ho, to, kisi vidvan se kundli vichar karva kar, vivah kar sakte hain.