pane dekha hoga ki garib parivar men janma shishu aur amir parivar men janma shishu janmakal men ek jaise hote hain, n unka nam-yash hota hai aur n ve dhan-daulat ke pratyaksh malik hote hain. halanki yah sanbhav hota hai ki dhani parivar ka shishu age chalakar sanpatti ka uttaradhikari hone ke nate dhanvan hi hoga, kintu kabhi-kabhi yah nahin bhi hota hai. aisa bhi ho sakta hai ki garib parivar ka shishu age chal kar dhan-sanpda ka svami ho jae aur amir parivar ka shishu age chalakar nirdhan ho jae. aise kai udaharan samaj men dekhe ja sakte hain. akhir ve kaun se karan hain jinse yah sanbhav hota hai? kaise ham janen ki kaun apar dhan-sanpda ka svami ho sakta hai? isi rahasya ka udghatan karti hain hamari hastarekhaen:
1. yadi hath men jivan rekha spasht, naram hath, budh kshetra spasht ho, budh ki ungli surya ki ungli ke tisre por se lanbi ho aur mastishk rekha sundar aur spasht ho to jatak bari sanpatti ke malik hote hain.
2. hath bhari ho aur jivan rekha ke sath mangal rekha ant tak chale to aise vyakti paitrik sanpatti ke malik hote hain.
3. ek se adhik bhagya rekhaen hon, ungliyon ke adhar barabar hon, anya rekhaen spasht hon to aise vyakti sanpattishali hote hain.
4. shani aur surya ki ungliyan barabar hon, guru par trikon ho, bhagya rekha spasht ho, jivan rekha drirh aur hatheli mulayam ho to dhan prapti ke yog bante hain.
5. guru ki sthiti majbut ho, bhagya rekha shani parvat ya guru parvat tak jati ho, bhagya rekha saf-suthri, nirdosh ho aur mastishk rekha bhi spasht, svasth aur akarshak ho to aise vyakti achchi pad-pratishtha vale aur dhanvan hote hain. yadi apke hathon men bhi is prakar ki rekhaen upasthit hain to iska labh apko avashya hi milega aur yadi nahin bhi hain to hatash hone ki avashyakta nahin hai. pratikul grahon aur pratikul hastarekhaon ka dushprabhav sarvatha samapt to nahin kiya ja sakta kintu niyamit pujan adi satkaryon ke dvara inke prabhav ko kam kiya ja sakta hai. iske lie kisi visheshagya ki sahayta avashya leni chahie.