lagn ka mahatva sita ram sinh dali ke dvadash bhavon ko kramshah lagn (deh), dhan, parakram, sukh, putra, shatru, stri, mrityu, bhagya, rajya, labh evan vyay nam diya gaya hai. bhavon ki ye sangyaen unke mul karakatva ko darshati hain. in bhavon ke karakatva ka vistrit ullekh acharya kalidas ne apne granth uÿarkalamrit men kiya hai. lagn bhav men dvadash bhavon ke sukhon ka ashray hai. atah vidvan daivagyaon ko lagn ke adhar par manushyon ke shubhashubh ka nirnay karna chahie. lagn v lagnesh ke balvan hone par kundli ke kai dosh nishprabhavi ho jate hain tatha jatak ko ayu, svasthya, sukh, dhan adi shubh falon ki prapti hoti hai. lagn, lagnesh v lagn karak surya ke balvan hone par jatak ka jivan sab prakar se sukhi hota hai. iske viprit jis prakar shuddh dudh ko tute-fute v gande bartan men rakh dene par uski shuddhata kam ho jati hai, usi prakar lagn v lagnesh ke nirbal hone par kundli men sthit bhagya tatha dhan yog bhi apna purn fal nahin dete. sabhi safal vyaktiyon ki janm kundli men lagn v lagnesh balvan hote hain. lagn sanbandhi shubh yog- yadi lagnesh lagn men ho ya use dekhta ho, lagnesh uchchasth hokar shubh sthan men ho, lagn v lagnesh budh, brihaspati v shukra se yut ya drisht ho, lagnesh shubh drisht hokar kendra men sthit ho ya apni mitra athva shubh rashi men shubh grahon se drisht ho tatha ashubh grahon ka lagn v lagnesh par prabhav nahin ho to vyakti svasth, sukhi, dhani aur yashasvi hota hai. iska shreshth udaharan bhutpurva pradhanmantri svarajiv gandhi ki kundli hai. unki sinh lagn men surya svakshetri tatha apni mulatrikon rashi men hokar budh, brihaspati aur shukra se yut hai. chandra ke bhi sinh rashi men hone ke falasvarup chandra rashi bhi shubh prabhav men hai. is grah sthiti ne unhen sundar, svasth tatha akarshak vyaktitva ka svami banaya aur lokapriyata, sanpannata, shirshasth pad adi die. lagn sanbandhi ashubh yog lagnesh koi pap grah ho aur lagn ke atirikt kisi anya krur rashi men sthit ho, lagnesh pap grah se yut hokar trik bhav (6/18/12) men kahin ho, shashthesh, ashtamesh tatha dvadshesh lagn men sthit hon ya lagn men krur grah ho tatha lagnesh bhi balhin ho to vyakti ko sharirik kasht, rogadi hote hain aur vah mansik chintaon se ghira rahta hai. lagn (deh), lagnesh, chandra (man) aur surya (lagn ka kark) par jitna pap prabhav hota hai, usi anupat men vyakti nirdhan, ashay aur pirit hota hai. lagnesh ka vishesh prabhav lagn bhav kendra tatha trikon donon hone par lagnesh naisargik shubh athva papi grah hone par bhi yogkarak ki tarah shubhfldayi hota hai. faldipika granth ke anusar bahut balvan lagnesh yadi kendra men shubh grahon se drisht yut ho aur papi grahon se drisht n ho, to vah sabhi arishton ko dur kar vyakti ko dirghayu aur dhan samriddhi deta hai. tatha gunagya banata hai. lagnesh jis bhav ke svami ke sath tatha jis bhav men sthit hota hai, us bhav ke shubh prabhav ki vriddhi karta hai. ‘faldipika’ granth ke anusar lagnesh jis grah ke sath ho, us grah ke bhavon ke fal ko barhata hai. isi tarah jis bhav men lagnesh ho us bhav ke fal ko bhi barhata hai. yadi vah bhav v bhavesh bali hon to adhik sukh milta hai aur nirbal hane to bhav sanbandhi kasht hota hai. udahrnarth kark lagn ka svami chandra yogkarak dashmesh mangal ke sath dasham ya kisi anya shubh bhav (6,8,12 bhav ke atirikta) men ho to mangal adhipatya bhav ki vriddhi hogi. mangal ke balvan hone par dasham bhav ki vishesh vriddhi hogi, parantu uske balhin hone par us bhav se sanbandhit ashubh fal milega. parantu dusht sthanon (6,8,12 bhav) men lagnesh v kisi bhavesh ka yog haniprad hota hai. yadi vicharniya bhavesh nirbal hokar bhav 6,8 ya 12 men sthit ho to hani adhik aur bali ho to kam hoti hai. yadi ek hi grah lagnesh tatha dusht bhavesh bhi ho to uske dusht bhav ka fal nishprabhavi hota hai. yadi lagnesh duahkhasthanadhipti (6,8,12 bhavpti) bhi ho to uske lagneshatva ki pradhanta rahegi, tatha dusre bhav ke adhipatya ka fal prabhavi nahin hoga. udahrnarth mesh tatha vrishchik lagnon men sinh ya min rashisth panchamasth mangal lagnesh hone ke sath-sath ashtamesh evan shashthesh bhi ho, tab bhi shubh faldayi hoga. yadi yah mangal shubh drisht ya yut ho to vivahoprant shighra nahin bhi ho fir bhi apni dasha mukti men putra labh avashya dega. atah lagn tatha lagnesh ka bal bhav sthiti kundli ke vishleshan tatha bhavishya kathan men nirnayak hote hanai. udaharan kundliyan- kundli 1 men lagn vargoÿam hai. lagn men vargoÿam navmesh surya ne svami vivekanand ko tejasvi evan pratapi banaya. pancham bhav men svakshetri mangal ne prabal tark shakti di. dvitiya bhav men dashmesh budh aur ekadshesh ne unhen safal vakta banaya. inhin yogon ke karan unhonne desh videsh men hindu dharm aur darshan ka bharpur prachar kiya. kundli 2 men lagn men lagnesh shukra malavya namak panch mahapurush yog ka nirman kar raha hai. chandra bhi lagn men uchchasth hai. navmesh v dashmesh yogkarak shani bhi lagn men sthit hai tatha uski dasham bhav sthit apni mul trikon rashi par drishti hai. mangal ketu aur panchmesh budh ke sath tritiya bhav men hai. rahu ne yogkarak shani ki rashi tatha navam bhav men sthit hone se yogkarak shani ka fal apni dasha men diya aur vah bhartiya tim ke safal kaptan rahe. ashtam bhav sthit ashtamesh brihaspati ki dasha 2005 men aranbh hui. sarhe sati ke chalte unse tim ka netritva chin liya gaya aur vah tim se bhi bahar ho gae. brihaspati-brihaspati shukra men unhen punah tim men sthan mila.
Kya aapko lekh pasand aaya?
Subscribe