sammohan upchar  

sammohan upchar je. pi. malik gat mahine anekon pathkon ne sammohan ki upyogita ke bare men kafi jankari mangi hai. asha hai, is ank men di gai jankari apke lie upyogi rahegi. prashna: sammohan upchar ki paddhati kya hoti hai? uttara: ham sabhi ke man men prakriti dvara di gai ek anuthi shakti nihit hai jiska prayog ham apne vyavhar men badlav lane ke liye kar sakte hain. sammohan ka prayog un sabhi pahluon ke lie kiya jata hai jo ki paroksh rup se hamari chetna dvara niyantrit nahin kiye jate hain arthat hamare vyavhar ke ve sabhi pahlu jo avchetan man dvara sanchalit kiye jate hain. atah sarvapratham sammohan ke madhyam se avchetan man ko jagrit kiya jata hai. fir upchar hetu man ko program kiya jata hai jismen sujhav aur kalpanaon ka prayog hota hai. ise avchetan man ek nai vastavikta ke rup men svikar kar leta hai. jo kriyayen chetan man ke karya kshetra men ati hai un par avchetan man hi karyaprabhavi rahta hai. udaharan ke liye pira ya dard avchetan man dvara niyantrit kiya jata hai. agar ham purn chetna men dard niyantran karna chahen to bahut kathin hota hai jabki sammohit avastha men dard ko bari asani se niyantrit kiya ja sakta hai. isi prakar anya upchar hetu bhi sammohan avastha prabhavkari rahti hai. prashna: sammohan ka vaigyanik adhar kya hai? uttara: sammohan avastha ka vaigyanik adhar par akalan kiya ja sakta hai. hamare mastishk men hamesha brenvev chalti rahti hai. in brenvev ke adhar par arthat inki gati ke adhar par yah pata lagaya ja sakta hai ki vyakti jagrit, sammohit ya nind ki avastha men hai. jagrit avastha men bita, nind ki avastha men delta aur sammohan ki avastha men alfa ya bita brenvev hoti hai. inke janne ke lie vaigyanik upakaran maujud hain. sammohan ki avastha prapt hote hi brenveb ke sath-sath aur bhi kai sharirik parivartan hote hain jaise sharir ke tapman men badlav, nari ke chalne ki gati men badlav, sans lene ki gati aur tvacha par pasine ki matra men bhi badlav hota hai. in sabhi ke sath-sath sharir men paroksh rup se dikhne vale anek parivartan ate hain. in sabhi ne vaigyanik tathyon ke adhar par bari asani se sammohan ki avastha ka pata lagaya ja sakta hai. prashna: kya sammohan se purn v pakka ilaj ho jata hai? uttara: insani vyavhar men yah kafi prachlit hai ki jis bat ki garanti di jaye, vah asani se man li jati hai. lekin hamara vyavhar ek paristhiti ya ek vatavaran men hota hai. sammohan vyakti ke man ke sath karya karta hai n ki vatavaran ke sath. vatavaran ki kuch hi baten hanai jinhen ham niyantrit kar sakte hain. pura vatavaran amtaur par hamare hath men nahin hota hai. sammohan ke prayog se apna vyavhar sudhara ja sakta hai tatha vatavaran ke prati apni avdharna sudhari ja sakti hai. vatavaran ka badlna hamesha sanbhav nahin hota hai. is bat ko samjhne ke liye jaise barsat ke samay ham chate ka prayog karte hain. chata prayog karne se barsat khatm nahin ho jati balki hamara sharir barsat ke prabhav se bach jata hai. kuch isi tarah se sammohan v nirdeshan bhi karya karte hain. agar ham kisi dusri paddhati se upchar karva rahe hain to bhi sath-sath sammohan ka bhi prayog kiya ja sakta hai. sammohan ke prayog se vah upchar bhi adhik prabhavi ho jata hai. prashna: kya sammohan ka prayog kisi aur upchar paddhati men bhi hota hai? uttara: sammohan ka prayog anekon upchar paddhatiyon men kiya jata hai. unmen se kuch is prakar hain. is jivan ke gujare huye dinon se jorakar upchar paddhati, prachin jivan sanbandhit upchar paddhati, do jivan kalon ke bich ke samay se sanbandhit upchar paddhati avanchit urja athva bhutapret se nijam pana, adhyatmik upchar, bal janm sanbandhit