tantra vedon men nahin hai, fir bhi uske prabhav evan pramanikta ko nakara nahin ja sakta. hathon men lagai jane vali mehandi, angan dvaron par chitrit ki jane vali alpana, balak ke sandhya kal paida hone par lagae jane vale svastik aur daliya ki akriti, dipavli aur anya tyoharon par sajai gai rangoli adi tantra ke pratik hain. shiv ji svayan tantra ke devta hain. tantra ki pramanikta siddh karne vala tantra shastra ka pratyek granth shiv ke updesh se hi praranbh hota hai. atah kaha ja sakta hai ki tantra shastra ko manav tak pahunchane vale svayan shiv hi hain. isilie vah tantrikon ke adi dev hain. samast bhautik vistar aur adhyatmik anant tantra ka vishay hai. varahi tantra ke anusar tantra ke nau lakh shlokon men ek lakh shlok bharat men hain. tantra sahitya vismriti, vinash aur upeksha ka shikar hota a raha hai. tantra shastra ke anek ganrath nasht ho chuke hain kisi granth men tantra granth ke ullekh v uddharan se hi pata chalta hai ki amuk tantra granth bhi tha. mul granth upalabdh nahin hota. aj prapt suchnaon ke anusar 199 tantra granth hain. jinmen adhikansh anupalabdh hain.
varahi tantra ka yah vivaran ki bharat men ek lakh tantra shlok hain nau lakh shlokon ki sankhya se asatya islie nahin hota ki multah un ek lakh shlokon ka hi vistar un nau lakh shlokon men hai. tantra ka vistar isa purva se terhvin shatabdi tak bare prabhavshali rup men bharat, chin, tibbat, thaidesh, mangoliya, kanboj adi deshon men raha. tantra ko tibbati bhasha men rigyud kaha jata hai. samast rigyud 78 bhagon men hai jinmen 2640 svatantra granth hain. inmen kai granth bhartiya tantra granthon ka anuvad hanai aur kai tibbati tapasviyon dvara rachit hanai. buddh ke avtar ke bad bauddh dharm ke prasar ke sath tantron ko ek naya kshetra mila arthat tantra ka lakshya ab dusre prakar se bhi siddh hone laga. tatvatah bhartiya tantra ke mul tatva hi bauddh sadhna ka ang bane prarantar men yatkinchit parivartan ho gaya. is drishti se buddh svayan tantrik the. nauvin se gyarhvin sadi tak bauddha-tantron ka hi chini aur tibbati bhasha men anuvad hota raha. in tantra granthon men guhya kriyakand, updesh, stotra, kavach, mantra aur puja vidhi ka varnan kiya gaya hai. bhartiya tantra shivokt hain aur bauddh tantra buddhokt.
bhutan men atish ka nam bahut prasiddh hai. aitihasik pramanon ke anusar vah bangali the. gyarhvin shatabdi men unhonne tibbat aur bhutan jaise deshon men tantra ka prachar kiya. asal men gaur aur bang desh hi tantra ka kendra the. gujrati men likhe ‘‘agam prakash’’ men ullekh hai ki ahmdabad, pavagarh, patan aur davoi nagron men devi mandiron ka nirman evan pran pratishtha bangaliyon dvara ki gai. rajasthan men kai devi mandir hain jinmen bangali hi pujak hain. vaishnav sampraday men adishakti ki upasna gauri, gayatri aur lakshmi ke rup men ki jati hai. lakshmi aur gauri, kramshah vishnu aur shiv ki ardhangini hone ke karan pujya hain. svatantra shakti ke rup men keval vedmata gayatri ka rup hi pujya hai. vaishnav sanpraday ki sadhna vidhi men bhi karmakand hai, par vah tantrik vidhi jaisi nahin hai. ganbhirta se dekhne par sare sanpradayon aur vadon ka samahar tantra ki purva pithika men hi ho jata hai. yahan tak ki yog jaisa vishay bhi tantra ka ang ban jata hai. tantrik vidhi se atm sadhan karne vale ko gyan bhi chahie, karm bhi chahie aur bhakti bhi. yog in sabse jura hua hai. shankar ke purvavarti bauddh bhi tantra ke prabhav men a chuke the. buddh ki ghunghrale balon vali pratima vishuddh rup se tantrik parikalpana hai. balon ki ghundiyan sahasrar ke agnit dalon ki pratik hain. nath sanpraday men siddhi pad prapt karne valon men itni utkat shakti a jati thi ki jagtik bhavnaen aur sansar ke padarth unhen nahin chu pate the.
