hanuman ka prithvi vas  

hanuman ka prithvi vas drongiri ke siddhashram kshetra men jab sanjivni -sanbandhi sara karya bhali bhanti sanpann ho gaya tab apni shat-sahasra shaktiyon ko hanuman ji ne anant koti shaktiyon men samahit kar liya aur atmarup men sthit hokar shriram-nam ke rup ka chintan karte hue samadhisth ho gae. us samay anant brahmadon ke sanpurn prakash ka mul karan rup param prakash shri hanumanji ke divya vigrah se vikirn ho raha tha. vah keval siddhashram men hi simit nahin raha, varan kshan prati kshan barhta hua digdigant men vyapt ho gaya. itna hi nahin, vah tejomay, kintu shitlta pradan karne vala anupam prakash brahmalok, vaikunthlok, shivlok, golok, saket lok adi nitya dhamon tak ja pahuncha. brahmalok men devi sarasvati us prakash ki abha se ashcharya chakit hokar shighra brahmaji ke nikat gain aur bolin, ‘‘bhagvn! hamara lok to apke divya prakash se hi svayan dipt rahta hai, fir yah atishay divya prakash aj sahsa kahan se prasfutit ho raha hai?’’ brahmaji ne kaha, ‘‘priye! main bhi is adbhut prakash ko dekh raha hun, kintu kuch samajh nahin pa raha.’’ ‘‘tab fir?’’ ‘‘tab fir kya, mere janak, guru aur hitaishi ramapti bhagvan vishnu hain. iska rahasya janne ke lie mujhe unke pas hi jana parega.’’ brahmaji ne sankalp kiya aur palak jhapkte vaikunthlok pahunch gae. unke ane ka karan janakar shri vishnu bole, ‘‘chaturann! jis param prakash ki bat ap kar rahe hain, vah to yahan bhi hai. kintu main nahin samajh pa raha ki yah ati tejomay divya jyoti kahan se a rahi hai. ise samjhne ke lie aie, ham sadashiv mahadev ke pas chalen.’’ donon sankalp lekar dekhte-dekhte shivlok pahunch gae. vahan devadhidev mahadev ne kaha ki is tejomay prakash ka srot krishnapriya bhagvti radharani hain. yah sunakar harsh se prafullit hote hue shrihri bole, ‘‘dhanya hain. jis uddeshya se ham donon apke pas ae the, vah purn ho gaya. apne prakash ka srot avashya bata diya. to fir vilanb kyon? aie, chalen.’’ sankalp karte hi brahma-vishnu-mahesh golok pahunch gae. golok men shivji ne kaha, ‘‘kisi sevika ke dvara apne ane ki suchna bhejne se adhik achcha yah hai ki ham tinon sarveshvari ka stavan karen. dayamyi mateshvari stuti sunakar hamen darshan dene ke lie avashya aengi.’’ tabhi vicharan karte hue muni narad bhi vahan a pahunche. brahma, vishnu, mahesh aur narad ki sammilit stuti ki dhvani jis samay antahpur men pahunchi, us samay paratpar brahm bhagvan shrikrishn evan adyaprakriti bhagvti shriradha ratnasinhasan par asin anand-magn the. sarveshvari shriradha ne kaha, ‘‘praneshvar! narad sahit tridev hamari stuti kar rahe hain. hamen chalakar unhen darshan dena chahie.’’ shrikrishn bole, ‘‘pranadhike! ve tumhari stuti kar rahe hain, tum jao. main yahin tumhare dhyan men lin rahunga.’’ bhagvti ne sashcharya kaha, ‘‘yah ap kya kahte hain, prabho! ham donon prithak hain kya? ap ne suna hoga ki unhonne prayah pratyek pad men mere sath apke nam ka bhi uchcharan kiya hai. yadi ap nahin chalenge, to main bhi nahin jaungi.’’ tab shrikrishn unke sharir men samahit ho gae aur krishnamayi bhagvti radha mand-madhur has se yukt var mudra dharan kie hue bahar niklin. tadnantar sarveshvar sarveshvari tridevon ki or unmukh hokar bolin, ‘‘jis param prakash ko dekhakar ap tinon chamatkrit ho gae, vah apka hi sammilit prakash hai. golokeshvar bhagvan shrikrishn sahit mera prakash bhi usmen samahit hai.’’ shri vishnu ne kaha, ‘‘tab to us prakash ki divyata ap donon ke karan hai, ismen koi sandeh nahin. ab yah spasht ho gaya ki vah prakash is tejpunj golok se niahsrit hua hai.’’ ‘‘nahin, apka yah anuman satya nahin hai srishtipalk!’’ ‘‘to fir iska srot batane ki kripa karen sarveshvari.’’ sarveshvari ne unse pucha ki kya ve us prakash srot ko keval janna chahte hain, ya fir use dekhne ki bhi ichcha hai? charon ne ek svar se kaha ki vah use dekhna bhi chahte hain. tab bhagvti ne unse ankhen band karne ko kaha aur unhen lekar chal parin. ‘‘yah lijie’’ kahakar narad ji ke sath-sath tinon devon ne ankhen band kar lin. shrikrishn shriradha maharani ke sankalp karte hi sab divya shaktiyan siddhashram men upasthiti ho gain. adesh pane par charon ne apne netra khole, to apne ko drongir ke siddhashram men khare paya. tridevon ne dekha ki ek shubhra sfatik prastara-khand par shri hanuman ji dhyanamagn virajman hain aur unke sharir se nirantar vahi divya prakash niahsrit ho raha hai, jo unke lokon men vyapt hai. tab brahma ji ne bhuvneshvari shriradha maharani se nivedan kiya, ‘‘parmanugrah rupini mateshvari! dhyanavastha men yah to pavnputra hanuman ji hain.’’ shriradha maharani ne kaha, ‘‘han brahmadev, yah pavnputra hanuman ji hi hain. kintu ab keval hanuman ji nahin rahe. ab yah onkar rup parabrahm ho gae hain. yah sakar hote hue bhi nirakar hain, sagun hote hue bhi nirgun hain tatha sasim dikhte hue bhi asim hain.’’ brahmaji ki kuch ashcharyamyi bhav-bhangima dekhakar sarveshvari age bolin, ‘‘ismen ashcharya karne jaisi koi bat nahin hai. ap to jante hain ki ap tinon divya shakti-sanpann bari-bari se inke sharir men lin ho chuke hain evan sarveshvar prabhu shrikrishn sahit main bhi inmen samahit hun. tab shri hanuman ji onkar rup parabrahm kyon n ho jaen?’’ yah sunakar brahma-vishnu-mahesh santusht ho gae. fir prabhu ki prerna se narad ji ke man men ek vichar udit hua. kuch sochakar unhonne shriradha maharani se kaha, ‘’jagdanbike! hanumanji ke is divya vigrah men svayan ap tatha ye tinon mahashaktiyan samahit hain. yah svarup ham sabke lie to param saubhagyashali hai hi, kintu main chahta hun ki bhulok men anek siddhapith tatha siddhakshetra hain, jahan vibhinn devi-devta sthapit hokar din-dukhi manvon ki kamna purn karte tab unhonne sarveshvari ki or dekha. is par shriradha maharani ne unhen nirgun-nirakar svarup ki stuti chorakar mahavir ke sagun-sakar svarup ki stuti ka paramarsh diya. muni narad ne aisa hi kiya. mahavir hanuman ke dhyanmukt hone par sarveshvari ka sanket pakar narad ji ne ati vinamra bhav se apni bhavna kah sunai. tab hanumanji ne kaha ki vichar to uttam hai, kintu main prabhu shri ram ko chorakar kahin nahin ja sakta. asha hai, ap mujhe kshama karenge.’’ is sankshipt tatha arthapurn uÿar se sab maun ho gae. tab sarveshvari ne shri sita ram ka smaran kiya aur ve tatkal vahan prakat ho gae. hanuman ji ne ati harshit hokar charnon men sashtang pranam kiya, tridev tatha narad ji ne bhi pranam kiya. usi samay sarveshvar bhagvan shrikrishn bhagvti shriradhaji ke sharir se bahar nikal ae. tab shriradha krishn aur aur sitaram prem purvak paraspar mile. jab shrisitaram ji ko narad ka vichar aur hanuman ji ka asvikar karna bataya gaya, tab unhonne hanuman ji se prithvi par vicharan karne ko kaha. ab hanuman ji kya karte? prabhu ke adesh ka ullanghan to ve svapn men bhi nahin kar sakte the. fir shriram apne ek rup se hanuman ji men samahit ho gae. hanuman ji ne tatkal manvrup dharan kar liya. fir narad ji ne unhen pranam kiya aur ek shashya ki bhanti adrpurvak kaha, ‘‘aie gurudev, bhulok ki or padharie.’’ aur fir guru-shishya bhulok ki or chale. hain. onkar svarup is divya vigrah ki bhi sthapna bhulok men kahin ho jae, to bechare manvon ka param kalyan ho. is vigrah ka mulrup to yahan siddhashram men sthir rahega hi.’’ narad ji ke is vichar ka samarthan tridevon ne bhi kiya. unki is lok-kalyan ki bhavna se abhibhut radha ji ne unhen mahavir hanuman ki stuti karne ka adesh diya. narad ji ne kai bar stuti ki, kintu hanuman ji ka dhyan bhang nahin hua.