ham hamesha koshish karte hain ki hamara ghar ya bhavan shat-pratishat vastushastra ke anusar bane aur iske lie ham bharpur prayatn bhi karte han, lekin dekhne men ata hai ki itni sari koshish karne ke bavjud ghar ke sabhi bhag saman rup se sundar ya vastu ke anurup nahin ban pate hain. kahin n kahin hamen vastu se samjhauta karna parta hai, kabhi shayan kaksh sundar hota hai to bhojan kaksh bekar hota hai, kabhi atithi kaksh bhavya hota hai to rasoi ruchi anusar nahin ban pati hai, balkni ki tarah bikhri hoti hai.
snan ghar men kami ho jati hai. yah sab yun hi nahin hota hai iske piche grahon ka khel hai. aiye janen v samjhen ki aisa kyon hota hai tatha iska upay kya hai? vastu ka jyotish se gahra rishta hai. jyotish shastra ka manna hai ki manushya ke jivan par navagrahon ka pura prabhav hota hai. vastu shastra men in grahon ki sthitiyon ka pura dhyan rakha jata hai. vastu ke siddhanton ke anusar bhavan ka nirman karakar ap uttari dhruv se chalne vali chumbakiya urja, surya ke prakash men maujud altra vaylet renj aur infrared ranej, gurutvakarshan shakti tatha anek adrishya brahmandiya tatva jo manushya ko prabhavit karte hain ke shubh parinam prapt kar sakte hain aur anishtakari prabhavon se apni raksha bhi kar sakte hain. vastushastra men dishaon ka sabse adhik mahatva hai. sampurn vastu shastra dishaon par hi nirbhar hota hai. kyonki vastu ki drishti men har disha ka apna ek alag hi mahatva hai.
aj kisi bhi bhavan nirman men vastushastri ki pahli bhumika hoti hai, kyonki logon men apne ghar ya karyalay ko vastu ke anusar banane ki soch barh rahi hai. yahi vajah hai ki pichle karib ek dashak se vastushastri ki mang men teji se ijafa hua hai. vastu aur jyotish men atyant ghanishth sanbandh hai. ek tarah se donon ek sikke ke do pahlu hain. donon ke bich ke is sanbandh ko samjhne ke lie vastu chakra aur jyotish ko janna avashyak hai. kisi jatak ki janmakundli ke vishleshan men uske bhavan ya ghar ka vastu sahayak ho sakta hai. usi prakar kisi vyakti ke ghar ke vastu ke vishleshan men uski janmakundli sahayak ho sakti hai. vastu shastra ek vilakshan shastra hai. iske 81 padon men 45 devtaon ka samavesh hai aur vidisha samet ath dishaon ko jorakar 53 devta hote hain.
isi prakar, janmakundli men 12 bhav aur 9 grah hote hain. vastu shastra ka upyog karne se purva jyotish ko bhi dhyan men rakhna atyant avashyak hota hai. vastu men jyotish ka vishesh sthan islie hai kyonki jyotish ke abhav men grahon ke prakop se ham bach nahin sakte hain, ek tarah se vastu aur jyotish ka choli-daman ka sath hai. hamare grahon ki sthiti kya hai, hamen unke prakop se bachne ke lie kya upay karne chahie, hamara pahnava, abhushan, ghar ki divaron, vahan, darvaje adi ka akar aur rang kaisa hona chahie iska gyan hamen jyotish tatha vastu ke dvara hi ho sakta hai. vastu se matalab sirf ghar se hi nahin balki manushya ki sampurn jivan shaili se bhi hota hai, hamen kaise rahna chahie, kis disha men sir karke sona chahie, kis disha men baith kar khana khana chahie adi adi bahut se prashnon ka gyan hota hai. yadi koi pareshani hai to us samasya ka samadhan bhi ham vastu aur jyotish ke sanyog se jan sakte hanai.
