navagrah ko prasann karne se nishchit hi ane vale shishu ke grah use ashirvad denge tatha uski kundli men achchi sthiti ka nirman karenge. prarabdh ke grah uske kuch anukul ban sakte hain. yah mata ke hath men hai. is nashvar sansar men jo aya hai use jana hi parta hai. uske bad jiv ka apne karmon ke anusar punarjanm hota hai. jaruri nahin ki bar-bar use manushya ka tan hi prapt ho. yah to uske karmo ke anusar parmatma nishchit karta hai. is laukik jagat men manushya deh ke saman koi sharir nahin, koi yoni nahin hai. sabhi jiv manav deh hi prapt karna chahte hain. manav yoni sarvashreshth yoni hai. isi tan se moksh prapt kiya ja sakta hai. prabhu ka bhajan evan bhakti ki ja sakti hai. prabhu ko paya ja sakta hai. yah sharir hi svarg tatha moksh ki sirhi hai. nar tan sam nahi kavniu dehi, jiv charachar jachat tehi narak svarg apavarg niseni, gyan virag bhagti subhdeni ramchritmanas vyas ji ne bhi bhagavat puran men kaha hai- savarth sambhavodehah bhagavat puran 10/65/51 deh hi samast arthon ki prapti ka sadhan hai. manushya deh dularbh hai. deh dharan karne ke lie jiv ko mata ki avashyakta hoti hai.
bina mata pita ke sanyog ke jiv ko sharir nahin prapt ho sakta hai. purush ka ekadash bhav stri ka udar hai. udar ke antargat hi garbhashay hai. garbhadharan karne par mata ka udar barhta hai. yadi is udar par ekadash bhav shani ka prabhav hai to mata ka pet jyada ubhar n lekar daba rahta hai. yadi is par guru ka prabhav hai ta jyada ubhar vistrit svarup hota hai. stri jiv ko janam dene ke lie apni or akarshit karti hai isi lie ye hiranyagarbha hai. shreshth mata ke garbh se shreshth putra ka janm hota hai. jiski bhi santan shreshth hai to yah anuman laga liya jata hai ki mata shreshth hai. jiv ko jab tak uske sanskaron ke anurup garbh nahin milta hai vah antriksh men bhatkta hai. upyukt garbh ki prapti hone par vah jivatma garbh men pravesh karti hai. jyotish ka ek sutra yah hai ki garbhadhan ke samay chandrama jis rashi men hota hai jatak ke janm ke samay uski lagn vahi hoti hai. jaise-garbhadhan ke samay chandrama vrish rashi men hai to jatak ki rashi bhi vrish hi hogi. yadi vyakti ichchit santan chahta hai, sundar, yogya aur gunvan santan chahta hai, achche charitravan evan dirghayu santan chahta hai to chaval pakakar usmen ghi dalakar dahi ke sath sapatnik khaye.
aisa karne ke bad hi santan prapt karne ki ichcha rakhen. garbhadhan ke samay purush ka surya svar chalta hai to putra santan paida hoti hai. purush ka chandra svar chalta hai to kanya santan paida hoti hai. yadi purush ka donon svar chalta hai to napunsak santan paida hoti hai. yadi garbhadhan kal men stri ka donon svar chalta hai to napunsak kanya paida hoti hai. islie shastron men kaha gaya hai ki patni ko pati ke bayin taraf sona chahie. stri ke masik dharm ki sam rashiyon men jab chandra svar chale to us samay garbhadhan karne se putra santan paida hoti hai evan visham rashiyon rashiyon men surya svar chal raha ho to kanya santan paida hoti hai. manonukul, ichchit santan ki prapti hetu danpti ko chahie ki uprokt niyamon ka dhyan yadi rakhenge to nishchit hi shreshth evan gungan santan prapt hogi. upnishad kahta hai ki - ‘ath y ichchet putron men kapil: pinglo jayte dvau. vedabnubravit sarvabhayuriyaditi dadhyodnan pachayitva.. sarpishyantayashniyatamishvarau janyitvai. jab tak balak garbh men rahta hai, sirf mata ke sanpark men rahta hai. islie shastra kahta hai ki reshth mata hi shreshth balak ko janm deti hai. mata hi balak ki pratham guru hoti hai. garbhadhan se lekar prasav paryant vah garbhasth jiv men sanskar dalti hai.
