jab kundli men yogkarak ya kisi anya shaktishali grah ki dasha/ antardasha chal rahi ho to prabal rajyog ki kundli vala jatak satta ka sukh prapt karta hai. kundli men lagnesh, panchmesh v bhagyesh ki dasha ya lagn, pancham ya navam bhavon men sthit grahon ki dasha to anukul hoti hi hai sath hi dasham bhav ya dashmesh athva saptam bhav ya saptamesh ki dasha ya inse sanbandh rakhne vale grahon ki dasha bhi shreshth mani jati hai. jab guru v shani ka sanyukt gochriya prabhav shreshth grah ki dasha/antardasha men dasham, saptam, pancham ya navam bhav athva in bhavon ke svami v dashanath ko prabhavit karta hai to bhi satta prapti ka yog banta hai lekin yah tathya adhik mahatvapurn mana jata hai ki shreshth gochar ka labh shreshth kundliyon vale jatkon ko hi prapt ho pata hai. shreshthatam kundliyon vale jatkon ki kundli men pancham v navam bhav ya inke svami athva karkon par guru v shani ka sanyukt gochriya prabhav (dabal bharat ke sabhi pradhanmantriyon ki kundliyan (satta prapti ke samay ka gochr- ek adhyayn) yashakaran sharmakriyar paricharcha uuunnijntmchvpdjpdkpannbavau 48. fyuchar samachar.
disanbar 2014 uuunnijntmenunbintanbavau tranjit ifektaddh inke purvajanmarjit punyon ko jagane ka karya karta hai jiske parinamasvarup inhen uchch pad ki prapti ho jati hai. javahar lal nehru ki kundli men 15 agast san 1947 men satta prapti ke samay chandrama men shukra ki dasha chal rahi thi. gochar ke shani ki drishti janmakundli ke panchmesh par par rahi thi tatha guru ka gochar panchmesh adhishthit rashi ke svami par ho raha tha. shani v guru ka sanyukt gochriya prabhav dasham bhav par par raha tha. guljari lal nanda ki kundli men satta prapti ke samay 27 mai 1964 ko guru men mangal ki dasha chal rahi thi. bhagyesh guru ki dasham bhav par drishti hai tatha antardasha svami mangal bhi lagnesh hokar lagnasth hai. islie donon dashaen shubh thin. guru v shani ka sanyukt gochriya prabhav pancham bhav par par raha tha. ye keval 13 din tak pradhanmantri ke pad par rahe.
dusri bar 11 janvri 66 ko ye fir se 13 din ke lie pradhanmantri bane aur us samay bhi navam v dasham bhav ko prabhavit karne vale grahon ki dasha chal rahi thi. lal bahadur shastri: shastri ji ki kundli men 9 jun 1964 ko satta prapti ke samay svagrihi dvitiyesh sh iki mahadsha men guru ki antardasha chal rahi thi jo lagnesh hokar panchamasth hai arthat dasha v antardasha donon hi shubh hain. dashanath shani chandra kundli ka panchmesh hai. shani v guru ka sanyukt gochriya prabhav pancham bhav par ho raha tha. indira gandhi: 24 janvri 1966 ko satta prapti ke samay inki guru men shukra ki dasha chal rahi thi. guru v shani ka sanyukt gochriya prabhav pancham bhav ko prabhavit kar raha tha. 14 janvri 1980 ko jab ye dusri bar pradhanmantri banin to gochar ka shani pancham bhav par drishti dal raha tha tatha gochar ka guru panchmesh par chal raha tha.
morarji desaai: 24 march 1977 ko satta prapti ke samay inki lagnesh ki dasha men ketu ki antardasha chal rahi thi. panchmesh par guru v shani ka sanyukt gochriya prabhav ho raha tha. iske atirikt yah gochriya prabhav janta v rajagaddi ke sukh ke karak chaturth bhav par ho raha tha. charan sinh: 28 julai 1979 men satta prapti ke samay inki dashmesh budh men shani ki dasha chal rahi thi. budh dashmesh hokar rajyog karak grahon se sanyukt hai. svagrihi shani bhi mahabhagyashali yog ka nirman kar raha hai. gochar men uchch rashi ke guru ki antardashanath par drishti par rahi thi tatha shani navam bhav ko prabhavit kar raha tha. dashanath shani chandrama se panchmesh hai tatha gochar ke guru ki drishti chandrama se pancham bhav par par rahi thi. rajiv gandhi: shri rajiv gandhi ki janmapatri men aktubar 1984 ko satta prapti ke samay pancham v navam in donon bhavon par shani v guru ka sanyukt gochriya prabhav a raha tha.