bhavan men prakash ki sthiti pratham bhav arthat lagn se samjhna chahie. yadi apke ghar men prakash ki sthiti kharab hai to samjhen ki mangal ki sthiti shubh nahin hai iske lie ap mangal ka upay karen pratyek manglvar shri hanuman ji ki pratima ko bhog laga kar sabhi ko prasad den aur shri hanuman chalisa ka path karne se bhi pratham bhav ke samat dosh samapt ho jate hain. apke ghar ya bhavan men hava ki sthiti santoshajanak nahin hai ya apka ghar yadi havadar nahin hai to samjhna chahie ki hamara shukra grah pirit hai aur iska vichar dusre bhav se hota hai upay ke lie ap chaval aur kapur kisi yogya brahman ko dan den aur shukra grah ki shanti vidvan jyotishi ki salah anusar karen to apko labh hoga aur apke baink bailens men bhi vriddhi hone lagegi. vastu chakra men thik upar uttar disha hoti hai
jabki janmakundli men purva disha parne vale vikarn vastu purush ke angon ko kasht pahunchate hain. vastu purush ke anusar purva evan uttar disha agam sadrishya aur dakshin aur pashchim disha ant sadrishya hai. jyotish ke anusar purva disha men surya evan uttar disha men brihaspati karak hai. pashchim men shani aur dakshin men mangal ki prablta hai. jyotish ke anusar bhav 6, 8 aur 12 ashubh hain. in bhavon ka sanbandh shubh bhavon men hone par dosh utpann ho jata hai. jaise yadi saptamesh shashth bhav men ho, to pashchim disha men, ashtamesh pancham men ho, to nairritya (dakshin-pashchim) men, dashmesh shashth men ho, to dosh dega. grahan yog (rahu-ketu) ki sthiti us disha se sanbandh iat dosh paida karegi. isi prakar lagnesh v lagn men nich rashi ka pirit hona purva disha men dosh ka suchak hai.
agney (ekadsh-dvadsh) men papagrah, shashthesh ya ashtamesh ke hone se ishan kon men dosh hota hai. lagnesh ka pancham men hona vayavya men dosh ka dyotak hai. yadi koi bhavesh pancham ya shashth (vayavya) men ho, to us bhav sanbandhi sthan men mahadosh utpann hota hai. grah ki prakriti, uski mitra evan shatru rashi tatha uski anshatmak shuddhi ke vishleshan se jatak ke jivan men ghatne vali khas ghatnaon ka anuman lagaya ja sakta hai. ghar men agni ka sambandh to chathe bhav se jana jata hai aur rasoi iska karak hai ghar men yadi sadasyon ka svasthya thik nahin hai to iski sthiti sudharen.
is dosh ko dur karne ke lie ap dhaniya (sabut) lekar kisi bhi kapre men bandh kar rasoi ke kisi bhi bhag men tang denge to labh hona arambh ho jaega. agar apke ghar men jal ka sankat hai ya pani ki tangi rahti hai, ya mata se sambandh achche nahin hai athva apka vahan pratidin kharab rahne lagta hai ya ap apni parivarik sanpatti ke lie pareshan hain to ap samajh lijie ki chaturth bhav dushit hai. is dosh se mukti pane ke lie ap chaval ki khir somvar ke din pratah avashya banaen aur apne parivar sahit iska sevan karen yadi isi samay koi atithi a jae to bahut achcha shagun hai use bhi yah khir khilayange to ati shubh fal shighra apko prapt hoga. yadi apki santan agyakari nahin hai ya santan sukh apko prapt nahin ho pa raha hai to apka pancham bhav dushit ho raha hai jo ki apke ghar ya bhavan ka pravesh dvar hai, pravesh dvar men toylet ya sivar avashya hoga aur uttar disha dushit hai isko sudharen aur surya yantra ya tamba pravesh dvar par sthapit karne se apko labh prapt hoga. yadi ghar men tulsi ke paudhe falte-fulte nahin hanai ya ghar men paudhe fal ya ful nahin de rahe hain aur pati-patni ke madhya bina bat ke kalah hoti hai to chatha bhav dushit hai.
