janm kunundanli kaisaie dekhen? vinay garg jyotish men faladesh kaise karen? yah vichar ate hi hamare mastishk men kafi sare vichar ek sath kaundh jate hain. kisi ne koi prashn pucha to yah janna sabse pahle avashyak ho jata hai ki prashn kis bhav se sanbandhit hai, to sabse pahle ham apna dhyan bhav ki or kendrit karte hain ki prashn jis bhav se sanbandhit hai, us bhav men rashi kaun si hai, usmen kaun se grah sthit hain aur jo grah sthit hain ve us bhav par kaisa prabhav dal rahe hain tatha bhav ki rashi ke svami ke sath naisargik rup se kaisa sanbandh banate hain? iske pashchat kin-kin grahon ki drishti us bhav par par rahi hai, ve grah shubh hain ya ashubh? un grahon ka bhav ke rashi adhipti ke sath kaisa sanbandh hai? yadi kisi grah ki drishti n ho aur n hi koi grah us bhav men sthit ho to agle kram men ham apna dhyan bhavesh par kendrit karte hain. bhavesh shubh hai ya ashubh, vah kis grah ke sath yuti ya drishti sanbandh bana raha hai? vah grah kis bhav tatha rashi men sthit hai. yadi grah shubh bhav arthat kendra ya trikon men sthit hoga to nishchit rup se bali sthiti men hoga. iske pashchat kis rashi men sthit hai, uske adhar par nishchay hoga ki grah kshin avastha men hai ya bali avastha men hai. yadi grah kanedra aur trikon men sthit hai tatha mul trikon, uchch rashi, svarashi ya mitra rashi men ho tatha baladi avastha men bhi uske ansh 120-150 ke madhya hain to grah nishchit rup se bali avastha men kahlaega tatha nishchit rup se vah grah jis bhav ka svami hoga us bhav se sanbandhit achche fal dega. ant men ham apna dhyan us bhav ke karak par kendrit karenge. yadi karak bhi santoshaprad ya achchi sthiti men ho to ham nishchit rup se kah sakenge ki us prashn ka uttar sakaratmak arthat ‘han’ men hoga. is prakar ham dekhte hain ki kisi kundli men kisi prashn ka uttar ‘han’ hoga ya ‘nahin’ iske lie ham kundli men prashn se sanbandhit bhav, bhavesh aur karak par vichar karte hain. is prakar uparyukt vishleshan ke adhar par kundli men yog ban raha hai ki nahin gyat kar sakte hain. iske pashchat hamen dekhna hota hai ki kundli men yog to hai lekin vicharadhin prashn ke uttar ka fal kab milega. iske lie ham do tathyon par dhyan kendrit karte hain- pahla dasha tatha dusra gochar. jis grah ki dasha chal rahi hai us grah ke lie yah dekhna hoga ki kundli ke anusar grah vicharadhin prashn ke anukul hai ya pratikul tatha grah ki kundli men kya sthiti hai-karak hai, badhak hai, yogkarak ya akarak hai? is prakar ham dashakram dekhakar yah nishchit kar pate hain ki amuk dasha men vichardhin prashn ki samasya ka hal ho jaega. lekin dasha ka samay antral kafi adhik hone ke karan faladesh aur adhik satik ho, iske lie ham kundli men gochar ka vishleshan karte hain. gochar ka adhyayan karne ke lie ashtakavarg paddhati kafi karagar siddh hoti hai kyonki iske dvara ham gunatmak tatha matratmak donon falon ka vishleshan ganit ke rup men kar sakte hain. isse yah nishkarsh nikal sakte hain ki kisi grah ka gochar tulnatmak kitna shubh hoga ya kitna ashubh hoga. iske atirikt ashtakavarg men vedh ya viprit vedh ki samasya ka nirakaran bhi bari sugmta se ho sakta hai kyonki ek hi samay men ek grah ke lie vibhinn grahon ka gochar vishleshan grah ke ashtakavarg men diya jata hai. atah grah ke vedh ya viprit vedh ke dvara utpann sanshypurn sthiti ka prashn hi nahin rah jata. nishkarshatah kisi kundli ka adhyayan karne ke lie prashn se sanbandhit bhav, bhavesh aur karak tinon ka adhyayan karte hain tatha fal ki avdhi janne ke lie anukul yog, dasha evan gochar ka vishleshan karte hain. yadi in baton ko dhyan men rakha jae to faladesh bari sugmta se kiya ja sakta hai. chah...62 aisa nahin hai ki logon ko raktachap is yug men hi ho raha hai. iska varnan sadiyon purane ayurved men bhi milta hai. lekin vartaman samay men yah rog am ho gaya hai. raktachap un logon ko adhik hota hai, jo prayah sharir aur man donon ko paryapt aram nahin dete tatha mashin ki bhanti sharir ka upyog karte hain. aj ke yug men prayah dekhne ko