vartaman samay men shiksha shabd ka arth ajivika hetu yogyata evan uttam gyan prapt karna hai. shiksha manushya ko udar, charitravan, vidvan aur vicharvan banane ke sath-sath usmen naitikta, samaj aur rashtra ke prati uske kartavya aur manviya mulyon ke prati astha ki bhavna ka sanchar bhi karti hai. shikshit log bhinna-bhinn dhang se manvta ki seva karte hain. shiksha manushya ko vinyshil banati hai. kaha gaya hai-
vidya dadati vinayam vinyadyati patratam. patratvaddhanamapnoti dhanaddharmah tatah sukham .. arthat vidya se vinyshilta ati hai, vinyshilta se yogyata aur yogyata ho to dhan ki prapti hoti hai. dhan ho to manushya ke man men dharm ke prati astha ka sanchar hota hai aur jahan dharm hota hai vahan har prakar ke sukhon ki prapti hoti hai. pratyek mata-pita ka yah param kartavya hai ki ve apni santan ki yatheshth shiksha ki vyavastha karen. chanakya ne bhi kaha hai
ki putra ko vidya men lagana chahie kyonki ‘nitikaah shil sampannaah bhavti kul pujitaah’. arthat nitiman tatha shil sanpann kul men nitiman tatha shil sampann vyakti ka hi pujan hota hai. jo mata-pita apnie santan ke pathn-pathan ke prati sajag nahin rahte unke prasang men kaha gaya hai- mata shatruah pita bairi yen balko n pathitah. n shobhte sabha madhye hansaah madhya vako yatha. uchch shiksha hetu kisi chatra ki janm kundli men dvitiya, chaturth, pancham, navam tatha ekadash bhavon ka samyak vivechan apekshit hai. inke bhaveshon ki sudrirhta tatha navanshon men shubh grahon ke hone par uchch shiksha ka yog banta hai.
iske alava in bhavon ki sandhi ke nakshatron ke navmesh tatha unke up svami ke bhavon ke sath antar sanbandh hona chahie. janm kundli men budhaditya yog, gaj kesri yog, upadhyay yog (guru tatha surya ka dvigrah yog), chandra v budh dvigrah yog, hans yog, sarasvati yog adi bhi hone chahie. pancham bhav medha shakti tatha bauddhik kshamata ka bhav hai. panchmesh, panchmesh ka anya grahon se sanbandh, pancham bhavasth grah adi kisi ki buddhi ke star tatha medha shakti ke suchak hain. navam bhav uchch shiksha ka karak hai.
navam tatha navmesh ke sudrirh hone aur navmesh ka navansh vargottam ya shubh varg hone par uchch shiksha ka yog banta hai. ekadash bhav vidya labh ka karak hai. majbut ekadshesh ka navmesh tatha panchmesh ke sath kendra ya trikon men yuti ya drishti sanbandh ho, to uchch shiksha ka yog banta hai.
chaturth bhav shikshan sanstha ka suchak hai. chaturthesh bali ho to vyakti ka namankan sundar aur bare shiksha sansthanon men hota hai. dvitiya bhav vidya arjan ka bhav hai. aj shiksha prapti ke lie arthik sthiti sudrirh hona avashyak hai. dvitiyesh tatha labhesh kendra men hon tatha donon ke bich bhav parivartan ho to vyakti ki arthik sthiti majbut hoti hai. chandra: kisi ki medha shakti ki jankari uske chandra ki sthiti se prapt ki jati hai.
chandra ke balabal se hi uski medha shakti ka pata chalta hai. chandra durbal ho tatha duahsthan men ho to vyakti ki smaran shakti durbal hoti hai. bali chandra kendra, trikon tatha shukla paksh ki panchmi tak ho, to vyakti ki smaran shakti kafi majbut hoti hai. dekha gaya hai ki chandra vrishchik ka ho, to smaran shakti kafi majbut hoti hai.