mata ka khaya hua ann evan piya hua jal hi nari jal ke dvara garbhasth shishu ka nirman hota rahta hai. garbh men jiv ko apne purva janm ka smaran rahta hai. apne shubh evan ashubh karmon ko vah janta rahta hai. garbh men use ghor pira bhi rahti hai. tab vah sochta hai ki yadi main is pira rupi garbh se bahar a gaya to sare bure karm chor prabhu ka dhyan karunga. parantu garbh ke bahar ate hi vaishnavi vayu ke sparsh se sabhi baten bhul jata hai. mata ke garbh men santan rahne par tisre mahine se panchven mahine ke bich men isilie garbh pujan athva punsavan sanskar karaya jata hai taki shreshth sanskaron vali santan ka janm ho. sare grahon ka ashirvad use prapt ho, navagrah anukul bane. gurujnon ka baron ka ashirvad prapt ho. jisse uska bhavishya sukhad ho. ane vale jiv ko sabhi ashirvad dete hain uska jivan mangalamay ho. garbh se bahar ane men use ghor pira nahin uthani pare. mata ke garbh se hi balak ke sare grahon ka nirman ho jata hai. kyonki hamara purva janm men kiya pap punya hi hamara prarabdh hai. usi ke anusar vyakti ki kundli bhi taiyar hoti hai. balak ke purvakritya karm ko uski kundli ko mata nahin badal sakti. parantu garbhavastha ke dauran pratham se nauven mah tak mata nimn baton ko dhyan men rakhen to nishchit rup se medhavi santan banegi.
kyonki garbhavastha ke dauran pratham mah se nauven mah tak koi n koi grah ka adhipatya rahta hai. mata-pita yadi un niyamon ka palan karen to vah grah avashya rup se uske sharir nirman men apni anukulta pradan karenge. kyonki vigyan kahta hai ki balak ke mastishk ka 70 pratishat vikas mata ke garbh men ho jata hai. balak apna sundar akar kaise grahan karta hai yah mata par nirbhar karta hai. mata kya sochti hai ? kya karti hai ? kya khati hai, iska sidha asar balak par parta hai. mata ko garbhavastha ke dauran pet par kabhi-kabhi jyada ganbhir chot lag jati hai to vah bachcha mastishk se viklang paida hota hai. sharirik rup se bhi viklang ho sakta hai. isi prakar grahan ka bhi sidha asar bachche par hota hai. jis rashi men chandra grahan hota hai athva jis rashi par surya grahan hota hai us rashi ka sharir ke jis ang se sanbandh hota hai. grahan kal men kiye gaye garbhadhan se mansik rup se viklang bachche paida hote hain. aisa visheshrup se chandra grahan ke dauran hota hai. kyonki chandrama ko rahu grasta hai. man hi chandrama hai. surya grahan kal men kiye garbhadhan se sharirik viklangta ati hai. svasthya kharab rahta hai. kyonki surya atma evan deh hai. ab bari ati hai ki mata garbhavati ho gayi to nau mah tak mata kya kare ki shreshth santan ka janm ho vah nimnalikhit hai. pratyek mah ke garbh ke devta ko prasann kare.
pratham mas: yah shukra ka mahina hota hai. mata ke raj pita ke bij se and ka nishechan hota hai. shukra adhipatya is mah men mata-pita ka shukra ya ane vale jiv ka shukra kamjor hai to garbhapat ho jayega. yadi garbhadhan ke samay, garbhadharan karte samay mata-pita ka shukra achcha hai to bachcha sundar hoga.
dusra mahina: garbhavastha ka dusra mahina mangal ka hota hai. is mahine ka malik mangal hai yadi mata-pita ka mangal gochar men garbhadhan ke samay achcha hai to bachcha balshali, parakrami, vir hoga nahin to raktalpata ka rogi hoga. use rakt vikar ki bimariyan ho sakti hai is mahine men man ko gur ka dan karna chahie. garam masala nahin khana chahie. sundrkand ka path karna chahie. nariyal, saunf, mishri, khoya dala dudh pina chahie. jisse balak ka mangal majbut ho sake evan bachcha balshali parakrami, nirog bane. is mahine hanumat aradhna parmavashyak hai.
tisra mahina: is mahine men garbhasth shishu par brihaspati ka adhipatya rahta hai. gyan, buddhi tatha netron ka nirman is mahine men hota hai. mata ko chandan, kesar ka tilak lagana chahie. guru ke sannidhya men rahna chahie. gyan vigyan ki pustaken ka adhyayan karna chahie. jisse bachcha dharmik vicharon ka, sanskarvan, agyakari, tejasvi, medhavi tatha vidvanon ka samman karne vala gora evan sundar ho.
chaturth mah: is mahine ka malik surya hai. is mahine surya ko aghrya dene, surya ka mantra jap karne, unka darshan aradhna karne, gayatri mantra ka jap karne se garbhasth shishu ko surya ka ashirvad prapt hota hai. tanbe ke gilas se pani pina chahie. is samay sharir ke sare angon ka nirman ho jata hai. namak kam khana chahie. gur thora khana chahie. pani men gulab jal dalakar snan karna chahie. jisse balak ka sharir kantimay, tejasvita, ojasvita, atmabal majbut bane.
