aksar log kahte hain ki mere sare karyon men vighn par rahe hain, pata nahin kiski najar lag gai hai, isi prakar manon ko aksar apne bachchon ki najar utarte hue dekha jata hai. ghar men nai bahu ati hai, naya makan banate hanai, koi nai dukan, shuru karte hain ya vahan kharidte hain to us par kisi ki buri najar n lage iske lie log koi n koi upay avashya karte hanai. najar jab bhi utaren, us din shanivar, ravivar ya fir budhvar hi hona chahie. anya dinon men utari gai najar ka prabhav naganya hi rahta hai. dainik jivan men najar utarne ke anek upay kie jate hain jinmen se kuch ka ullekh yahan prastut hai.
- bachche ko hanuman ji ka darshan karaen evan rat ko tin, panch ya sat sabut lal mirch lekar bachche ke upar se ochar kar agni men jalaen. agar najar lagi hai to mirch jalne par uski tej gandh nahin aegi.
- shanivar ko gilas men dudh dalakar bachche ko pilaen evan thora dudh bachakar kale kutte ko pilaen. yadi bachche ne khana pina bhi chor diya ho to khana pina shuru kar dega. is upay ko rat men karen. kam se kam tin shanivar avashya karen.
- najar lagne ki sthiti men yadi din pratidin balak kamjor hota ja raha ho to shukravar ki rat ko adhi kachchi roti banakar us par thora sarson ka tel lagakar balak ke takiye ke niche rakh den, shanivar pratahkal use kauon ko khila dane lekin balak ko is bat ki jankari n lage. gupt rup se karen. nitya pratahkal hanuman ji ke darshan karen evan hanuman ji ke charnon ka sindur apne lalat par lagaen, kabhi kisi ki najar nahin lagegi.
- shanivar ya budhvar ko ek kale kapre men jata sahit pani vala nariyal, kachche lakri ke do-char koyle evan ek sikka bandhakar najar lagne vale ke upar ghumakar suryast ke kuch samay purva nadi men visarjit karen. kuen ya talab men n dalen.
- yadi vahan chalate samay bar-bar durghatanaen hoti hon to vahan par pratyek shanivar ko hanuman ji ya bhairav baba par charhi hui mala charhaen. kar men durghatana nashak yantra lagaen.
- atyadhik prayas karne par bhi kam nahin ban rahe, to yah is bat ka sanket hai ki apko kisi ki najar lagi hai. aisi sthiti men shukla paksh ke kisi budhvar ko man durga ko apne hathon se mitti ka ek sher arpit karen, isse apki najar utar jaegi evan apke karya banne lagenge.
- dukan ki najar utarne ke lie shanivar ko 7 hari mirchon aur ek ninbu len. dhage ke ek tukre men pahle 4 mirchen fir ninbu uske bad shesh 3 mirchen pirokar dukan ke kisi bhi kone men laga den. pratyek shanivar ko ise badlte rahen.
- yadi lakh prayas karne par bhi dukan ki bikri men vriddhi nahin ho rahi ho to sanbhav hai dukan ko najar lagi ho. aisi sthiti men pratyek shanivar ko pratahkal dukan men bane mandir men khane ki koi bhi namkin chij rakh den jaise pakaura, kachairi, samosa adi suryast ke bad ise kisi kale kutte ko khila den. aisa kuch shanivar karne se parinam svatah hi dikhne lagega.
- mitti ke do khali kale kullar len ya fir unhen kale rang se rang len. ek men sabut namak evan dusre men sabut mung ki dal bharakar dukan men aisi jagah rakh den jahan grahkon ki drishti un par n pare, dukan par kabhi bhi kisi ki najar nahin lagegi. yah kriya budhvar ko karen evan pratyek 3-4 mah men namak evan mung ki dal badlte rahen.
- sarson ka tel lekar apni dukan par rakh den. shanivar ko jab rat men dukan band karen to uske bahar us tel ka dipak jalaen. pratyek shanivar ko aisa karte rahen. yadi dukan ke bahar dipak jalane men asuvidha ho to dukan men dipak taiyar karke pipal ke per par jalaen.