get: baby horoscope
budh: ganitiya kshamata, abhivyakti aur akalan ki kshamata, sahaj buddhi, vishleshan kshamata, vak shakti, lekhan kshamata adi ka pata budh grah ke balabal se chalta hai. surya: surya tejasvita tatha saflta ka dyotak hai. surya ki majbut sthiti se chatra mahavidyalay ya vishvavidyalay men achcha sthan prapt karte hain. shani, rahu, ketu tatha mangal inki bhumika uchch takniki shiksha men aham hoti hai.
atah pancham tatha navam ka unke sath sanbandh hone se vyakti takniki shiksha prapt karta hai. uchch shiksha prapt karne ke tin marg hain-
û yogyata ke adhar par rajkiya shikshan sansthaon men namankan se, yogyata tatha pement sit ke adhar par namankan se aur doneshan dekar prabandhan pathyakram men namankan se. yogyata ke adhar par chaynit pratibhavan chatra pratiyogita pariksha men safal hote hain aur unka namankan rajkiya shikshan sansthaon men hota hai. aise chatron ki janmakundli men guru kendra ya trikon men bali hota hai. ekadshesh, panchmesh tatha navmesh bhi kendra, trikon tatha ekadash bhav men hote hain aur ve shubh navansh ke hote hain.
in bhavon ki sandhiyon ke nakshatron ke svamiyon ka antarsabandh hota hai. sath hi inki dasha, antardasha aur pratyantardasha ka bhi bhogya kal hota hai. pement: is sit par uchch shiksha men namankan hetu pratiyogita pariksha men yogyata ke adhar par chaynit hona parta hai. janmakundli men dvitiya, pancham, navam tatha ekadash bhav ke nakshatra svamiyon ka kendra men ya dvitiya bhav men yadi sanbandh hota hai tatha pancham, navam aur dvitiya bhavon ke svamiyon ke nakshatra ke sath yatha dvadash bhav ki sandhi ke nakshatra ke svamiyon ke upasvamiyon ka sanbandh inke sath ho, to is sthiti men pement sit par namankan hota hai.
doneshn: panchmesh tatha navmesh bali hokar kendra ya trikon men hon tatha donon ka dvadshesh se yuti ya drishti sanbandh ho aur panchmesh, navmesh tatha dvitiyesh ke navansh men yadi dvadshesh parta ho, to doneshan ke dvara namankan hota hai. navmesh ki sandhi ke nakshatra ke svami ka up svami yadi dvadshesh ki sandhi ke svami ka upasvami ho, to doneshan ke dvara namankan hota hai. videsh shiksha: yadi panchmesh, navmesh tatha chaturthesh ka sanbandh ya inke upasvamiyane ka sanbandh yuti, drishti ya anya dhang se dvadash evan ashtam bhav se ho, to videsh shiksha ka yog banta hai. u
sthiti ke sath hi yadi navmesh pakshi dreshkan men ho, to is sthiti men bhi videsh shiksha hetu ya kisi vishay men visheshagyata hetu videsh shiksha ka yog banta hai. pancham tatha navam bhav jis grah ke prabhav men hote hain vyakti ki shiksha us grah se sanbandhit vishyon men hoti hai. grahon se sanbandhit vishyon ka sankshipt vivaran is prakar hai. surya: prashasan, rajniti shastra, dava, rasayan adi. chandra: nau sainya shiksha, samudra abhiyantran, matsya palan, shugar teknolaeji, sangit, nars, grih vigyan, teksatail teknolaeji, kheti, manovigyan adi. guru: vidhi shiksha shastra, dharmashastra, nitishastra, jiv vigyan, manav shastra, samaj vigyan adi.
mangl: sabhi prakar ka abhiyantran visheshakar metalarji tatha maining, sarjari, padarth vigyan, dava, yuddh vidya adi. budh: vanijya, chartard ekauntensi, bainking, teksatail teknolaeji, arthashastra, patrakarita, mas kamyunikeshan, ganit, arkitekt adi. shani: krishi mekainikal injiniyaring, arkiyolaeji, itihas, vanaspati shastra, jyotish. rahu v ketu: jyotish, tantra, vidyut abhiyantran, ledar teknolaeji, vish vidya, kanpyutar tatha kanpyutar vigyan, ilektraeniks, telikamyunikeshan adi.
if you seek an experts help, you can also consult our panel of top astrologers in india as your guide.