safed rang nav rang navagrah jyotirvigyan shastra men jise safed rang pasand ata hai uska svabhav chandrama grah ki visheshta lie hota hai arthat vo saumya, saral, spashtavadi, sadgi pasand aur adarshavadi prakriti se paripurn hote hain. unhen chandrama ki kalaon ki tarah hi utar-charhav aur kathinaiyan parivar, vyavsay, naukri men uthani parti hai. shantchiÿa prakriti hoti hai, lekin dayalu pravriÿia adhik hone se inhen kai bar jarurat hone par bhi apni khushiyon se vanchit hona parta hai. inhen ‘‘moti ratna’’ dharan karna chahie. iska pratinidhi grah chandrama hai. gulabi rang gulabi rang (pink kalr) jinki pahli pasand hoti hai, ve atyadhik vyavharik, khushmijaj, utsahi honge.
inka vyaktitva sakaratmak soch se sarabor hoga. navinta, tarunta, saumyata, rasrangapriyata inki vishishtata hogi. inka hansmukh chehra hi inke vyaktitva ka darpan hota hai. ye jivan men sadaiv saflta prapt karne ki soch se nirantar prayatnarat rahte hain. ishvar men asim astha hoti hai. ye atyadhik milnsar hote hain. mitrata karna aur nibhana koi inse sikhe. prem ki paribhasha inse behatar koi nahin samajh sakta hai. inhen ‘‘gulabi rang ka manikya’’ (pink rubi) pahnna chahie. ‘‘gulabi rang ki sfatik ki maniyon ki mala’’ (pink kristals bidsa) bhi pahnne se labh milega. isse inke vyaktitva men aur adhik nikhar ayega. sakaratmak soch men abhivriddhi karke saflta ke shikhar par pahunch sakenge. iska pratinidhi grah surya hai.
hara rang hara rang prakriti pradhan rang hai falasvarup jinhen hara rang priya hai ve prakriti premi honge. jis prakar prakriti parivartashil hoti hai usi ke anurup ye bhi parivartan pasand vyaktitva ke honge. inmen duradarshita, vishvasniyata aur uchch stariya karyakushlta ke atirikt gun hote hain. inmen netritva kshamata bhi achchi hoti hai aur samay ke sath talmel baithane men daksh hote hain. ye inke vyaktitva ka khas gun hai. inko apne vyaktitva vikas hetu ‘‘panna ratna’’ pahnna chahie. ye inke vidya, vinay, vivek men vriddhi karne men sahayak siddh hoga. iska pratinidhi grah budh hai.
pila rang pitambar rang chahne vale ka vyaktitva guru grah jaisa hota hai. ye tikshn buddhi ke dhani hote hain. ye shant prakriti, samtadhari aur sanymit jivan jine vale hote hain. inka vyaktitva rahasyavadi to nahin hota lekin bhramit karne ki kala men parangat hote hain. gopniyata inki vishisht pahchan hogi. ye logon se hamadardi chahte hain. samaj men inko uchch pad prapt hota hai ya iske lie ajivan prayasarat rahenge. inko ‘‘pukhraj ratna’’ sone men dharan karna chahie. isse guru grah majbut hota hai evan kushagra buddhi ka svami banne men maddgar sabit hota hai. iska pratinidhi grah guru hai. asmani rang asmani ya halka nila rang jise firoji rang bhi kahte hain, ise jo bhi pahne vah har hal men khush rahenge v vyaktitva ke dhani honge.
kisi ko bhi har hal men madad dena aur kisi ke bhi manobhavon ko samjhna koi inse hi sikhe. ye atyant hi bhavuk prakriti ke hote hain par inki gahrai samundar ke saman hoti hai. inke dil men hajaron raj chipe rah sakte hain. inhen rahasya, romans pasand hota hai. bhavuk prakriti hone ke karan darna svabhav hota hai lekin viprit paristhitiyon men ye vichlit n hokar adamya sahas ka parichay dene men saksham hote hain. saflta ke asman ko chune ke lie inko ‘‘firoja ratn ya ekvamerin ratna’’ jarur dharan karna chahie jisse inke vyaktitva men aur adhik nikhar a sake. iska pratinidhi grah shani hai. nila rang antarmukhi vyaktitva valon ka pasandida rang nila hota hai.
