pichle dinon pandit ji grin park eksatenshan, dilli men vastu nirikshan ke liye gaye. vahan kothi ka punah nirman ho raha tha. vahan pahunchne par ghar ke malik ne bataya ki jab se is imarat ka nirman shuru kiya hai tab se hi panaise ki tangi hoti ja rahi hai ghar ke sadasyon ke svasthya par adhik kharch ho raha hai.
pandit ji dvara besment, stilat v bhu-tal ke nirikshan ke uprant kiya gaya vishleshan, jyotish jagat ki daidipyaman patrika ’fyuchar samachar’ ke prabuddh pathkon ke labharth prastut hai.
avlokn/upayah-
- bhutal, pratham v dvitiya tal ek sa bana hua tha.
- dakshin pashchim men bhartiya puratan paddhati ka shauchalay tha jiske karan vahan pani v gaddha rahne se dhan hani hote rahne ki sanbhavna rahti hai. is shauchalay ko yahan se pashchim ki or hatayen ya dablyu si val maunted lagayen avashya labh hoga.
- dakshin- pashchim men naukron ke liye ghumavdar sidhiyan (spairl) hain jiske karan pet se sanbandhit samasyayen jaise aepreshan, innfekshan, pet dard adi, bani rahti hain. kripya ise chardivari ya makan ki pichli divar se lagakar khula (bina chat) banayen.
- dakshin-pashchim ghar ke mukhiya ka sthan hota hai. vahan par mehman kaksh banane se mehman jyada din tak ghar men hi bana rahta hai aur ghar ke sadasyon par havi rahta hai. kripya yahan par ghar ke mukhya sadasya ka kaksh sthanantrit karen.
- pashchim men dayning tebal achcha hai.
- uttara-pashchim aur uttar men living kaksh achcha hai parantu is disha men halka farnichar rakhna chahie anyatha mansik tanav rahta hai.
- uttara-purva kata hua hai jo ki bilkul achcha nahin hai jiske karan vansh vriddhi men rukavat hoti hai tatha dhan se sanbandhit samasyayen rahti hain. is samasya se chutkara pane ke lie is disha men pargola ya lakri ka jal lagvayen, chahunmukhi vikas hoga.
- uttara-purva men lift hai jo ki bahut achchi hai parantu isi ke sath purva men mukhya sirhiyan hain jiske karan asthama ya chati se sanbandhit rog hone ki sanbhavna rahti hai. isliye in sirhiyon ko yahan se hatana hi shreyaskar rahega. achcha hoga ham inhen piche dakshin purva/dakshin men le jayen.
- dakshin men rasoi ho sakti hai parantu dakshin men gais-stov aur dakshin-purva men sink hone se paise ke avagaman men rukavat evan mansik tanav bana rahta hai. isliye gais stov ko purva men rakhen aur sink ko pashchim men rakhen. achcha hoga ki rasoi v sirhiyon ko adl-badal den.
- dakshin-purva ka kona kata hua hai jiske karan santan ko pareshani rah sakti hai aur dampatya sanbandhon men bhi tanav bana rah sakta hai. iska prabhav kam karne ke liye yahan par pargola ya stil ka jal lagvayen. ek chota kamra ya puja sthan bhi banaya ja sakta hai.
notah- uprokt samasyaon evan sujhavon ko dhyan men rakhte huye sujhaya gaya sanshodhit naksha bhi diya ja raha hai. parantu ismen lift tahkhane men nahin jayegi kyonki agney kon men ham gaddha nahin rakh sakte, yah striyon ke svasthya ko kharab karta hai tatha akasmik durghatana ka karan ban sakta hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!