iske lie ap gamlon men safed chaval aur kapur rakh kar uske upar mitti chirak den to ap bhi prasann aur paudhe bhi falne-fulne lagenge tatha parivar men sadbhavna ka vatavaran ban jaega. yadi parivar men koi ati ganbhir rog ka agaman ho chuka hai to samjhane ki kundli ka athvan bhav kharab ho raha hai. iske lie ap ghar men purane gur ka prayog arambh kar den to rog niyantrit hone lagega. jab se apne naya makan ya bhavan liya hai ya banvaya hai tab se bhagya sath nahin de raha h to samjhane ki navam bhav men dosh a gaya hai. iski shanti ke lie ap pile rang ko pardon men prayog karen. sare ghar men haldi ke chinte maren aur sath hi apne guru ko pile vastra dan karen tatha ghar ke bujurgon ko man-samman pradan karen isse bhagya sambandhi badha dur hoti jayegi. vyavsay men giravat, parivarik sadasyon men gussa barhna ya chirchira svabhav ban jana, rojgar chut jana evan arthik tangi ho jae to samjhane ki dasham bhav dushit ho gaya hai.
is dosh ko dur karne ke lie ap tel ka dan karen, pipal ke niche tel ka dipak jalaen, kale urad ki dal ka prayog karen to ashatit labh hone lagega. gochriya grahon ke prabhav ke vishleshan se bhi vastu doshon ka akalan kiya ja sakta hai. jaise mesh lagn valon ke lie dashmesh tatha shashthesh bhav gochriya hai. shani apni mitra rashi men gochriya hai, islie jatak ke dasham bhav se sanbandhit disha men dosh hoga. is yog ke karan pita ko kasht athva jatak ke pitri sukh men kami sanbhav hai, kyonki dasham bhav pita ka bhav hota hai. ukt parinam tab adhik aenge jab gochriya v janmakalik mahadshaen bhi pratikul hon. janmakundli men sabse balvan grah shubh bhav, kendra v trikon men shubh sthiti men ho, to vah disha jatak ko shreshth parinam dene vali hogi. vastu siddhant ke anusar sanpurn bhukhand 82 padon men vibhajit hai. vastu chakra men sthapit devta alg-alag pravritti aur apne prabhav ke anusar shubhashubh fal pradan karte hain. vastu devta vastu chakra men ulte lete manushya ke saman hain, jinka mukh ishan men, donon tangen v hath pet men dhanse hue aur punch nikalakar munh men ghusi hui hai. kisi bim, khanbha, dvar, divar adi se jo ang pirit hoga vahin dusri or usi ang men grih svami ko pira hogi. isi bhanti shashtham hani, mahamarm sthan, sir, mukh, hriday, donon vaksh, ko vedh rahit rakha jata hai.
bhukhand par vastu shastra bahri 32 padon men 32 devta virajman hote hain jahan par mukhya dvar ka nirman kiya jata hai. anya 13 devta 32 padon ke andar ki or hote hain, jinmen 4 devta 6 padiya tatha ek devta brahma 9 padiya devta hain. pratyek devta apni prakriti ke anusar shubhashubh parin aam dete hain. shubh devta ke samip asuri shakti sanbandh ai karya kie jaen to vah pirit hokar ashubh parin aam dete hain. putri ke vivah men kathinaiyan a rahi hai ya rishtedaron se manmutav, amdni men giravat, naukri ka bar-bar chutna, unnati nahin hona, ghar ki barakat samapt hona athva damad se kalah yah sab ekadash bhav ke dushit hone ka parinam hota hai.
isko dur karne ke lie ap tanbe ka paisa dan karen tatha ek lohe ka sikka shmashan men fenke to paryapt labh hoga. putri se chaya dan karvaen to shighra vivah ka yog ban jaega. pahle ap jahan rahte the vahan ke parosi achche hon ab parosi jhagra karte hain milnsar nahin hain, aise dosh barhven bhav ke kharab hone se hote hain. mitra dhan lekar mukar jae ya dhan dub raha ho to apna barhvan bhav ko dosh se mukt karen. is dosh ki shanti ke lie ap ganga snan karen aur vahan se koi dharmik granth kharidakar ghar laen use sammanpurvak ghar men rakhen to parivartan spasht najar aega.