milta hai, ki manushya anek prakar ki mansik chintaon aur pareshaniyon se ghira rahta hai. iske sath uske khan-pan ki adten evan achar-vichar bhi aise ban gaye hain, jo uske sharir men atiraktachap jaise rogon ke lie anukul vatavaran paida kar dete hain. der rat tak jagte rahna, ratri bhojon men shamil hona, der rat tak ti. vi. dekhna, chay-kafi evan anya madak dravyon ka adhik matra men sevan karna aur mal-mutra adi ke svabhavik vegon ko rok kar rakhna aj ke yug men samanya hoti ja rahi hain, jo tarh-tarah ke rogon ko utpann karne men vishesh bhumika nibha rahi hain. raktachap kya hai: rakt ka sanchar hone se jo dabav rakt vahikaon par parta hai vahi raktachap kahlata hai. rakt sharir ke poshak ghatkon ko sukshm koshon tak pahunchata hain. kintu rakt ko vahan karne men hriday aur raktavahi sansthan mukhya bhumika nibhate hain. in donon ke alava ek aur ghatak hai raktachap. rakt ek nishchit dabav se bahta hai. hriday ka bayan bhag tej sankuchit ho kar rakt ko mahadhmni men dhakelta hai aur rakt vahiniyon se ho kar age gatiman hota hai. ise sankochkalin rakt bhar kahte hain. do sankuchan ke bich ka kal vishram athva shithilan kal kahlata hai. ismen sankuchan ke dauran age barha hua rakt jab dhamniyon ke rikt sthan men pravesh pata hai, tab dhamni ki divar aur rakt men sangharsh hota hai aur rakt ka dabav barh jata hai. atah hriday ke do sankuchan ke bich dhamniyon men jo rakt bhar rahta hai, use vishramkalin raktachap kahte hain. rakt aur rakt kanon ke pariman jab uchit hon aur rakt vahiniyon men jab koi rukavat nahin ho, tab yah raktachap apne svabhavik matra men rahta hai aur jab in parimanon men vikriti utpann hoti hai, tab raktachap barhta hai. raktachap men vriddhi do karnon se hoti hai ah rakt ka apekshakrit garha hona tatha dhamni ki divaron men lachilepan ki kami! dhamniyan rabar ki tyub ki bhanti lachili hoti hain, jinmen utkon ki anek sathen payi jati hain. jab in utkon men thos dravya adhik matra men jama ho jata hai, tab dhamniyon ki divaron par rakt ka dabav barh jata hai. iske atirikt rakt apni samanya avastha se garha ho jata hai. is prakar dhamniyon ke lachilepan men kami aur rakt ke garhe hone se raktachap barh jata hai. iske alava kisi anya ang ke vikar ke parinamasvarup bhi raktachap barh sakta hai. barha hua raktachap ghate hue raktachap se adhik ghatak hota hai. ayurved ke mul siddhanton ke anusar rakt vahan ki kriya vayu dvara sanpann hoti hai. jab vayu barh jata hai, ya uski gati dugni ho jati hai, tab raktachap barh jata hai, jise atirikt chap, ya uchch raktachap kahte hain. iske viprit jab vayu kam ho jati hai, to nimn raktachap hota hai. chikitsa: pahle rog ke karnon ko dur karna jaruri hai. sharir men jo prakritik veg, arthat mal-mutra ki sanvedna utpann hoti hai, unhen roken nahin. hamesha halkafulka aur supachya bhojan samay par len. shant svabhav, dhairya adi gunon ko apnaen. chinta, krodh, shok, nirasha, shighrata, bhay adi se dur rahen. atmasantosh ki prakriti ko barhava dane aur adhyatmikta tatha dharmik karyon men ruchi rakhen. uchch raktachap ke lie ayurvedik aushdhiya upchar: adhik se adhik pani pien. rat ko lahsun ki do fanaken chil kar, kat kar, kanch ke gilas men pani bhar kar bhigo den aur subah lahsunyukt pani pien. pratidin subah harar ka panch gram churn pani se len. nim, giloy, gokhru aur anvla sam bhag men le kar churn bana len aur din men tin bar bhojan ke bad len. sarpagandha vati do-do goli tin bar len. shankhpushpi ka taja ras din men tin bar pandrah din len. dopahar aur sham ke bhojan ke bad adarak ka chah mah purana murabba, das gram saunf ke uble hue thande pani ke sath len. chailai ka sag khane se uchch raktachap thik ho jata hai. gehun ki bali ka ras roj subah khali pet len. sarpagandha, anvla, giloy, arjun vriksh ki chal, asgandh sam bhag men le kar churn bana len aur subh-sham, pani ya dudh ke sath, tin-tin gram len. rudraksh ki mala pahnen aur rudraksh ke char danon ko rat men ek gilas pani men bhigo kar rakh den. pratahkal usi pani ko