vivah evan prem sanbandh ke rup aur mayne ab badal chuke hain. ab ham bhautik mapdandon ke adhar par sanbandhon ka chayan karte hain. falasvarup sanbandhon men katuta evan vilgav ki ghatnaen adhik ho rahi hain. kuch sanbandh samajik bandhan ya sanskaron ke karan nibh to rahe hain par majburi men. korta-kachahari men sanbandh-vichched ke lie bhir lagi hui hai.
aj ham apne men sudhar lae bina apne jivan sathi men sudhar lana chahte hain. kuch log jo chahte hue bhi apne men sudhar nahin kar pate, apas men talmel nahin bitha pate, unhen jyotish shastra ka sahara lena chahie. lekin kai bar ham janm samay ka thik gyan nahin hone ke karan jyotish shastra ka margadarshan nahin le pate hain. aise men ham ankshastra ke siddhanton ke anusar mulank v bhagyank ke adhar par apna vaivahik jivan sukhi bana sakte hain. ankshastra se jan sakte hain ki apke jivan sathi ya hone vale jivan sathi ke mulank v bhagyank se apke mulank ya bhagyank ki naisargik maitri hai ya nahin. mulank ka sanbandh tan v man se tatha bhagyank ka bhagya v dhan se hai.
jab tan, man v dhan ka sangam ho jae to vaivahik jivan ke sukhamay hone ki sanbhavna barh jati hai. janmatithi ke dinank, mah, varsh v shatabdi ke sabhi ank jab apas men jor die jate hain to prapt yogafal bhagyank kahlata hai. vahin, keval janmatithi ke ank ya ankon ka yogafal mulank kahlata hai. udaharan ke lie, kisi vyakti ki janmatithi 25.12.1982 hai, to uska mulank uske janm dinank ke donon ankon ka yogafal arthat 2 $ 5 = 7 hoga.
us vyakti ka bhagyank nikalne ke lie uske janm ki tarikh, mas aur varsh ka yog kiya jaega jo is prakar hoga- 2 $ 5 $ 1 $ 2 $ 1 $ 9 $ 8 $ 2 = 30 = 3 $ 0 = 3 mulank talika dinank mulank 1, 10, 19, 28 1 2, 11, 20, 29 2 3, 12, 21, 30 3 4, 13, 22, 31 4 5, 14, 23 5 6, 15, 24 6 7, 16, 25 7 8, 17, 26 8 9, 18, 27 9 is prakar, ap apna mulank v bhagyank nikalakar apne jivan sathi ke mulank ya bhagyank se tulna karke jan sakte hain ki unmen naisargik maitri hai ya nahin. talika men dekhne se pata chalta hai ki ank 1, 5 v 8 ka koi bhi ank atimitra nahin hai.
ank 6, 7 v 9 ka koi bhi shatru ank nahin hai. ank 6 v 9 ke ati mitra ankon ki sankhya 5-5 hai, par jivan sathi to ek hi chunna hai. to panchon men se kis ek ko apna jivan sathi chunen? yahan vibhinn mulankon ki striyon aur purushon ke svabhav gun, dosh adi ka vishleshan prastut hai. in vivrnon ke adhar par upyukt jivnsathi ka chayan kar sakte hain. jinki
vibhinn mulankon vali striyan
mulank 1: mulank 1 vali stri vidushi, samajik, pati ki achchi sathi, pati ke vyavsay men ruchi rakhnevali hoti hai. jo log chahte hain ki unki patni unke karya men ruchi rakhe, sath nibhae, unhen mulank 1 vali kanya se vivah karna chahie.
mulank 2: mulank 2 vali stri dayalu, mridu svabhav v akarshak vyaktitva vali hoti hai. pati jo kuch de de usi men santusht rahne vali hoti hai. aisi striyon ke ghar men sukh-sadhnon ki kami nahin rahti, islie alsi hone ki sanbhavna rahti hai.
mulank 3: mulank 3 vali stri ka parivar par achcha prabhav hota hai. aisi striyan pati par purn adhikar rakhti hanai tatha pati ki unnati men sahayak hoti hain. inka pati agar vyavsayi ho aur inke nam par vyavsay kare to unnati hoti hai.