upchar, dard niyantran, sammohan nirdesh ityadi anekon upchar paddhatiyan hain jinmen sammohan ka prayog kiya jata hai. prashna: sammohan se kya-kya upchar sanbhav hain? uttara: vo sabhi baten ya adten jahan par man ka prabhav hota hai vahan par sammohan bhi prabhavshali rahta hai. hamara man bahut kuch banaya karta hai aur sanvarta rahta hai. sammohan ka prayog duniya bhar men prachin kal se chala a raha hai aur ab iska prachalan barh raha hai. sammohan ka prayog hamare mulya vikas ke liye, manoranjan ke liye, adat sudharne ke liye v upchar ke liye kiya jata hai. adt-sudhar jaise parhai ki adat, munh se nakhun katna, angutha chusna, bistar gila karna, dhumrapan v madirapan karna ityadi. mansik v sharirik svasthya jaise vajan niyantran karna, mansik svasthya, gussa ana adi. karyakshamata barhana jaise dhol, stej, parhai, bikri ityadi. chinta ghatana, atmavishvas barhana, utprerna dena, bahri urja (bhut-pret) nivaran, shadi se juri samasyaen jaise napunskta, apsi sahyog ki kami ityadi. dar lagna, bhaybhit rahna, bhulakkar svabhav, nind n ana ityadi anek upcharon men sammohan ka prayog kiya ja sakta hai. prashna: kya sammohan upchar ki matra ek hi vidhi hoti hai? uttara: sammohan se upchar karne ke liye kai vidhiyon ka upyog kiya jata hai. kisi bhi vidhi ka nirdharan kai baton par nirbhar karta hai jaise samasya ka prakar, vyakti ka svabhav v vyavhar ityadi. alg-alag vyaktiyon ke sath alg-alag vidhiyon ka prayog kiya ja sakta hai. yahan tak ki ek hi vyakti ke sath upchar ki bhinna-bhinn avasthaon men bhinna-bhinn vidhiyon ka prayog sanbhav hai. sammohit karne ki vidhiyan bhi vyakti ke svabhav v vyavhar ke anusar chuni jati hai. atah yah atyant avashyak hai ki ap upchar ke lie ek uchit prashikshit sammohan nirdeshak ke pas hi jayen. prashna: kya maismerijam aur hipnotijm ka koi sanbandh hai? uttara: dae. maismar viyana ke rahne vale the. vah upchar dhyan ki avastha men le jakar karte the. unhonne is vidya ka nam apne nam ke adhar par maismerijm rakha tha. shayad ve is prakar dhyan ya sammohan ka prayog karne vale pahle daktar the. unki manyata thi ki chunbak is karya men labhdayak hote hain. atah unhonne pahle iska nam enimal maignetijm rakha tha. bad men unhen ehsas hua ki vyakti ke man ka is karya men pramukh yogdan hai. us vakt tak hipnonitijm nam nahin rakha gaya tha atah unhonne ise maismerijm nam de diya. ho sakta hai, adhunik vikas ke adhar par sammohan ki vidhiyan alag ho gai hon lekin yah tay hai ki sammohan v maismerijm donon hi, ek hi prakar ki man ki avastha ke upchar hetu prayog men lai jati hai. prashna: kya sammohan tratak hai? uttara: tratak man ki dasha badlne ki ek vidhi hai jo ki dhyan ekagra karne, vichar kam karne aur dhyan ki avastha ko prapt karne ke liye prayog ki jati hai. yah keval anek vidhiyon men se ek vidhi hai. yah sammohan to katai nahin hai. prashna: ham apse kaise sanpark kar sakte hain? uttara: niche diye gaye fon v pate par tin karnon hetu sanpark kiya ja sakta hai. 1. adhik jankari lene ke liye 2. upchar ke liye 3. sammohan sikhne ke liye. har vyakti jo bhasha samajh sakta hai aur sujhavon ka palan kar sakta hai, sammohan ki dasha prapt kar sakta hai. koi bhi vyakti jo samanya buddhi rakhta hai, vah sammohan asani se sikh sakta hai. sammohan se upchar karne ke liye kai vidhiyon ka upyog kiya jata hai. kisi bhi vidhi ka nirdharan kai baton par nirbhar karta hai jaise samasya ka prakar, vyakti ka svabhav v vyavhar ityadi. alg-alag vyaktiyon ke sath alg-alag vidhiyon ka prayog kiya ja sakta hai. yahan tak ki ek hi vyakti ke sath upchar ki bhinna-bhinn avasthaon men bhinna-bhinn vidhiyon ka prayog sanbhav hai.