manav chahe kitna bhi prayas kar le, chahe achche se achche vatavaran men rah le, chahe achche se achcha bhojan kar le, achche se achcha vastra pahan le, fir bhi jivan men kabhi n kabhi, kisi n kisi rog se grasit ho hi jata hai. ab chahe rog alpakalik ho ya dirghakalik. alpakalik rog to kuch dinon ke upchar se thik ho jata hai parantu dirdhakalik rog manav ke jivan ko narak bana dete hain.
jyotish shastra ke anusar ye rog manav ke apne hi karmon ka parinam hote hain, ab chahe ye karm is janm ke hon ya pichle janm ke. hriday rog bhi aisa hi dirghakalik rog hai, ek bar lag gaya to jivan bhar manav ke ji ka janjal ban jata hai. rog nivaran ki dava bhi jivanaparyant leni par jati hai. ab hriday rog kisi jatak ko kyane hota hai, iske kya karan hote hain - in par jyotish shastra men vistar se likha gaya hai ki pratyek rog kisi n kisi grah se sanbandhit hota hai jiska pata jatak ki janm kundli, rashi chart, hast rekha, vastu shastra ya fir ank vigyan se kiya ja sakta hai.
ye grah chahe anukul hon ya pratikul, pratyek dasha men manav ko prabhavit karte hi hain. grah yadi anukul hain to uske upay karke rog nivaran men madad li ja sakti hai aur grah yadi pratikul hon to vah rog sanbandhit anisht fal hi dete hanai. isliye anukul grah ko jyada anukul bana kar aur pratikul grah ko uchit upayon se behatar kar ke manav ke rog sanbandhit anisht samay ko kata ja sakta hai. ek bat jan leni chahiye ki grah har hal men fal dete hain, keval puja v danadi se uske fal ko kam ya adhik kiya ja sakta hai. hamare aj ke lekh ka vishay hriday rog ke karnon par n hokar iske bachav par hai.
rog to ab lag hi gaya hai lekin uchit upay kar ke is rog ke prabhav ko kam kiya ja sakta hai taki jatak ki baki jindgi kuch aram se kat sake. aiye aise hi kuch upayon par charcha karte hain -
k. jyotish se hriday rog ke upay -
1 janm kundli men surya ke ashubh prabhav men hone se hriday rog hota hai. iske upay ke liye rojana bhagvan ram ki puja karni chahiye. ‘‘un ran ravye namah’’ mantra ki ek mala jap roj subah karni chahiye. aditya hriday stotra ka path rojana karni chahiye. pratyek karya mitha kha kar aranbh karni chahiye. surya ko rojana jal dena chahiye aur ‘‘un ghrini suryay namah’’ mantra ki ek mala jap bhi karni chahiye. 21 bar gayatri mantra ka jap rojana karni chahiye. gur, gehun v tanbe ka dan pratyek ravivar ko karna chahiye. gay ya bachre ko ravivar ko gur khilana chahiye. rojana pita ki seva karni chahiye. ravivar ko uchit vajan ka manik ratn dharan karni chahiye.
2 ravivar ko sava mitar lal kapde men ek 5 mukhi rudraksh, ek lal hakik ka patthar aur 7 lal mirch rakh kar rogi ke sir ke upar se tin bar ghumakar bahte pani men baha dena chahiye. aisa har ravivar karne se rogi ko aram milne lagta hai.
3 keval 5 mukhi rudrakshon ki, 108 motiyon ki mala, ek kale dhage men pirokar bhi gale men dharan karne se rogi ko rog se labh milta hai.
4 ravivar ko ek tanbe ka tukda len, uske do tukde karen. ek ko kisi bahte pani men baha den v dusre ko hamesha apne pas rakhen. isse hriday rog men labh milta hai.
5 kisi ravivar ke din ek bartan men pani dalakar usmen thode se lal ful bhigo den. somvar ki subah us pani men se ful nikal kar fenk den aur us pani ko pi len. bartan ko ulta kar ke rakh den. kuch saptah tak aisa karne se hriday rog men sudhar hone lagta hai.
6 hriday rog se pirit vyakti ko kisi ravivar se shuru kar rojana thore se shahad men thora chandan mila kar khilane se bhi rogi ko labh milta hai.
7 mangal ko rakt ka karak mana gaya hai. isliye mangal ke bhi ashubh prabhav men hone se hriday rog ka khatra bana rahta hai.
upay ke taur par manglvar ko tandur ki mithi roti ka dan karna chahiye. manglvar ko bahte pani men revri v batashe bahane chahiye. gehun, gur, tanba, lal kapra v machis ka dan 43 manglvar ko karna chahiye. manglvar ko v hanuman jayanti par hanuman mandir men dhvaja dan karni chahiye.
