shri hanuman ji ki is kaliyug men mahima mahan hai. unki puja, upasna, mantra aur path karne se manav ke sabhi kasht dur hote hain. hanuman ji ka nam lene matra se hi bhakton ki har samasya ka nivaran ho jata hai. bhagvan ram ne bhakton ki raksha aur unke kalyan ke lie hanuman ji ko is prithvi lok men vas karne ko kaha tha aur tabhi se hanuman ji is kaliyug men sada sahay hue hain. aj is sansar men aise bhi log hain jin par aye bare se bare kasht aur vipatti bhi hanuman ji ke nam lete hi dur ho gai hai. hanuman ji bari se bari samasya ka nivaran karte hain. hanuman ji ki upasna se nirogi kaya ka ashirvad milta hai. sath hi hanuman shakti, shanti, buddhi aur bhakti ke devta hain tatha shani parishram ke karak grah hain aur hanuman shram karne ke lie paryapt shakti pradan karte hain. hanuman ji prasann hon to shani dev bhi svatah prasann hote hain. islie shani ko manane ke lie hanuman ko bhi puja jata hai. hanuman ji ka pujan bari hi pavitrata ke sath karna avashyak hai. ram bhakt hanuman ji ki kripa se aradhak ke jivan men ane vale mrityu tulya kashton ka bhi sarlta se nivaran ho jata hai.hnuman ji ki kripa prapt kar ap dhan, vijay aur arogya prapt kar sakte hanai. isi dhyey hetu hanuman ji ke pujan ke achuk upay yahan bata rahe hain.
in upayon se jivan ke durbhagya ko saubhagya men badla ja sakta hai.
- dhan aur samriddhi prapti ke lie pratidin ratri men sone se purva hanuman ji ke sammukh sarson ke tel ka mitti ka dipak jalayen aur hanuman chalisa ka path karen.
- dhan agaman marg ko badharhit karne ke lie ramayan ya shriramchrit manas ka path karen ya rojana inke dohe parhen. sathi hi rojana hanuman ji ko dhaup-agarabatti v ful arpit karen.
- hanumanji ka foto ghar men pavitra sthan par is prakar se lagaen ki hanuman ji dakshin disha ki or dekhte hue dikhai den. yah upay apke virodhiyon ko shant kar, dhan dega.
- iske atirikt samathrya anusar kisi vishesh parva ya tithi par hanuman ji ka vishesh shringar karen. is upay ko kar ap apni manovanchit kamna purn kar sakte hain.
- manglvar ya shanivar ko 11 pipal ke patte lekar saf jal se dho len. in patton par chandan se ya kumkum se shriram ka nam likhen. iske bad hanumanji ke mandir jaen aur unhen ye patte arpit kar den. aisa karne se jivan ke sare dukh dur honge.
- pratyek manglvar ya shanivar ko sindur v chameli ka tel hanumanji ko arpit karen. is upay se bhakt ki sabhi ichchaen puri hoti hain.
- pratyek manglvar ya shanivar ko hanuman ji ko banarsi pan charhaen. aisa karne se hanuman ji ki kripa hamesha bani rahti hai.
- har manglvar aur shanivar ko kisi bhi hanuman mandir men 11 kale urad ke dane, sindur, chameli ka tel, ful, prasad arpit karen. sath hi sundarakand ka path ya hanuman chalisa ka path karen.
- manglvar-shanivar ko hanumanji ka vidhivat pujan karne se sabhi prakar ke kasht aur klesh nasht ho jate hain. iske sath hi kundli men mangal evan shani ke ashubh prabhav bhi dur ho jate hain.
- kachchi ghani ke tel ke dipak men laung dalakar hanuman ji ki arti karen, sankat dur hoga aur dh an bhi prapt hoga.
- dhan labh prapti ke lie manglvar ya hanuman jayanti ke din chandan ke nau paiket lekar kele ke vriksh par tang den. smaran rahe yah chandan pile dhage se hi bandhna hai.
- ek nariyal par sindur, mauli, akshat arpit kar pujan karen. fir hanuman ji ke mandir men charha aen, dhan labh hoga.
- shanivar ke din krishn varn ke pashuon ko roti khilaen, dhan labh hoga.
- pipal ke per ke niche sarson ke tel ka diya jalaen. diya jalakar usmen kale urad ke tin dane avashya dalane. yah upay lagatar manglvar aur shanivar sayankal men karen. isse apke sabhi karya shighra purn honge.
- sindur aur chameli ke tel ka dipak jalakar hanuman ji ko lal langot arpit karen. yah upay pratiyogi parikshaon men saflta deta hai.
- hanuman mandir men dhvaja dan karne par sarva kamna purn hoti hai.
- iske alava bandrane ko chane ka vitaran karne se bhi hanuman ji shighra prasann hote hain. hanuman ji ke shubh ashirvad se vyakti ko sabhi karyon men saflta milti hai.
- ganbhir rogon ko dur karne hetu sindur lage hanuman ji ki murti ka sindur lekar sita ji ke charnon men lagaen. fir mata sita se ek shvans men apni kamna nivedit kar bhakti purvak pranam kar vapas a jaen. hanuman ji ke kripa se rog shighra dur honge.
