balon ki samasya ke jyotishiya karan kya hain? balon ka karak grah shukra v budh hote hain. budh grah ke kamjor v pirit hone par balon ki samasya ka samna karna parta hai. shukra grah kamjor ya pirit hone par bal sundar v chamkdar nahin hote v jharte hain. agar apke bal jharte hon to kya karen? pani jyada piyen. safed vastuon aur safed kapron ka prayog jyada karne ki koshish karen. tanav kam rakhen. tanbe ki katori men dahi dalakar do tin din rakhen. dahi thori hare rang le legi
fir dahi ko saptah men do bar sir par lagayen. 15 se 20 minat bad sir dho len. agar ap ganjepan se pirit hain to kya karen? agar ganjapan age se piche ki or barh raha hai to apki kundli men surya v budh kamjor hai ya pirit hai. aisi sthiti men ap surya ko roj subah jal ka aghrya den v u aditya namah ka 108 bar uchcharan karen. hare dhaniya ko pis kar lugdi bana len v sir par kam se kam do ghante ke lie lagayen aur sir dho len. saptah men kam se kam do bar aisi prakriya dohrayen avashya apko labh milega. agar ganjapan sir ke madhya bhag men ho raha hai
to iska sanbandh apki kundli men brihaspati grah ke atyadhik bali hone se hai. aisi sthiti men roj subah surya jal dete samay jal men thori haldi avashya dalen aur un aditya namah ka 108 bar jap karen v guru sthan par dharmik kitabon ka dan karen. agar apke bal patle v do mukhi hain to aisi sthiti men kya karen? aisi samasya tabhi utpann hoti hai agar apki janmkundli men shukra v chandra grah donon ki sthiti bahut kamjor v pirit hai.
ap dahi men ninbu ka ras milakar balon men lagayen v 15 minat bad balon ko sade pani se dho den, khane men khatti vastuon ka prayog n karen apko labh avashya milega. jaldi labh ke lie dudh v dudh se bani vastuon ka khane men adhik prayog karen. agar apke balon men rusi hai to kya karen? agar apki kundli men budh grah kamjor ya pirit hai
to balon mane rusi ki samasya banegi. aisi sthiti men pani men thora sa sirka dalakar sir ki tvacha v balon par halke hathon se lagayen v kuch der bad sade pani se dho den. saptah men kam se kam do bar yah prakriya dohrayen. sath men balon par jaitun ke tel ki malish karen v choti ungli men tanbe ka challa budhvar ke din dalen apko avashya labh hoga.