vastu shastra men rangon ka mahatva  

vastu shastra men rangon ka mahatva chanda jain vastu shastra men rangon ka bahut mahatva hai. vaise prakriti ne anek rangon ka srijan kiya hai. pratyek rang ki apni niyati tatha alag prabhav hota hai jo manav jivan ko prabhavit karta hai. is alekh men prastut hai rangon ke prabhav par sankshipt charcha. bhumi ke rangon ka prabhav- 1. safed rang : is rang ki bhumi par makan banakar rahne se kutunb men dhan sanpda ki vriddhi hoti hai. arthik sthiti sudrirh bani rahti hai. 2. hara rang : hare rang ki bhumi par makan banakar rahne se lakshmi ka sadaiv vas bana rahta hai. unki kripa se apar dhan ka agaman hota hai. 3. pila rang : is rang ki bhumi par makan banakar rahne se, kutunb ke logon ko rajya ki taraf se dhan ki prapti hoti hai. 4. kala rang : is rang ki bhumi par makan banakar rahne se kutunb men uttam santan ki prapti hoti hai, jisse janm safal ho jata hai. 5. nila rang : is rang ki bhumi par makan banvane se parivar ke vyakti vidvan hote hain, jisse man samman ki prapti hoti hai. 6. lal rang : is rang ki bhumi par makan banvane se parivar men grih kalah utpann ho jati hai. bhavan ki antrik saj sajja men bhi rangon ka bahut hi prabhav parta hai. bhavan ke svami ko apni rashi ke anusar hi rangon ka chayan karna chahie jo is prakar hai- bhavan ka farsh banate samay kale rang ke pattharon ka adhik prayog nahin karna chahie. aisa karne se rahu grah ke prabhav ki vriddhi hoti hai, jisse jivan men chintaen barh jati hai. ghar ki divaron aur farsho par safed rang ka bhi adhik prayog nahin karna chahie varna parivar ke log atyadhik mahatvakankshi ho jaenge, jo bhavishya men bhog vilas ke karan sukhi-grihasth jivan men badha ban jaenge. iske viprit yadi shukra grah uchch ka hokar bali ho to safed rang shubh hota hai aur yadi shukra grah nirbal ho to safed rang ka upyog ashubh hota hai. dusri sthiti men yadi shukra grah uchch, bali v kendra ya trikon men ho athva mitra kshetri ho to ghar ki saj-sajja men pile athva shubh rang ka prayog karna shubh hota hai aur yadi guru ashubh, shatrukshetri v nirbal ho, to pile v shubh rang ka prayog parivar men virodh paida karta hai. guru-shukra ka sanbandh hone par bhi pile v safed rang ka adhik prayog ghar men klesh paida karta hai. pratyek rashi evan grah ka apna rang hota hai, jo jatak ke lie shubh hota hai. pratyek rang ka apna prabhav hota hai. yadi ham bhavan ka rang evan uski antrik grih-sajja apni rashi ke anukul rang se karaen to bhavan nirman men paida hue vastu dosh ko bina tod for kie hue kafi had tak dur ya kam kiya ja sakta hai tatha apne jivan ko dhan-sanpda aur sukh-samriddhi se paripurn kar sakte hain. niche diye gae chart men rang aur uske svabhavik prabhav ko bataya ja raha hai. rang prabhav gahra shuddh lal prem aur milan sarita ka pratik madhyam lal svasthya aur jivantata ka dyotak chamkdar lal chah aur lalsa ka pratik gahra gulabi stritva tatha utsav ko darshata hai. madhyam gulabi komlta evan svabhav ki sarlta ka pratik gahra narangi mahatvakanksha ka pratik madhyam narangi sangharshashilta v utsah ka dyotak halka narangi tivrata ko pradarshit karta hai. gahra bhura upyuktata ka pratik tivra halka sunhra mohkta ka pratik gahra sunhra vaibhav ka pratik madhyam sunhra sanpannata ko darshata hai. halka pila buddhimta ko darshata hai. madhyam pila achchai pradirshit karta hai. gahra pila sfurti ka dyotak hai. tivra madhyam pila manvta -prem ka pratik halka nila shanti priyata darshata hai. halka madhyam nila dayaluta ka pratik hai. tivra madhyam nila adarshavad ka dyotak gahra nila imandari aur lagn ka pradarshan karta hai. gahra baingni vaibhav ka pratik halka baingni komlta ko darshata hai gahra hara bholapan darshata hai. madhyam hara khulepan v vyavharikta ka pradarshan karta hai. rashi ke anusar shubh rang rashi rang 1. mesh lal 2. vrish safed 3. mithun hara 4. kark safed 5. sinh chamkila lal 6. kanya hara 7. tula siment jaisa rang, safed 8. vrishchik gulabi, lal, pila 9. dhanu pila rang 10. makar siment rang, lal 11. kunbh nila, gulabi, siment jaisa rang 12. min pila rang nakshatranusar shubh rang : jatak ka jis nakshatra men janm hua ho - uske anusar hi rang ka chayan karna chahie- jo is prakar se hai. nakshatra rang ashvini dhuen jaisa rang bharni mishrit rangon ka prayog kritika gulabi, chandan jaisa rang rohini safde , halka pila mrigshira lal, katthai ardra saleti, nila, kala punarvasu pila, gulabi, ya badnami pushya krim, pila, gulabi ashlesha tote jaisa hara rang magha bhura, shvet, gulabi purvafalguni asmani, dudhiya, safed uttarafalguni katthai hast pila safed chitra gulabi, krim svati mishrit rang vishakha pila safed anuradha nila, bhura jyeshtha lal, pila mula bhura, narangi, ninbu, safed purvasharha safed uttarasharha hara safed shravan safed dhanishtha sinduri , badami shatbhisha nila, asmani ya jamuniya purvabhadrapad sanuhra, sinduri uttarabhadrapad kala, nila revti hara, safed is prakar ap apni rashi evan janm nakshatranusar rangon ka chayan karke apne avas sthal men prayog men lakar apne jivan ko sukhamay evan shantimay bana sakte hain.