jan andolnon se jakhmi hui kangres sarkar char rajya vidhansbha chunavon men har ke bad baikfut par chali gai hai. do bare rajyon men jit ki haitrik ke bad bhajpa ke hausle bulandi par hain. vidhansbha chunavon men jit ke bad bhajpa ko modi ke pradhanmantri banne ka rasta ab aur bhi asan najar ane laga hai. budhantar ne banaya mukhyamantri - narendra modi ka janm anuradha nakshatra ke svami shani ki vinshottari mahadsha men hua tha.
shani, budh, ketu ki mahadshaen kafi sangharshapurn rahin. shukra ki mahadsha dinank 5-10-1984 se 5-10-2004 tak chali. sahyog bhav ka svami naisargik shubh grah shukra rajya bhav dasham kendra men virajman hai tatha us par panchmesh guru ki shubh drishti hai. is karan shukra ki mahadsha aur guru ki antardasha men bhajpa ne gujrat men pahli bar aktubar 1995 men narendra modi ko mukhyamantri ke lie projekt kiya. narendra modi ki janmakundli men janta ke bhav ka svami chaturthesh shani hai. shani aur shukra do kendreshon ki yuti dasham bhav men ho rahi hai, is kendradhipatya yog ke karan bhi ve am janta men lokapriya aur rajniti men safal rahe.
narendra modi ka labhesh budh apni uchch rashi men labh bhav men baitha hai aur dasham bhav par bhi uska sandhigat prabhav hai. gvaliyar panchang ke anusar 17-9-1950 ko budh pradiptavastha men 20 anshon par sinh rashi men vakri tha. yahi karan hai ki narendra modi budh ki antardasha men 2001 tatha 2002 men chunav jite aur mukhyamantri bane. budh trik bhav ka svami hone ke karan unhen anek sankton, kathinaiyon aur aropon ka samna karna para tha. rajniti ke surya ki namo namah vrishchik lagn vale jatkon ke lie surya, chandrama yog karak hote hain. narendra modi ki janmakundli ka ki-plenet surya hai.
dashmesh arthat rajyesh surya svayan ke nakshatra uttarafalguni men sthit hai tatha labhasthan men baitha hai, kintu dasham bhav ki sandhi tatha sinh rashi ke samip hone se surya balvan hai. is karan unka rajyapaksh bahut majbut hai. surya ki shubh sthiti ke karan hi unka chehra, chal aur charitra sinham ki bhanti dikhai deta hai. is surya ne hi bhartiya rajniti ke kshitij par modi ka prakash failaya hai, jise sabhi naman karte hain. surya ki mahadsha ke pure kal men ve mukhyamantri rahe. atmakarak shani ne banaya gujrat ka maharaja- karkanshe yada sauri mrityuloke prasiddhayak. mahto karmana vrittiah kshitipalen pujitah (vri.pa.ho. 12/2/26).. narendra modi ki janmakundli men shani sarvadhik anshane (29ah40) par hone ke karan atmakarak hai. karkansh lagn men shani hone se narendra modi sansar men prasiddh bare karyon ko karne vale hain.
ve sangh pramukh mohan bhagavat aur bhajpa adhyaksh rajnath sinh ke chahete aur pahli pasand hain. putratmakarkau vipra lagne va panchme'pi ch. sanbandhe vikshite tatra drishtaivan panchmadhipe (vri. pa. ho. - 21/04/06) .. maharshi parashar ke anusar atmakarak aur panchmesh se rajyog ko dekhna chahie. atmakarak aur panchmesh lagn ya pancham bhav men ho athva donon ka paraspar drishti sanbandh ho to ‘maharaj yog’ hota hai. narendra modi ki janmakundli men atmakarak shani aur panchmesh guru ka paraspar drishti sanbandh hai, islie unki kundli men bhi maharshi parashar dvara kathit maharaj yog hai. yah yog unhen yuvraj nahin sidha raja banaega. uprokt maharaj yog ke karan hi atmakarak shani ne apni antardasha men disanbar 2007 men sarvadhik siton (117 vidhaykon) par jit dilakar tisri bar gujrat ka maharaja (siem) banaya. rajniti ka rahu: rahu rajniti aur kutniti ka karak hai. yah sangharsh, parakram aur prapanch ka bhi karak hai.
rahu narendra modi ki janmakundli ke pancham bhav tatha min rashi aur shani ke nakshatra uttarabhadrapad men baitha hai. pancham bhav men baitha rahu kendresh (dasham bhav ka svami) surya se paraspar drishti sanbandh ke karan shubhfldata ban gaya hai. panchamasth rahu bhagya bhav aur bhagyesh ko dekh raha hai. rahu chandra ke isi yog ke karan chandrama ki mahadsha aur rahu ki antardasha men disanbar 2012 men gujrat vidhansbha chunavon men jit ki haitrik lagai tatha chaithi bar mukhyamantri ke sinhasan par arurh hue. shankh yog banaega modi ko pradhanmantri anyonyakendra grihgau sutashatrunathau lagnadhipe balyute yadi shankhyog. vrihad parashar horashastra ke unnisven adhyay ke terhven shlok ke anusar- yadi panchmesh aur shashthesh ek-dusre se chaturtha-dasham ya sam-saptak kendra sthan men hon tatha lagnesh balvan ho to shankhyog hota hai.
bhajpa dvara prastavit pradhanmantri pad ke pratyashi narendra modi ki janmakanudli men panchmesh guru chaturth bhav men tatha shashthesh mangal lagn men sthit hai. atah panchmesh-shashthesh ek-dusre se chaturtha-dasham kendra men baithai hain tatha lagnesh mangal bhi balvan hai. islie narendra modi ki janmakundli men maharshi parashar dvara kathit shankhyog hai. yah shankhyog modi ko avashya hi pradhanmantri banaega kyonki pan. javahar lal nehru, shrimti indira gandhi, chaidhri charan sinh, atal bihari bajpeyi adi bharat ke pradhanmantriyon ki janmakundliyon men bhi shankh yog tha. guru karenge modi ka rajtilk
1. narendra modi ki janmakundli men guru dhanesh v panchmesh hone ke karan shubhfldata hai. guru sukh bhav men baithe hain, islie janta modi ko chahti hai.siddhantanusar lagn se chaitha guru rajyogkarak hota hai. kyonki uski sidhi drishti rajyabhav par parti hai.
2. narendra modi ki janmakundli men surya ekadash bhav aur guru chaturth bhav men hai. is prakar guru surya se 6 rashi ki duri par sthit hai. vakragatya hone se guru ko cheshtabal tatha ishtabal prapt hai.
. panchven trikon ka svami hokar guru chaturth bhav men baitha hai tatha chaturth kendra ka svami hokar shani dasham bhav men baithakar ek-dusre ko purn drishti se dekh rahe hain. is prakar kendresh, trikonesh, shani-guru ka paraspar drishti sanbandh rajyog ka nirman kar raha hai.
4. bhajpa ke pi. em. pratyashi narendra modi ki dinank 5-10-2010 se chandrama ki vinshottari mahadsha chal rahi hai. ismen guru ki antardasha dinank 5-9-2013 se praranbh hui, yah antardasha dinank 5-1-2015 tak rahegi. bhagyesh chandrama ki dasha men rajyogkarak guru ka antar pi.em pad par modi ka rajtilak avashya karega.