machandaranath, gorkhnath aur nagarjun ki alaukik siddhiyon se sansar parichat hai. in siddhon ne tantra se rahasya lekar apni sadhna vidhi nishchit ki aur mantra vidya men saral evan sugam prayog kiya. aj jinhen prakrit ya sabar mantra kahte hain, ve isi nath sanpraday ki den hain. un mantron men sanskrit shabd nahin hai. bolchal ke aur kinchit rup men rahasyapurn shabdon se nirmit ye mantra pura kam karte hain. asal men in shabar mantron men vajrayan ki vajradakini athva vajratara adi se bhi nikrisht koti ke tamsik devon ki prarthana ki jati hai, unki an par hi kam hota hai. muslmanon ke dharmagranth kuran ke anusar jharfunk aur mantropasna nishiddh hai arthat allah se dua mangne ke siva kisi mantra ka rup kuran ki ayat nahin hai aur n use siddh karne ki agya hai. fir bhi sabar mantron men muhammad pir ki an li jati hai. vismillah ke nam ki an ke sath kuran ki ayat ya sabri vidhi se shabda-sanyojan kar ke mantra ki rachna kar li jati hai. nath sanpraday bhi tantra marg ki hi ek shakha raha hai. sankshep men yah kaha ja sakta hai ki tantra vaidik marg nahin hai.
islie iska adhar ved men dhundhna yuktisangat nahin. yakshini sadhna shiv uvach: shri shankar ji kahte hain ki ab main age yakshiniyon ke sadhan prayog ka bhali prakar varnan karta hun jiske siddh ho jane par manushyon ki sanpurn kamnaen siddh ho jati hain. sarveshan yakshininan tu dhyan kuryatsamahitah. bhagini matri, putri stri rup tulya yathopsitam
.. 1.. bhavartha: khub savdhani ke sath yakshiniyon ki sadhna karni chahie. yakshini ko ichchanusar bahan, mata, putri ya stri ke saman man kar unke rupon ka savdhani se dhyan karna chahie kyonki asavdhani hone par siddhi prapti men badha par jati hai. bhojya niramishe channan vajrya tambul bhakshanam. upvishyajinadau ch pratah snanatva n kansprishat
.. 2.. bhavartha: yakshiniyon ki siddhi karne men niramish (mans rahit) bhojan karna chahie. pan adi ka bhakshan chor den, pratah kal snan kar mrigchala par baithen, kisi ka sparsh n karen.. nitya kritya ch kritva tu snane nirjane japet. ya pratyakshara yati yakshina vanchatadhrauvanah
.. 3 .. bhavartha: apne nitya karm se nivritt hokar snan karke ekant sthan men baith kar jap karna chahie. jap tab tak karte rahen jab tak ki manvanchit fal ko dene vali yakshini pratyaksh rup se n a jae.
maha yakshini sadhna mantra: ¬ klin hrin ¬ on shri maha yakshini savaishyarya pradayinyai namah. mantra ke tin hajar bel ke vriksh par baithakar ek mahine tak jap prati din karen. alasya ko bilkul tyag den. jahan par jap karna ho vahan par mans, madira tatha balidan pahle hi se rakh lane. anek rup dharan karne vali yakshini a jae to use dekh kar daren nahin aur jap karte rahen. jis samay yakshini balidan vagairah lekar vardan dene ko udyat ho us samay jo ichcha apne dil men ave, vah vardan svarup us se mang lane. yadi yakshini purn rup se prasann ho jae to sab kuch de sakti hai.ydi koi is prayog ko svayan n kar sake to brahman se bhi kara sakta hai ya kisi brahman ki sahayta se is prayog ki sadhna kar sakta hai. is dauran tin kanyaon ko pratidin pavitra khir ka bhojan karakar tript karen. yakshiniyon dvara jo kuch prapt ho, use shubh karya men kharch karen kyonki ashubh karyon men kharch karne se siddhi bhang ho jati hai.
dhanda yakshini sadhna mantra: arthadayi yakshini ch dhanan prapnoti manvah.. ¬ ain hrin shridhnan dhanan kuru kuru fat svaha. is mantra ke 10000 jap karen. bhavartha: yah yakshini sadhna pipal ke vriksh ke niche ekagrachitt hokar karni chahie. isse manushya ko dhan ki prapti hoti hai. pipal vriksh ke niche savdhani se ekagrachitt hokar nimnalikhit mantra ka jap karen. isse aputra ko putra ki prapti hoti hai. shivji kahte hain ki hamara yah kathan mithya nahin hai.
mantra: ¬ hrin hrin hrin putra kuru-kuru svaha. is mantra ka 1000 bar jap kar siddhi kar len.