mahabharat ka granth bhul kar bhi ghar men nahin lana chahie. ajakal bhavan keval prakritik apdaon se bachne ka sadhan matra nahin, balki ve anand, shanti, sukh-suvidh aaon aur sharirik tatha mansik kasht se mukti ka sadhan bhi mane jate hain. par yah tabhi sanbhav hota hai, jab hamara ghar ya vyavsay ka sthan prakriti ke anukul ho. bhavan nirman ki is anukulta ke lie hi ham vastushastra ka prayog karte hain aur iske jankaron ko vastushastri kahte hain. imarat, farm haus, mandir, maltipleks mol, chota-bara ghar, bhavan, dukan kuch bhi ho, uska vastu ke anusar bana hona jaruri hai, kyonki ajakal sabhi sukh-shanti aur sharirik kashton se chutkara chahte hain.
is sabke lie kis disha ya kaun se kon men kya hona chahie, is tarah ke vichar ki jarurat parti hai aur yah vichar hi vastu vichar kahlata hai. kisi bhi bhavan nirman men vastushastri ki pahli bhumika hoti hai. vastu dosh vyakti ko galat marg ki or agrasar bhi karte hain. apke ghar ka vastu thik nahin hai, to apki santan beta ho ya beti ho vah apna rasta bhatak sakti hai aur galat faisle lekar apna jivan tabah bhi kar sakti hai. yahan tak ki ghar se bhag jane ka sahas bhi kar sakti hai. vastu dosh sabse pahle man aur dil ko prabhavit kar buddhi ko bhrasht kar dete hain. sampurn vastu shastra dishaon par hi nirbhar hota hai kyonki vastu ki drishti men har disha ka apna ek alag hi mahatva hai.
purva: purva ki disha surya pradhan hoti hai.
surya ka mahatva sabhi deshane men hai. purva surya ke ugne ki disha hai. surya purva disha ke svami hain. yahi vajah hai ki purva disha gyan, prakash, adhyatm ki prapti men vyakti ki madad karti hai. purva disha pita ka sthan bhi hota hai purva disha band, dabi, rhaki hone par grihasvami kashton se ghir jata hai. vastu shastra men inhin baton ko drishti men rakh kar purva disha ko khula chorne ki salah di gayi hai.
dakshin: dakshin disha yam ki disha mani gayi hai. yam buraiyon ka nash karne vala dev hai aur papon se chutkara dilata hai. pitar isi disha men vas karte hain. yah disha sukh samriddhi aur ann ka srot hai. yah disha dushit hone par grihasvami ka vikas ruk jata hai. dakshin disha ka grah mangal hai aur mangal ek bahut hi mahatvapurn grah hai.
uttara: uttar disha matri sthan aur kuber ki disha hai is disha ka svami budh grah hai. uttar men khali sthan na hone par mata ko kasht ane ki sanbhavna barh jati hai.
dakshin-purva: dakshin purva ki disha ke adhipti agni devta hain. agnidev vyakti ke vyaktitva ko tejasvi, sundar aur akarshak banate hain. jivan men sabhi sukh pradan karte hain. jivan men khushi aur svasthya ke lie is disha men hi ag, bhojan pakane tatha bhojan se sambandhit karya karna chahie. is disha ke adhishthata shukra grah hain.
uttara-purva disha: yah som aur shiv ka sthan hota hai. yah disha dhan, svasthya aur aishvarya dene vali hai. yah disha vansh men vriddhi kar use sthayitva pradan karti hai. yah disha purush v putra santan ko bhi uttam svasthya pradan karti hai aur dhan prapti ka srot hai. iski pavitrata ka hamesha dhyan rakhna chahie.
dakshin-pashchim disha: yah disha mrityu ki hai. yahan pishach ka vas hota hai. is disha ka grah rahu hai. is disha men dosh hone par parivar men asamay maut ki ashanka bani rahti hai.
uttara-pashchim disha: yah vayudev ki disha hai. vayudev shakti, pran, svasthya pradan karte hain. yah disha mitrata aur shatruta ka adhar hai. is disha ka svami grah chandrama hai.
pashchim-disha: yah varun ka sthan hai. saflta, yash aur bhavyata ka adhar yah disha hai. is disha ke grah shani hain. lakshmi se sambandhit puja pashchim ki taraf munh karke bhi ki jati hai.
