hastarekhaon dvara kal nirdharn  

hastarekhaon dvara kal nirdharan nirmal kothari manav jivan itna jatil aur pechida hai, ki ise samjhna saral karya nahin. yah bhutkal se shiksha grahan karta hua vartaman men jita hai, parantu yah bhavishya se sadaiv atankit aur utsahit rahta hai. uske man men nirantar ek prashn kautuhal ki tar chaya rahta hai ki mera bhavishya kya hai? bhavishya men main kitna uncha uth sakunga? yadi mere jivan men badhaen hain to kaisi, kitni aur kab? aur yah ‘kab’ prashn hastarekhavid evan jyotish ke lie samasya ban jati hai. vah rekhaon ke dvara bhavi fal spasht kar sakta hai, bhavishya kal ko bhi parh sakta hai, parantu sahi-sahi samay nirdharan karna uske lie atyant kathin ho jata hai. mainne is sanbandh men kai pustakon men parha aur is pustakon ki sahayta se kai prayog kie aur un prayogon ka fal ashcharya janak tha. mainne dekha ki hast rekhaon ke madhyam se bhi sahi-sahi samay nikala ja sakta hai? yani bhagyoday kab hoga? kis prakar se hoga? kaha hoga desh ya videsh men? ki tarikon se hoga? naukri kab lagegi? unnati kab hogi? aur vyapar men labh kitna aur kab hoga? ki vastu ke vyapar se labh hoga? santan sukh kaisa rahega? patn paksh kaisa hoga? sasural se dhan milega ya nahin? aise saikron prashnon ke uÿar hast rekhavid bata sakta hai aur inka kal bhi nirdharan kar sakta hai. kal nirdharan ki vidhi pashchatya hasat rekha-visheshagyaon ne samay nirdharan hetu saptavarshiya niyam tatha bhartiya vidvanon ne panchavarshiya niyam apnaya hai. parantu yahan yah prashn uthta hai ki in pure panch varshon men ek hi aur ek ghatna ghatit hogi, jabki jivan itna jatil ho gaya hai? vastutah hamen kuch aur sukshmata men jana hoga. ham jivan rekha, hriday rekha, mastak rekha, bhagya rekha, svasthya rekha, mangal rekha,manibandh rekha adi ke bare men jante hain tatha iske sath hi sath prabhavak rekhaon ke bare bhi jante hain. ye choti-choti sukshm rekhaen pratyek rekha se upar ki or uthti hui-si drishti gochar hoti hai. inhin rekhaon par adhik dhyan diya jae, kyonki yahi rekhaen pratyek ghatna ka varsh, mas aur din batane men samarth hoti hain. par iske sath hi sath dhrubank ki bhi jankari avashyak hai. pratyek vyakti ki hatheli men pratyek rekha par ye prabhavak rekhaen nishchay hi hoti hain sath hi pratyek vyakti ka dhrubank alg-alag hota hai. dhrubank nikalna purush ke dahine hath tatha stri ke baen hath ki anguliyon ke pratyek por ke 3-3 poruon par sthit khari rekhaon ko gin liya jay; par unhin rekhaon ko ginna chahie, jo spasht khari, lanbi aur puri hon; tuti hui ya bahut choti nahin. iske sath hi anguthe angutheke niche shukra-parvat par sthit rekhaon ko bhi ginakar unmen mila diya. in sab rekhaon ke yog ko ti guna karke gunanafal men se do ghata den tatha shesh piche bachen, usmen 96 ka bhag de den. avdhi varsha-mas-din nikal den. udahrnartha- yadi kisi vyakti ki kul is prakar ki sankhaon ka yogaray aya, to uparyukt riti ke anusar 24 ko tin se guna kiya 72 hue , inmen se do ghataen, to shesh 70 rahe, ismen 96 ka bhag dene par avdhi ath mas, teis din (avdhi men vardas aye aur piche jo shesh raha use bhi ek dinman kar terah din liye) aye. yah samay vyakti ka nyun samay kahlata hai. is samay ko use bhag dene par sunya ata hai, atah us vyakti ka sukshm samay mas 16 din ae. hamen nyun samay aur sukshm samay ko dhyan men rakhna chahie. ab udaharan ke lie ek chalis-pachas sal ka lagne vala vyakti hath failakar yah puchta hai ki mera bhagyoday kab hoga? is samay bhi dhrubank ko dhyan men rakhna hai, dhrubank ko 32 se guna kar 18 ka bhag do to vyakti ka chalu varsha-mas nikal aega. purva udaharan men dhubank 24 hai. in 24 ko 32 se guna kiya, to gunanafal 768 ae. ismen 18 ka bhag diya, to avdhi 42 varsh 8 mas ae. atah yah spasht hua ki samne jo hath failakar jatak baitha hai, uski ayu 42 varsh 8 mas ki hai. ab iska bhagyoday samay nikalna hai, vah is umra ke bad ki nikalna hai. jo bhagya rekha manibandh se aranbh hokar mastaka-rekha tatha hriday rekha ko katti hui madhyama anguli ke tisre por tak pahunchti hai, vah puri rekha ka praman 96 varsh ka samjhna chahie. jahan bhagya rekha mastak rekha ko katti hai, vah 57 varsh ki samapti ki suchak hai aur hriday rekha se upar vali rekha ka praman 39 varsh ka samjhna chahie. ab hamen 42 varsh 8 mas se bare vyakti ka bhagyoday dekhna hai aur yah samay nishchay hi bhagya rekha v mastak rekha ke katan tatha bhagya rekha v hriday rekha ke katan ke bich men hai. isi bich ki rekha ki duri 21 varsh ki hai. ise 21 bhagon men vibhajit kar dijie, to pratyek bhag ek varsh ka suchak hoga. parantu nahin, yah bhagya rekha ke anusar 1 varsh ka, par us vyakti ke ei ek ek bhag nyun samay arthat 8 mas 23 din ka hai. tarikh ka aranbh 18 tarikh se samjhna chahie. mastak rekha se upar ke chathe bindu ke bad men (jab ki 42 varsh samapt honge) yadi koi shreshth prabhavak rekha ho, uÿam shubh bhagyodyi chihn ho, to us samay ki ganna kar vyakti ke bhagyoday ko sahi-sahi samay nirdharit kiya ja sakta hai. udahrnarth 14 varsh ke upar tatha 45 varsh ke niche koi shubh priya ho, to us samay ki ganna kar vyakti ka bhagyoday 44 varsh tatha mas bataya ja sakta hai. yadi is prakar 5 mas ate hon, to kaha ja sakta hai ki bhagyoday 44 varsh 5 mah ke anantar hoga. abhyas ke pashchat hath dekhne par ek minat men dhrubank gyat kiya ja sakta hai aur tin-char minton ke bhitr-bhitar nyun samay aur sukshm samay tatha samne baithe vyakti ko vartaman ayu gyat ki ja sakti hai. anubhav hone ke pashchat yah napne bagairah ki jarurat nahin parti, apitu abhyas turant ghatna ghatit hone ka thik-thik samay nikala ja sakta hai. parut jab tak pura abhyas n ho, tab tak sahi dhurabank nahin nikala ja sakta. kalpit dhurabank ya galat dhrubank se ganit karne par fal bhi thik nahin utrta. is prakar yah vidhi apnakar ap kisi vyakti ka kisi bhi ghatna ka sahi samay nikalne men saksham honge aisa mera vishvas hai.