‘‘un an angarkay namah’’ mantra ki ek mala jap rojana karni chahiye. manglvar ko sava kilo masur ki dal ka dan karna chahiye. manglvar ko v hanuman jayanti par hanuman ji ko chola charhana chahiye. pratyek manglvar ko bandron ko chane khilana chahiye. hanuman chalisa, bajrang ban v sundrkand ka path rojana karna chahiye. chote bhai ka vishesh dhyan rakhna chahiye. mangal stotra ka path nitya karna chahiye. kisi shubh manglvar ko mangal ki hora men lal munga dharan karni chahiye.
8 hriday rog se bachav ke liye v raktachap thik rakhne ke liye ek, panch, sat, gyarah v solah mukhi rudraksh ki mala kisi kale dhage men bana kar savan ke mahine ke pahle somvar ko gangajal se snan karva ke, shivling par chadha kar, ‘‘un namah shivay’’ mantra ka jap karte-karte shivling par dudh charhane ke bad mala ko gale men dharan karna chahiye. yadi sanbhav ho to mala ka rudrabhishek bhi karva lena chahiye.
9 kisi aise sthan jahan par purani murtiyan hon v un par kuch ghas ugi ho to aisi murtiyon ko usi sthan par puja karne ke pashchat shanivar ko ghar le ayen. murtiyon ko ghar men chaya men rakh den aur ghas ko sukhne den. aisi sukhi ghas ko rogi ke kamre men hi dhup mila kar kisi bhagvan ke samne 43 din jala dene se rogi ko labh milta hai.
kh. vastu shastra ke upay -
1 hriday rogi ko sote samay apna sir dakshin disha ki or karke hi sona chahiye. aisa karne se rogi ke sharir ki chunbkiya bal ki rekhayen sir se panv ki or jane lagti hain jisse sharir ka pura raktachap thik rahta hai, nind achchi ati hai aur rogi ke hriday ko labh milne lagta hai.
2 hriday rog surya se sanbandhit mana gaya hai.
isliye surya disha yani purva disha men koi dosh hai jaise ki purva disha men yadi taeylet ho ya sidhiyan hon ya purva disha ki divar pashchim se unchi ho ya vahan ki bhumi pashchim se unchi ho to grih svami ko hridyrog ho sakta hai.
g. yog se upay - yog se bhi hriday rog men atyadhik aram milta hai. yog se hriday men rakt ka sanchar sucharu rup se hota hai.
kuch labhdayak yog mudrayen is prakar hain -
1 anulom vilom - kamar v gardan sidhi rakh kar jamin par baith jayen. fir ek nathune ko anguthe se band karke dusre nathune se lanbi sans lekar fefron men bharen aur fir dusre nathune ko ungli se band karke pahle nathune se angutha hatakar dhire-dhire dugune samay men bahar nikalen. fir dusre nathune ko anguthe se band karke isi prakar se prakriya dohrayen. aisa 20 se 25 bar karen.
2 vakrasan - jamin par pair lanbe kar baith jayen. dayan pair morakar bayen pair ke ghutne ke pas piche ki taraf rakhen aur dayan hath kamar ke piche jamin par rakh kar us par sharir ka bhar dalen. fir bayen hath se bayan ghutna pakarakar piche vale hath ki taraf dhakelen. 10 se 15 sekand tak ruken aur fir dusre pair se yahi prakriya dohrayen.
3 bhastrika pranayam - jamin par sidha baithakar donon nathunon se dhire-dhire sans andar len taki chati ful jaye, kuch der ruken v fir donon nathunon se hi dhire-dhire sanas chod den taki pet andar chala jaye. aisa 5 se 6 bar karen.
4 dhanurasan - pet ke bal jamin par let jayen. ghutnon se pair morakar takhnon ko donon hathon se pakar len aur dhire-dhire sharir ko gardan v ghutnon se upar uthayen. fir 10 se 15 bar sans andar len v nikalen aur dhire-dhire sharir ko sidha kar len. aisa 8 se 10 bar karen.
5 marjarasan - jamin par donane hath v donane ghutnon ke bal chaipayon ki tarah ho jayen v gardan, kamar 10 se 15 bar upar niche karte rahen.
6 shavasan - jamin par pith ke bal let jayen. donon pairon ke bich 1 se 1.5 fut ka antar rakhen. hathon ko sharir se kuch dur gardan v kamar ki sidh men rakhen. ankhen band karke sharir ko dhila chor den v 10 se 15 bar gahri sanas lekar choren fir 60 tak ginakar uth jayen. not: kisi bhi upay ko lagatar 43 din tak karna chahiye, tabhi us upay ka fal prapt hota hai. mantron ke jap ke liye rudraksh ki mala sabse uchit mani gayi hai.
doshi grah se sanbandhit devta ki puja v danadi us grah ki hora men v nakshatra men karne se atyadhik labh milta hai. kisi rogi ko uprokt upayon se labh milne ya n milne se lekhak ki koi vyaktigat jimmedari nahin samjhi jani chahiye. rogi ko svayan soch-samajh kar hi upay karne chahiye.