is prakar sabhi dishaon ke svami alg-alag grah hote hain aur unka jivan men alg-alag prabhav unki sthiti ke anusar manushya ke jivan men parta rahta hai. kaha jata hain
’’ graha dhinn jagat sarvam ’’ arthat pratyek manushya grah ke adhin rahakar karya karta hai aur sansarik sukh evan dukh ko bhogta hai. kintu manushya apne sukh ka samay to aram se bita leta hai aur jaise hi kasht prapt hote hain us samay use ishvar ke sharnagat hona parta hai. apne pujya shreshth logon se ray mashvira lekar samay bitana hota hai. usi pareshani ke hal hetu jab vah kisi vidvan jyotishi ke pas jata hai to grahon ke pratikul hone ki jankari prapt karta hai.
unhen anukul banane hetu use kai upay karne hote hain. is hetu ap nimn upay kar grahon ko pratikul se anukul bana sakte hain. ye upay parikshati hain aur sahjta se kam kharch men svayan ke dvara athva samanya sahyog lekar kiye ja sakte hain.
surya ke pratikul hone par: -
1. bhagvan surya narayan ko tanbe ke lote se suryoday kal men jal charhaven v un suryay namah ka jap karen.
2. bhagvan surya ke puranokt, vedokt athva bij mantra se kisi ek ka 28000 bar jap karen athva yogya brahman se karvayen.
3. surya yantra ko apne dahine hath men bandhen.
4. ravivar ko bhojan men namak ka sevan n karen.
5. suryoday purva uthakar pavitra hokar surya namaskar karen. chandra ke pratikul hone par: -
1. bhagvan shiv ki aradhna suryoday kal men karen.
2. bhagvan shiv ke stotra path karen.
3. chandra ke puranokt, vedakt athva bij mantra men se kisi ek ka 44000 bar jap karen athva jap karvayen.
4. somvar ka vrat karen.
5. moti, dudh, chaval athva safed vastu ka dan karen.
mangal grah ke pratikul hone par: -
1. manglvar ka vrat karen.
2. bhagvan hanuman ji ki aradhna karen.
3. mangal ke puranokt, vedokt, tantrokt athva bij mantra ka 40000 bar jap karen.
4. masur ki dal, lal vastra, munga adi ka dan karen.
5. hanuman chalisa athva sundar kand ka path pratah kal karen.
budh grah ke pratikul hone par: -
1. bhagvan ganesh ji ki aradhna karen.
2. ap koi bhi budh mantra 34000 bar jap karen.
3. budh stotra ka path karen.
4. mung ki dal, hare vastra, panna adi ka dan karen.
5. vidvanon ko pranam karen v samman karen.
guru ke pratikul hone par: -
1. suryoday purva pipal ki puja karen.
2. bhagvan narayan (vishnu) ki aradhna karen v santon ka samman karen.
3. apne mata-pita v ghar ke sabhi baron ko pranam karen.
4. pile vastra, chane ki dal, sona yathashakti dan karen tatha guruvar ka vrat karen.
shukra ke pratikul hone par: -
1. shukra stotra ka path karen.
2. nari jati ka samman karen.
3. safed chamkile vastra evan sugandhit tel adi vastuon ka dan karen.
4. un shukray namah ya anya kisi shukra mantra ka 64000 bar jap karen.
5. audumbar vriksh ki jar ko dahine hath par safed dore men bandhen.
shani ke pratikul hone par: -
1. shani stotra ka path karen evan kisi bhi shani mantra ka 92000 bar jap karen.
2. jute, chappal, lohe, tel adi ka dan karen.
3. shanivar ka vrat karen evan ratri men bhojan karen.
4. hanuman chalisa athva sundar kand ka path karen.
5. nitya hanuman ji ke darshan kar karya prarambh karen.
rahu ke pratikul hone par: -
1. bhagvan shiv ki aradhna karen.
2. rahu ke mantra ka jap karen.
3. garib v nimn varg ke logon ki madad karen.
4. rahu stotra ka path karen.
5. sarp ka pujan karen.
ketu ke pratikul hone par: -
1. bhagvan ganesh ji ki aradhna karen.
2. pratidin svastik ke darshan karen.
3. ketu ke mantra ka jap karen.
4. ganesh chaturthi ka vrat karen.
5. lahsuniya ka dan karen.