vishvanath pratap sinh: 2 disanbar 1989 ko pradhanmantri banne ke samay chandrama se pancham v navam bhav men guru v shani ka sanyukt gochriya prabhav tha. pi. vi. narsimha rav: inki janmapatri men 21 jun 1991 ko satta prapti ke samay pancham v saptam bhav par shani v guru ka sanyukt gochriya prabhav tha. mahadsha dasham bhav men baithe grah ki chal rahi thi. atal bihari vajpeyi: 16 mai 1996 ko 13 din ke lie pradhanmantri bane. dasham bhav men baithe rahu men ketu ki dasha men chathe bhav men sthit mangal ke upar shani ka ashubh gochar hone ke karan adhik dinane tak sattarurh nahin rah sake parantu 19 march 1998 ko 13 mahine ke lie pradhanmantri banne ke samay rahu men shukra ki dasha v guru ka gochar pancham bhav men ho raha tha lekin shani ka gochar fir bhi mangal par hi chal raha tha.
aktubar 1999 men ye fir se sattarurh hue aur is samay rahu men surya ki dasha thi. shani v guru ka sanyukt gochriya prabhav panchmesh v saptam bhav par ho raha tha. ech. di. devgaura: ki kundli men 1 jun 1996 ko sattarurh hone ke samay shani ka gochar navam bhav men guru ki rashi men ho raha tha. guru v shani donon ka gochar pancham bhav ke karak guru ki rashiyon men ho raha tha tatha guru ka gochriya prabhav navmesh guru tatha dasham bhav par ho raha tha. chandrashekhar ke pradhanmantri banne ke samay 10 navanbar 1990 ko navam bhav par shani ka gochar ho raha tha tatha navmesh guru uchcharashisth tha. indra kumar gujral: pradhanmantri banne ke samay 21 aprail 1997 ko inki pancham v navam bhav ko prabhavit karne vale guru v rahu ki dasha antardasha chal rahi thi tatha gochriya guru v shani ka saptam v navam bhav men sthan parivartan yog ban raha tha.
manmohan sinh: 22 mai 2004 ko sattarurh hone ke samay inki kundli men rahu men shani ki dasha tatha shani v guru ka sanyukt gochriya prabhav navam bhav men ho raha tha. 2009 men punah pradhanmantri banne ke samay bhi shani v guru ka sanyukt gochriya prabhav navam bhav par ho raha tha. narendra modi: navmesh ki mahadsha men dasham bhav par drishti dalne vale guru ki antardasha chal rahi thi jo gochar men uchchabhilashi hokar navam bhav men pravesh karne vala tha tatha shani ka gochriya prabhav navam bhav par par raha tha. nishkarsha: in sabhi kundliyon ke vishleshan se yah spasht hota hai ki inmen se adhikatar kundliyon men pancham v navam bhav tatha inke svami ya karkon par guru v shani ke gochriya prabhav ne inke punya v bhagya ko jagane men jaise push batan ka karya kiya. aisa gochar uchch pad ki prapti ke lie uttam mana jata hai.
kundli men navam bhav to bhagyoday ka karak hota hi hai. lekin pancham bhav bhi bhagyoday karne men utna hi mahatvapurn yogdan deta hai kyonki bhavat bhavam ke siddhant ke anusar pancham bhav navam se navam hota hai arthat hamare bhagya ka bhi bhagya pancham bhav par nirbhar karta hai. islie yah keval buddhi, vidya v santan ka hi karak nahin hai apitu isi bhav se purva janm ke arjit punya ke bare men bhi jankari milti hai. jaimini jyotish ke anusar yahi karan hai ki pancham bhav ko rajyog karak mana jata hai tatha jivan men ashatit saflta ke lie is bhav ka sashakt evan samriddh hona apekshit hai.