holi basant v prem-pranay ka parva hai tatha dharm ki adharm par vijay ka pratik hai. yah rangon ka, has-parihas ka bhi parva hai. yah vah tyohar hai, jismen log ‘kya karna hai, tatha kya nahin karna’ ke jal se alag hokar svayan ko svatantra mahsus karte hain.
yah vah parva hai, jismen ap purn rup se svachchand ho, apni pasand ka karya karte hain, chahe yah kisi ko cherna ho ya ajnbi ke sath bhi thori shararat karni ho. in sabka sarvottam rup yah hai ki sabhi katuta, krodh v niradar bura n mano holi hai ki unchi dhvani men dubakar ghul-mil jata hai.
bura n mano holi hai ki karatal dhvani holi ki lanbi parampara ka abhinn ang hai. holi ek rangbiranga masti bhara parva hai. is din sare log apne purane gile-shikve bhul kar gale lagte hain aur ek duje ko gulal lagate hain. bachche aur yuva rangon se khelte hain. falgun mas ki purnima ko yah tyohar manaya jata hai. holi ke sath anek kathaen juri hain.
holi manane ke ek rat pahle holika dahan kiya jata hai. purnima ko holika jalate hain, aur agle din sab log ek dusre par gulal, abir aur tarh-tarah ke rang dalte hain. yah tyohar rangon ka tyohar hai. is din log pratahkal uthakar rangon ko lekar apne nate-rishtedaron v mitron ke ghar jate hain aur unke sath jamakar holi khelte hain. bachchon ke lie to yah tyohar vishesh mahatva rakhta hai.
ve ek din pahle se hi bajar se apne lie tarh-tarah ki pichkariyan v gubbare late hain. bachche gubbaron v pichkari se apne mitron ke sath holi ka anand uthate hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!