mulank 4: mulank 4 vali stri uchch shikshit, apni bat manvane vali, ban-sanvar kar rahnevali hoti hai. aisi stri ghar se bahar khush rahti hai, kintu vaivahik jivan sadharan hi rahta hai.
mulank 5: mulank 5 vali stri vyavharkushal aur paripakva mastishk vali, parivarik samasyaon se upar uthakar vikas karyon men ruchi rakhne vali, pati v bachchon ki pragti men sahayak hoti hai.
mulank 6: mulank 6 vali stri rupvti v dayalu hoti hai. ismen achchi patni v achchi mata ke sabhi gun hote hain. aisi stri ghar ko achche dhang se chalane ki kshamata rakhti hai tatha samaj men pratishthit v parivar men sarvesarva hoti hai.
mulank 7: ank 7 vali stri paryapt shikshit hone ke bavjud achchi arthik sthiti ke lie sangharshamay rahti hai. aisi striyon ko akele rahna achcha lagta hai. har samay pati inka dhyan rakhen, inmen aisi chahat har samay bani rahti hai.
mulank 8: mulank 8 vali stri niyam se chalne vali, karmath, pati v bachchon ke lie karya karne vali v bauddhik shakti ki dhani hoti hai. parivar v vyavsay ke karyon men achchi salahkar hoti hai.
mulank 9: mulank 9 vali stri prayah unmukt aur manmauji hoti hai. koi bhi karya aranbh karne se pahle inhen bharose men lena chahie. aisi striyon ka svabhav ugra to hota hai, par ve laprvah nahin hoti hain. ye pati ke karyon men pure manoyog se sahayta karti hain.
vibhinn mulank vale purush
mulank 1: mulank 1 vale purush ganbhir, dayalu v mahatvakankshi hote hain. ye hamesha yahi chahte hain ki parivar ke sabhi sadasya inki bat manen. ye chahte hain ki inki patni ka samaj men man-samman ho. inhen apne ghar se lagav hota hai aur ye adhik samay ghar par hi bitana chahte hain.
mulank 2: mulank 2 vale purush shant svabhav ke hote hain. ye chahte hain ki unki patni inke kahe bina hi sab karya kar de. ye ek samjhdar v shisht patni chahte hain.
mulank 3: mulank 3 vale purush atmakendrit v adhyatm men ruchi rakhne vale hote hain. aise jyadatar purush apne se unche gharane men vivah karte hain. ye patni ka pura dhyan rakhte hain.
mulank 4: mulank 4 vale purush dayalu v vidrohi svabhav ke hote hain. ye satat logon ki kamiyan nikalte rahte hain jiske karan parivar men ashanti bani rahti hai. ye chahte hain ki parivar ke sabhi sadasya inke anusar chalen.
mulank 5: mulank 5 vale purush hathadharmi, kintu vyavharkushal v mitavyayi hote hain. ye chahte hain ki inki patni ban-sanvar kar rahane. inhen apne bachchon se lagav hota hai. ye bachchon par khulakar kharch karne vale hote hain.
mulank 6: mulank 6 vale purush vilasi, imandar v madhur svabhav vale hote hain. ye chahte hain ki inki patni aisi ho jis par ye garva kar sakane. ye ghar-parivar ka pura dhyan rakhte hain.
mulank 7: mulank 7 vale purush darshanik, bhavuk v paravigyan ka gyan rakhne vale hote hain. ye patni ki bhavnaon ko samjhte hanai aur har bat ko alochnatmak tarike se dekhte hain. is karan parivar men ashanti bani rahti hai.
mulank 8: mulank 8 vale purush vishvasniya, nyayapriya aur ekantapriya hote hain. aise adhikatar purush vivah nahin karna chahte hanai. jo karte hain, unhen rurhivadi vicharon vali patni achchi lagti hai.
mulank 9: mulank 9 vale purush sahsi, svabhimani v atmavishvasi hote hain. inhen ek achche ghar ki lalsa rahti hai. apne parivar, patni v bachchon par inhen garva hota hai.