- vishva bharan poshan kar joi, takar nam bharat as hoi athva kavan so kaj kathin jag mahi jo nahin hoi tat tumh pahi - vyapari varg, vidyarthi varg, rojgar prapti ke ichchuk vyakti uprokt donon men se kisi chaipai ka shukla paksh manglvar ko dakshin mukhi hanuman ji ki murti ki 108 parikrama chaipai parhte hue karen. hanuman ji ko kesri sindur, chameli ka tel, chandi ka vark, mauli, chola, besan ke laddu charhayen. iske uprant 40 din nirantar is chaipai ki lal asan par baith kar lal chandan athva munge ki mala par 10 mala nitya jap karen. is avdhi men manglvar ka vrat nirahar karen athva ek samay fal, dudh ya gur ki roti ka sevan karen. sath hi 40 din purnatah brahmacharya ka palan avashyak hai. sabhi sankton ka nivaran nishchit rup se hoga.
- hanuman mandir men ek nariyal apne sir se sat bar var len. iske bad yah nariyal hanumanji ke samne for den. is upay se apki sabhi badhaen dur hongi.
- shanivar ko hanumanji ke mandir men ek nariyal par svastik banakar hanumanji ko arpit karen. sath hi hanuman chalisa ka path karen. apki sabhi manokamnaen purn hongi.
- hanumanji ko sindur ka chola charhane se vyakti ke sabhi sankton ka nivaran hota hai.
- manglvar ya shanivar ke din hanumanji ko sindur aur tel arpit karen. jo vyakti shanivar ko hanumanji ko sindur arpit karta hai uski sabhi ichchaen puri ho jati hain.
- apne samathrya ke anusar hanuman mandir men bajrang bali ki pratima par chola charhaen. yah upay karne se apki sabhi manokamnaen purn hongi.
- hanumanji ke sammukh shanivar ratri men chaimukha dipak jalaen. yah upay niyamit rup se karne par apke ghar-parivar ki sabhi pareshaniyan samapt hongi.
- shanivar pratahkal men kisi pipal ke per ko jal charhaen aur sat parikrama karen. iske bad pipal ke niche baithakar hanuman chalisa ka path karen. is upay ko karne se shani v mangal donon grahon ke dosh dur hote hain. un gan ganptyai namah, athva buddhihin tanu jani ke sumiro pavan kumar. bal buddhi vidya dehu mohe harhu klesh vikar.. û jo vidyarthi ganesh ji ke mantra athva shri hanuman chalisa ki uprokt likhit chaipai ka nitya prati lal chandan athva rudraksh ki mala par hanuman ji ke samne baith jyoti jala kar unka dhyan karta hai, vah nishchit rup se pariksha men uttirn hota hai.
- iske sath hi vidyarthi nityaprati 11 tulsi ke patte mishri ke sath pis kar sevan karen. imli ke patte apne pathya pustakon men rakhen.
- parad hanuman pratima athva kisi pratishthit devalay men hanuman ji ke pujnoprant, lal asan par baith kar lal hakik ki mala se nitya nimnalikhit mantra ki ek mala jap karne se sadaiv vijay prapt hota hai. atulit bal dham hem shailabhdehan danuj vankrishanun gyaninamagraganyam sakal gun nidhanan vanranam dhishan raghupti priya bhaktan vatjatan namami.
- nitya pratidin 7-11-21 bar hanuman ji ke samne sundar kand ke uprokt shlok ka path karne par sarvakarya siddh hote hain. hari markat markat vam kare parimurchat munchatti shrinkhlikam” - devalay men hanuman ji ki pran pratishtha murti ke sammukh tanbe ke dipak men, alsi ke tel jalakar hanuman ji ka pujan kar jo vyakti munge ki mala se nityaprati 108 bar is mantra ka jap karta hai, uske bandhan kat jate hain evan bandhan bhay dur ho jate hain.
- manglvar ko hanumanji ko lal ya pile ful jaise kamal, gulab, genda ya suryamukhi charhane se sare vaibhav v sukh prapt hote hain.
- manchahi kamna puri karne ke lie sindur lage ek nariyal par mauli ya kaleva lapetakar hanumanji ke charnon men arpit karen. nariyal charhate samay shri hanuman chalisa ki is chaipai ka path man hi man karen- jay jay jay hanuman gosain, kripa karhu guru dev ki nain.
- hanumanji ko naivedya charhane ke lie
1) pratah kal men nariyal ka gola ya gur ya gur se bane laddu ka bhog lagayen.
2) isi tarah dopahar men hanuman ki puja men ghi aur gur ya fir gehun ki moti roti banakar usmen ye donon chijen milakar banaya churma arpit karna chahie.
3) rat ke vakt hanumanji ko vishesh taur par fal ka naivedya charhana chahie. hanumanji ko jamafal, kele, anar ya am ke fal bahut priya batae gae hain. is tarah hanumanji ko mithe fal v naivedya arpit karne par duahkh v asfltaon ki karvahat dur hoti hai aur vah sukh v saflta ka svad chakhta hai.
- hanumanji ko ghisakar taiyar kie gaye lal chandan men kesar milakar lagane se ashanti aur kalah dur ho jate hain.
- jab bhi hanumanji ko jo bhi naivedya charhayen to yathasanbhav usmen gay ka shuddh ghi ya usse bane pakvan jarur shamil karen. sath hi bhakt svayan bhi us prasad ko avashya grahan karen.