inmen manviyata kut-kut kar bhari hoti hai aur vishvasniyata inki pahchan hai. inmen dikhava karna, bevajah hava men urna, auron se ishrya nahin karna jaise ati vishisht gun hote hain. sahas se sadaiv sarabor rahte hain. lekin nirnay karne men kabhi-kabhi deri karte hain. jivan men inko sangharsh karna parta hai. atmapirak pravriÿia hona inke lie ghatak sabit hoti hai. krodh par kabu karna inke lie thora mushkil sabit hoga. inhen apne se choton se hamesha pyar, sneh, adar ki akanksha apekshit rahti hai. ye apne prem ko pradarshit nahin karte hain. atmavishvas ko majbut karne ke lie inko ‘‘nilam ratna’’ dharan karna chahie. iska pratinidhi grah shani hai.
lal rang lal, narangi, sinduri rang ko pasand karne valon ka vyaktitva surya ke saman tejasvi hota hai. ye rangon ka raja hota hai. inka abhamandal aur mukhmandal surya ke saman dedipyaman rahta hai. chunbak sa akarshan inke vyaktitva men jhalkta hai. ye har sthiti men garmajoshi se pesh ate hain. yash, man-samman ke lie sada lalayit rahte hain. ye kushal prabandhak sabit hote hain. rajniti aur prashasnik prabandhan men siddha-hast hote hain. kisi bhi karya ko karne se pahle nafa-nuksan ka akalan karenge.
karya ki saflta inke sahas men nihit hoti hai. inhen ‘‘munga ratna’’ ya ‘‘manikya ratna’’ pahnna chahie. iska pratinidhi grah mangal hai. bhura rang bhura, katthai, kaefi, dhup-chanv jaise rang jinhen pasand ate hain vo apne dil ke raj ko apne dil men hi dafan rakhte hain. bhir-bhar se dur rahna, ekaki pravriÿia inki khasiyat hai. ye prayah apne dard aur andar ki ghutan ko ujagar nahin kar pate hain. inki manosthiti svachchand hoti hai, in par kisi ka prabhav ya dabav nahin chal sakta hai kyonki inki prakriti ko sahjta se samjhna namumkin hai.
ye atyadhik rurhivadita pradarshit karte hain aur apna vash ya jor nahin chalne par jhagralu svabhav pradarshit karenge. inki vichardhara bhi atyant rahasyavadi hoti hai. inhen apne vyaktitva ko akarshak banane ke lie ‘‘gomed v sangsitara ratna’’ dharan karna chahie. jis tarah rahu grah ka svabhava/prakriti hota hai ye vaise hi svabhav ke hote hain. iska pratinidhi grah rahu hai. kala rang rangon ki rangin duniya men kale rang ko andhkar aur nirashavadi prakriti ka dyotak mana jata hai.
is rang ko pasand karne valon ki asamanya bat yah hoti hai ki ye duniya ki bhir mane kuch alag dikhne ki pravriÿia rakhte hain. kathor anushasan priyata inki ativishisht pahchan hoti hai. apne men khoye rahna achcha lagta hai ya bhir men apne apko alg-thalag mahsus karvana inki adat men shumar hota hai. ye sadaiv nirasha se ghire rahte hain ya fir sakaratmak soch ka sarvatha abhav rahta hai. amajan men inki prakriti asvikarya hoti hai. ye irade ke pakke hote hain. ye ‘‘lakir ke fakir’’ bhi hote hain.
nakaratmak ravaiya bhale hi inmen hota hai par sam, dam, dand, bhed (chanakya niti) se ye har kam ko akhiri anjam tak pahanuchate hain. inka svami grah shani hota hai. inko apne vyaktitva vikas hetu ‘‘blaik garnet, blaik opal, blaik kaits ai, blaik aeneks, sulemani, kala hakik (blaik aget)’, blaik star ston, maignet, blaik parla ratna’ avashya dharan karna chahie. iska pratinidhi grah shani hai.