chandika yakshini prayog mantra:¬ chandike hansah krin krin krin klin svaha. vidhi: is mantra ka jap shukla paksh ki pratipda se purnima tak rat ke samay karna chahie. jap chandrama ke uday hone se lekar ast tak karte rahen. is mantra ki sankhya pratipda se purnima tak nau lakh hai. iske karne se devi prasann hokar amrit deti hai jiske pan se manushya amar ho jata hai.
hansi yakshini prayog mantra: ¬ hansi hansi klin svaha vidhi: pavitratapurvak nagar ke bhitar pravesh kar ke is mantra ke ek lakh jap karen. tatpashchat dasham bhag ko kamal ki pattiyon tatha ghi ke sath milakar havan karen. aisa karne se devi ek prakar ka aisa anjan deti hai, jise netra men lagane se prithvi men gara dhan dikhai dene lagta hai. use nirvighn khod kar nikal sakte hain.
madni yakshini prayog mantra: ¬ madne bidambini anang sang sandehi dehi klin krin svaha. vidhi: ekagrachitt hokar shuddhatapurvak is mantra ka ek lakh bar jap karen. aur dudh, ghi, chameli ke fal milakar agni men ek hajar ahuti den. aisa karne se yah yakshini ek prakar ka gutka deti hai jise mukh men rakhne se manushya adrishya ho jata hai.
karn pishachini yakshini prayog: mantra: ¬ krin saman shakti bhagvti karn pishachni chandra shepni vad-vad svaha. vidhi: sabse pahle is mantra ko 10000 bar jap len. tatpashchat gvar pathe ke guchche ko apni hatheliyon par mal kar shayan karen to rat ke samay devi sab shubhashubh fal kah degi.
chichi pishachini yakshini prayog: mantra: ¬ kri hrin chichi pishachini svaha. vidhi: gorochan, kesar aur dudh ko milakar nile rang ke bhoj patra par ashtadal kamal banaen. tatpashchat harek dal par maya bij likh kar sir par dharan karen. fir mantra ka jap pahle sat din tak yathasankhyak karen. shuddhatapurvak jap karne se yah devi svapn men tinon kal (bhut, bhavishya, vartaman) ka hal kah jaegi.
kal karnik sadhna mantra: ¬ hrin krin kalakarnike kuru-kuru thah thah svaha. vidhi pahle is mantra ka ek lakh bar jap karen aur dhak mandar ki lakri, ghi, shahad ka havan karen. aisa karne se kal karnika prasann hokar anek prakar ka dhan tatha aishvarya deti hai. apsara sadhna sadhna vidhi: yah sadhna 51 dinon ki hai. kisi bhi purnamasi ki ratri se yah sadhna praranbh ki ja sakti hai. ghar ke kisi kone men safed asan bicha kar uttar ki or munh kar ke baith jaen. samne ghi ka akhand dipak prajvalit karen aur svayan pani men gulab jal ya gulab ka thor itra dal kar snan kar svachch safed vastra dharan kar asan par baith jaen aur samne shri apsara yantra rakhen aur apsara saundarya mala se mantra jap karen mantra: ¬ shrin klin apsara pratyaksh shrin ain fat..
mantra jap samapti ke bad usi sthan par so jaen. in 51 dinon men n to kisi se bat karen aur n hi us kamre se bahar jaen. keval shauchadi kriya karne ke lie bahar ja sakte hain. satven din ghunghruon ki madhur avaj sunai deti hai. magar sadhak ko chahie ki vah avichlit bhav se mantra jap karta rahe. ikkisven din bilkul aisa lage jaise apurva si sugandh fail gai hai. iske bad nitya aisi sugandh ka abhas hoga. 36ven din lagega ki koi advitiya sundri asan ke pas baith gai hai. magar sadhak avichlit n ho aur mantra jap karta rahe.
47 ven din pariksha aranbh hogi aur lagega ki vah sundri sashrir sadhak ki god men baith gai hai. sadhak ko vichlit hone ki avashyakta nahin hai. 51 ven din vah apurva shringar kar sadhak se sat kar baith jaegi aur puchegi ki mere lie kya agya hai. tab sadhak kahe ki meri patni ban kar premika ki tarah prasann karo. tab vah siddh ho jaegi aur jivan bhar sukh, dravya, vaibhav v kam pradan karti rahegi. yah sadhna ek bar karne se siddh ho jati hai. bar-bar nahin karni parti. sadhna men tin baten avashyak hain: û sadhna kal men 51 din tak kisi se kuch n bolen. û sadhna ke bad apsara siddh ho jane par parastrigaman n karen. û apsra tantra siddh hone par us ke sath raman karen aur jo bhi chahen prapt karen parantu dravya ka durupyog n karen.t