yadi ham is rekha ko 4 barabar bhagon men vibhakt karen to paenge ki saton grahon ka is par ayunusar purn prabhav hai. iske udagm sthan par jae to yah budh ke niche aur uchch mangal ke upar se praranbh hoti hai usse yah gyat hota hai ki budh aur mangal jo jyotish matanusar naisargik shatru sanbandh rakhte hain arthat ek nakaratmak tatha ek sakaratmak grah ka prabhav lie hue sath chalti hai. jis prakar prakriti ka apna santulan kayam hai- purush aur stri, usi prakar yah rekha bhi yahan se budh aur mangal ke prabhav ko lekar age barhti hui surya aur chandra ke prabhav ko grahan karti hai.
tab umra ke us parav par in donon grahon ka prabhav milega tatpashchat jab yah rekha shani parvat ke niche se gujregi to shukra ka bhi prabhav sath hoga evan rekha ke ant tak guru evan nimn mangal ka prabhav sath rahega. yadi ham manav jivan ko vartaman paristhitiyon ke anusar 80 varsh tak ka manakar chalen aur use char bhagon men arthat 20 varsh ke char bhagon men vibhakt karen to paenge ki pratham 20 varsh tak ki ayu men jatak par budh aur mangal ka prabhav dikhta hai. natkhtta, chanchlta, shararti, khun men garmi svabhav men teji ityadi jo bachapan se kishoravastha tak ki umra men pai jati hai.
kintu umra ke agle 20 varsh arthat 20 se 40 varsh men yahi hriday rekha aur jatak surya evan chandra ke prabhav men a jate hain. arthat mata-pita ke nirnay se prabhavit, mijaj men tanik teji, karya ke utsahit, ghumna firna, bhraman, vyapar tatha karobar, naukri ya kamkaj ki chinta, bhavishya ke prati utsahit evan chintit ityadi. umra ke tisre parav arthat 40 se 60 varsh ki ayu men shani tatha shukra ka mila jula prabhav ata hai. apne kie karmon ko bhogne ki sthiti, galat ya sahi ka nirnay, paripakvata, gyan, duradarshita, aushdhi, duahkh, pashchatap, bhautik sukh sadhan se purn ityadi.
umra ke antim parav 60 se 80 varsh arthat guru aur nimn mangal ka prabhav dikhata hai- sadhu santon ki sharan, sannyas, dharm karm ke karya, parmatma ki yad, ahan ki bhavna, karya kshamata men kami, tyag aur sangharshapurn deh adi. kintu grah ke hath par uttam athva nimn avastha men baithe hone se inka prabhav kuch bhinnata lie hue hoga. tatpashchat hatheli ka dhyanpurvak nirikshan karne ke bad anya chinhon ka tatha sharir lakshanon ke chinhon ka bhi dhyanpurvak adhyayan ke bad hi falakathan kiya jana chahie.