pien. ek mah men uchch raktachap thik ho jaega. nimn raktachap: gajar ke ras mane shahad mila kar pien. tulsi, kali mirch, laung aur ilaychi ki chay bana kar pien. asgandh, pipra mul evan arjun ki chal, tinon ka churn subh-sham dudh ke sath ek-ek gram len. seb, papita, anjir tatha am ka adhik sevan karen. dal, sabji men lahsun ka chonk nimn raktachap men labhkari hai. kale chane ko ubal kar, uble pani men halka namak aur kali mirch mila kar pien. dudh men gur mila kar khaen. khajur aur chuare ko dudh men ubal kar lene se nimn raktachap men labh hota hai. yogabhyas, vyayam, pranayam evan sarvangasan labhkari hain. tel ki malish sharir men raktachap ko samanya rakhti hai. uchch aur nimn donno men tel ki malish labhkari hai. raktachap ke jyotishiya karn: jyotishiya drishti se kal purush ki kundli men chaturth, pancham, chatha bhav rakt sanvahan tantra ke karak hanai. chaturth bhav hriday, dhamniyon, pancham bhav yakrit, pachan, agnashay aur chatha bhav pet, bari ant, gurde ka netritva karte hain aur in bhavon ke karak kramshah chandra, brihaspati aur mangal hain. surya hriday ki dhamniyon, chandra-brihaspati dhamniyon men lachilapan aur mangal rakt men urja aur dabav ke karak hain. rakt ka sanchar hriday aur dhamniyon se pure sharir men ek nishchit dabav se hota hai. islie chaturth, pancham, chatha bhav, lagn, inke svami, surya, chandra, guru, mangal raktachap ko ghatane-barhane men vishesh bhumika nibhate hanai. rahu in ke achche-bure prabhav ko gati pradan karta hai. islie in sabhi ki kundli men dushprabhav men rahne se aur grahon ki dasha-anrtadasha men raktachap se jatak ko pirit hona parta hai. vibhinn lagnon men raktachap ke jyotishiya karn: mesh lagna: rahu, surya, chandra chaturth bhav men, budh pancham bhav aur mangal chathe bhav men ho,to raktachap se vyakti ko samy-asamay prabhavit hona parta hai. vrish lagna: guru chaturth sthan men chandra ke sath ho, mangal rahu se drisht aur trik sthanon par ho, shukra ast ho aur surya par shani ki drishti ho, to raktachap se jatak ko pareshani hoti hai. mithun lagna: mangl-rahu lagn men aur lagnesh asht bhav men, surya saptam men rahe aur guru chaturth ya pancham men drishti lagae, to raktachap hota hai. kark lagna: budh lagn men, guru chaturth men, shukra-chandra ast ho, mangal trik sthano par, shani se yukt ya drisht ho, to raktachap se jatak ko pirit karta hai. sinh lagna: rahu-budh lagn men, chandra-shani chaturth men aur mangal shashth bhav men guru ke sath raktachap deta hai. kanya lagna: budh, shani chathe bhav men, surya pancham men, chandra pancham men ast sthiti men, mangal chaturth sthan men guru se drisht yukt ho, to raktachap hota hai. tula lagna: guru chaturth ya pancham men, surya lagn men, chandra aur rahu dasham bhav men, shukra ast ho, to raktachap jatkon ko pira deta hai. vrishchik lagna: mangal chathe bhav men rahu se yukt ho, budh chaturth ya pancham bhav men uday ho aur shani se yukt ho, to raktachap se pira deta hai. dhanu lagna: lagnesh trik sthanon mane surya se ast ho, chandra aur shukra ek dusre se yukt ya drisht hane, chaturth bhav par shani ya rahu ki drishti ho, to raktachap deta hai. makar lagna: surya, budh lagn men, shani chaturth sthan par guru se drisht ho, chandra shashth bhav men rahu se drisht ya yukt ho aur mangal pancham men ho, to raktachap hota hai. kunbh lagna: guru, chandra chaturth bhav men, shukra ast ho, shani-surya ek dusre se yukt, ya ek dusre se saptam hane, mangal pancham men rahe, to raktachap hota hai. min lagna: surya pancham ya chaturth men, guru ast ho, shani mangal se yukt aur rahu se drisht ho, to jatak raktachap se pirit hota hai. uparyukt sabhi yog chalit kundli ke adhar par hain. jab inhin grahon se sanbandhit dasha-antardasha rahe aur gochar grah sthiti pratikul ho, to raktachap se jatak ko pirit karta hai. agar kundli men sabhi grah sthitiyan pratikul rahen, to rog jivan bhar rahta hai; anyatha sanbandhit grah ki dasha-antardasha ke samay prabhav deta hai; iske purva ya uprant nahin.