prevention is better than cure arthat upchar se behatar hai suraksha. manushya ko rog ka purvabhas ho jata hai kyonki rog ane se pahle manav sharir men kuch aise lakshan utpann ho jate hain jinse use abhas ho jata hai ki rog uske dvar par dastak de raha hai. aisa hi ek rog hai ‘sir darda’ jo rogon ke ane ka suchak hai. sir dard ek aisa vikar hai jo lagabhag sabhi men kam ya adhik matra men hota hai jiski or ham aksar dhyan nahin dete. mastishk ki janleva bimariyon ka agaman sir dard se hi hota hai. sir dard ke kai karan hote hain.jaise
bukhar; bukhar chahe jaisa bhi ho vah sir dard ka karan banta hai. drishti ke kamjor ho jane se, danton ke vikar, sir ki manspeshiyon men jakaran a jane se, sir men lagi chot, kan ke bhitar sankraman, mastishk ke bhitar sankraman, sir ke bhitar ki ganth ya rasauli ki shuruat bhi sir dard se hi hoti hai. isi tarah adha sisi ka dard sir se uthta hai.
mansik rog jaise chinta, bhay ityadi, harmon ka asantulan, uchch raktachap, gardan ki haddiyon ka ghisav, jabre aur sir ki haddiyon ke jor ka vikar bhi sir dard ke karan ho sakte hain.
jyotishiya drishti men sir darda: jyotishiya drishti men pratham bhav janmakundli men mastishk, arthat sir ka pratinidhitva karta hai.
pratham bhav arthat lagn, lagnesh yadi janmakundli men pirit hon to jatak ko mastishk sanbandhit rog hote hain. surya pratham bhav ka karak grah hai islie surya ka pirit hona bhi sir sanbandhit rog ki utpatti ka karan banta hai.
vibhinn lagnon men sir darda:
mesh lagna: lagn budh se yukt ya drisht ho, surya rahu ya ketu se drisht ya yukt ho. lagnesh mangal shashth bhav, ashtam bhav men shani se yukt ya drisht ho to jatak ko sir dard sanbandhit rog ho sakta hai.
vrish lagna: lagnesh shukra ast hokar tritiya, shashth ya ashtam bhav men ho aur rahu-ketu se yukt ho ya drisht ho to jatak sir dard se pirit hota hai.
mithun lagna: lagnesh budh mangal se yukt ho ya ashtam drishti men ho aur ast n ho, guru pancham ya shashth bhav men ho to jatak sir dard se pareshan hota hai.
kark lagna: lagnesh chandra pancham bhav men ho, budh se yukt ho, lagn men rahu ya ketu ho, shani chaturth bhav ya saptam bhav men ho to jatak ko sir sanbandhit rog ho sakta hai.
sinh lagna: lagnesh surya rahu-ketu se yukt ya drisht ho, guru shashth ya ashtam bhav men ho, lagn shani se drisht ya yukt ho to sir dard sanbandhit rog ho sakta hai.
kanya lagna: lagnesh budh ast hokar lagn, shashth ya ashtam bhav men ho, mangal lagn par drishti deta ho. guru rahu-ketu se yukt hokar pancham ya navam bhav men ho to sir dard rog hota hai.
tula lagna: lagn men guru rahu-ketu se yukt ya drisht ho, shukra surya se ast hokar pancham, shashth, ashtam aur navam bhav men ho to jatak ko sir dard sanbandhit rog hota hai
vrishchik lagna: lagnesh ast hokar ashtam bhav, dvadash bhav men ho, budh rahu-ketu se yukt ya drisht ho, shani lagn, chaturth, saptam bhav men ho to jatak ko sir dard hota hai.
dhanu lagna: lagnesh guru shashth bhav, ashtam bhav men ho, lagn men shukra rahu-ketu se yukt ya drisht ho. surya shani se yukt hokar lagn men drishti de to sir dard jaisa rog ho sakta hai.
makar lagna: surya-shani ek dusre par drishti de, guru rahu-ketu se yukt ya drisht hokar lagn par drishti de, to jatak ko sir dard jaisa rog hota hai.
kunbh: guru rahu-ketu se yukt hokar pancham ya navam bhav men ho, shani shashth bhav me, chandra lagn men mangal se drisht ya yukt ho to jatak ko sir dard ho sakta hai.
min lagna: lagn men shani, surya tritiya bhav, saptam bhav ya dasham bhav men ho. shukra rahu ketu se yukt hokar, pancham bhav, navam bhav men ho to jatak ko sir dard hota hai.
rog sanbandhit grah ki dasha-antardasha aur viprit gochar ke kal men hota hai. iske uprant rog se rahat mil jati hai. ayurvedik drishtikon ayurved siddhant anusar rog ki utpatti tin vikaron ke anupat par nirbhar karti hai arthat vat, pitt, kaf. yadi sharir men pitt aur vat bigar jaen to sir dard hota hai. vat-pitt ka barhna ya kam hona iska mukhya karan hai. pitt barh jane se sharir men agni tatva ki matra barh jati hai
jisse rakt chap barhta hai aur sir dard hone lagta hai. agar pitt kam ho jae to agni tatva kam ho jata hai aur vat-kaf anupati taur par barh jate hain jisse sir ke andar ki manspeshiyon men jakaran ho jati hai aur chinken ati hain, nazla jukam hokar sir dard hone lagta hai. sir dard hone par maraham lagakar, sir dabakar, kasakar patti bandhakar aur gharelu nuskhon ke prayog se dard nashak davaon ke upyog se sir dard ka upchar karna thik hai. sadharan sir dard hoga to in upayon se thik ho jaega. lekin yadi dard bar-bar ho to yah chintajanak hai.
ho sakta hai ki yah kisi bari bimari ke ane ka suchak ho islie atirikt savdhaniyan karni chahie.
sir dard ke gharelu upchar
- pratah kal khali pet ek mitha seb, namak lagakar, khane se sadharan sir dard dur ho jata hai.
- pratah kal thora vyayam karen, hari ghas par nange panv chalne se bar-bar hone vala sir dard dur ho jata hai.
- sarson ka tel nak men lagakar sunghne se sir dard men aram hota hai.
- gay ke desi ghi ki do-char bundane nak men dalne se sir dard men labh hota hai.
- desi ghi men kesar dalakar sunghne se bhi labh hota hai.
- sukha anvla aur dhaniya donon ko pisakar rat ko pani men bhigo den aur subah masal kar chan len. chane pani men chini milakar pine se sir dard men labh hota hai.
- rat ko sote samay sir aur pet ke talvon men desi ghi ya badam ka tel se malish karen. sarson ka tel bhi prayog kiya ja sakta hai.
- brahmi aur badam ke tel ko milakar sir se malish karne se sir dard men labh hota hai.
- kalmi shora aur kali mirch saman matra men lekar pis len aur fir garam pani se ek chammach khane se sir dard men labh hota hai.
- badam ki panch giri ko pani men bhigo den. pratah chilakar pis len aur fir rat ko gay ke dudh men ubalen. char kali mirch bhi pis kar sath hi ubalen aur ek chammach ghi aur bura dalakar do saptah tak pine se sir dard men labh hota hai aur smaran shakti barhti hai.
- harar ke chilke ko pisakar thora namak milakar rat ko garm pani ke sath fankne se sir dard men labh deta hai.
- tulsi ke patton ki chay banakar pine se sir dard se rahat milti hai.
- mulhthi, moti ilaychi aur saunf ko pis len tatha do tulsi ke patte pani men ubal kar thora dudh tatha chini milakar pine se sir dard men aram hota hai.