panchva mahina: panchvan mahina chandra ka mahina hota hai. mata ko chandi ke gilas men pani pina chahie. chandi ka tukra pas rakhe ya chandi ki anguthi pahnen. thanda pani, thande pey padarth, thandi vastuon ka sevan n karen. subh-sham gay ke dudh men gay ka ghi dalakar un namah shivay ka jap kar us dudh ko piyen. is pure mahine ke bich men ek bar shivji ka rudrabhishek karva lena chahie. man n kar sake to koi bhi uske nimitt karen. chandra majbut hoga evan garbhasth shishu age chalakar apni baton ko apne vicharon ko spasht kah sakega. prasannachit rahega, gaur varn ka hoga. is mahine men puri chamri ban jati hai. dudh ko pani ya gangajal men dalakar pure udar par lagayen. mata ki seva karen unka charan sparsh karen.
chathvan mahina: is mahine ka malik shani hota hai. mata pita ka shani kharab hai to bachcha kamjor hoga. atah ghar ki saf safai ka dhyan rakhen. is mahine ghar ganda n rahe. astavyast n rahe. is mahine men shishu ke balon evan bhauhon ka nirman hota hai. ankh, kan, nak, gala ka nirman majbut hota hai. puja sthal, mandir ki saf-safai pati patni milakar karen. nashili chij, mansahar ka sevan nahin karen. aisa karne se shani evan rahu kharab ho jaenge. desh evan samaj ki charcha kare, pipal ka per lagakar seva karen. naukron ko uphar den evan kushth rogi ko dan den. badi chijon ka sevan nahin karen. lohe ka challa pahnen. pani men belapatra, dalakar nahayen. jhuth nahin bolen. nakhun saf rakhen. isse shishu ke shani majbut honge.
satvan mahina: satven mahine ka malik budh hai. budh kamjor hone se fefra kamjor, sans ki bimari, snayutantra kamjor, pet kamjor hoga. mata-pita ka budh kamjor hone par bhi balak ko uprokt bimariyan ho sakti hai. atah man-bap nari shodhan karen. hari ghas par tahlen. pattedar hari sabjiyon ka sevan karen. bahan evan bua ka samman karen. budh kamjor hone se ganit kamjor ho jayega. ghar ki uttar disha svachch rakhen.
athvan mahina: is mahine men manibandh ke pas anguthe ke niche evan kanishthika anguli ke pratham evan dvitiya por ko dabate rahen. nind ki davai nahin len. ghar ki nali saf rakhen. navagrah mantra ka jap evan pujan karen. kutte ko roti den. gahri sans lekar ‘un’ ka jap karen. ganit ki parhai n aye tab bhi saral rup men karen. suryast ke bad garishth bhojan nahin len. is mahine lohe ka kara utar den. dudh men kela dalakar grahan karen. jal men belapatra dalakar nahaen. gayatri mantra ka jap karen. pita ka subah sham charan sparsh karen, isse surya majbut honge. mata ka charan sparsh karke ashirvad len, isse chandra majbut hoga. bhaiyon se prem rakhen. bare bhai ka charan chukar ashirvad len. isse mangal balvan hoga. bahan, bua, beti ka samman karen, uphar den. latjira ki tin pattiyan kisi budhvar ko garbhini ko khila den. budh balvan hoga. guru, brahman, vidvan ka samman karen. sadaiv guru ka chintan karen. brihaspati balvan hoga. stri ka samman karen. gay ko roti den. shukra majbut hoga. naukar, sevak evan adhinasthon ko prasann rakhen. unki duaen len. shani balvan hoga. bhangi, mehatar ko dan dete rahen. bhairav mandir men prasad charhaven, kutte ko roti den. isse rahu balvan honge. is prakar navagrah ko prasann karne se nishchit hi ane vale shishu ke grah use ashirvad denge tatha uski kundli men achchi sthiti ka nirman karenge. prarabdh ke grah uske kuch anukul ban sakte hain. yah mata ke hath men hai. jiv ko to apne karmon ka fal bhogna hi parta hai. chahe vah shankracharya hon ya svami ramkrishn parmhans hon. bhagvan bhi manavatan dharan kiye to kuch kasht unhen bhi sahne paren.
nauva mahina: nauven mah men ‘un’ ka jap karte rahen. mahamrityunjay mantra ka jap karen. apne isht ka dhyan karen. chandi ka challa pahne rahen. dudh, kela lete rahen. garbh men balak ke rahne par mata ko navagrah mantra ka jap avashya karna chahie. yadi sanbhav ho to ‘vishnusahasranam’ ka path karen. kyonki yah path sare papon ka vinashak hai. yadi garbhini sare niyamon ka uproktanusar palan karti hai to nishchit rup se uske garbh men jo jiv hai uske sanchit ya prarabdh ke papon ka kshay ho jayega kyonki ek hi upay hai ishvar ki bhakti tatha sant ki sharan. uske shishu ko garbh se hi navagrahon ka ashirvad prapt hota rahega. is prakar jo jiv janam lega vah svayan ke lie to bhagyashali hoga, sath hi sath mata-pita ke lie bhi evan rashtra ke lie mahan vyakti hoga.