upagrahon ka spashtikaran 1. aprakashit: upagrahon ka sanbandh ya spashtikaran surya se hota hai. arthat surya ke spasht bhogansh se in upagrahon ko siddh karte hain, yatha- surya ka bhogansh $133.2166° = dhumopagrah 360° dhum = pathopagrah ya vyatipat path $ 180 ansh = paridhi upagrah 360° ansh paridhi = indrachap upagrah indrachap ka bhogansh $16°40’ = shikhi ya upketu shikhi ka bhogansh $ 30° = surya ka spasht bhogansh sarlikaran (uparyuktanusar) surya ka spasht bhogansh $ 133° (4°13sh20sh) = dhum upagrah 360 ansh = 12 rashiyan (ek rashi = 30 ansh) - dhumaspasht = path upagrah. path $ 180 ansh (=6 rashi) = paridhi. 360 ansh (=12 rashiyan) - paridhi = indrachap indrachap $ 16°40sh = dhvaj (upketu) dhvaj $ rashi (= 30 ansh) = suryaspasht udahrn: pandit harasvarup mishra ke ghar gram amar sinhpur (merth) men 07.12.1947 ko purvanh 8 bajakar 20 minat aur 31 sekand par jatak ka janm hua. us din dinman 25 ghari 45 pal tha. suryoday 6 bajakar 34 minat 20 sekand par hua. surya spasht us din janm samay par = 4e21°01sh13sh hua. ise anshon men = 142.2166 ansh hua. ab ise aprakashit upagrahon men dekhte hain ki - suryaspasht = 142.2166 ansh $ 133.2166 1 dhum 275.4332 ansh path = 360 ansh - dhum = 360.0000 - 275.4332 2. path 84.5668 ansh paridhi path $ 180 ansh = 84.5668 $180.0000 3. paridhi 264.5668 ansh indrachap = 360 paridhi = 360.0000 - 264.5668 4. indrachap 95.4322 ansh shikhi (dhvaj) = indrachap $ 16.666 ansh = 95.4332 $ 16.6666 5. shikhi 112.0998 ansh iski shuddhata dekhne ke lie sutranusar yadi spasht shikhi ke anshon men ek rashi = 30 ansh jor die jaen to spasht surya ka bhogansh a jata hai, yatha - shikhi = 112.0998 ansh $ 30.000 surya 142.0998 ansh lekin surya spasht men kuch antar aya.
kyonki hamne dashamalav ke bad char ankon tak hi liya hai pura nahin. anyatha surya ka purn bhogansh hi aega. ghamantu ya sanchrniya grahon ka spasht karna uparyukt udaharan ke anusar dinman diya 25 ghati 45 pal. samay diya hua hai purvanh 8ghan. 20mi. 31se.. isse purva ham ise siddhant ki kasauti par karen. ek bat spasht karne ki hai ki yadi din men janm hai to dinman liya jata hai aur yadi ratri men janm hai to ratriman se ganna ki jati hai. lekin ek bat drishtavya hai ki yadi ratri men ya sandhya kal men janm hai to jis var ko janm hai to usse panchven din ka pratham upagrah ka samay gina jaega. jaise udaharan men din diya hai ravivar. yadi rat men janm hai to panchva din ravivar se brihaspativar ka din para. brihaspati ka upagrah yamkarak ya yamghantak hai isi se ganna ki jaegi aur din ke janm men usi din ke upagrah se. din v upagrah din upagrah svami grah ravivar kal somvar paridhi chandra manglvar dhum mangal budhvar arddhayam ya arddhaprahar budh brihaspativar yamakantak brihaspati shukravar kodand ya indradhnush shukra shanivar gulik shani ab udaharan ke anusar ganit karte hain:
sutra = dinman ya ratriman/8 = labdhi ghatipal men ghanton men = labdhi g 2 = ek upagrah ka samay 5 purva ke udaharan men janm din ravivar diya hai. janm purvanh 8 ghan. 20mi. 31 se. diya hai. arthat din men janm hua. sutranusar: dinman = 25 ghati 45 pal ek upagrah ka samay = 3 ghati 13 pal 07 vipal ab ise ghanton men badla = 3.13.07 ek upagrah ka ghanton men samay = 01 ghanta 17 minat 15 sekand ab spasht karne ki saral vidhi hai ki jis upagrah ke samne jo samay ghanta minton men hai us par aynansh v rekhansh ka belantar ghata kar shuddh lagn nikal len.
yahi us upagrah ka spasht bhogansh hogi. ab ise suryoday men bar-bar jorne par suryoday diya hai 6 ghanta 34 minat 20 sekand. sutranusar: janmadin ravivar uday = 6 34 20 $ 1 17 15 7 51 35 kal $ 1 17 15 9 08 50 paridhi $ 1 17 15 10 26 05 dhum $ 1 17 15 11 43 20 arddhayam $ 1 17 15 13 00 35 yamakantak $ 1 17 15 14 17 50 kodand $ 1 17 15 15 35 05 gulik $ 1 17 15 16 52 20 nirish janm samay = 8 ghan. 20 mi. 31 se. akshansh janm sthan amrsinhpur (merth) = 29°03sh uttar rekhansh ya deshantar amrsinhpur = 78°00sh purva manak samay bharat = 82°30sh. 78°00sh tra 4°30shga4 = 18 minat 00 sekand deshantar - belantar janm samay = 8 ghan. 20 mi. 31 se. - 18 mi. 8 ghan. 02 mi. 31 se. (purvanha) atah upagrah ke ghanton minat ke spashtikaran ko dekhakar pata chala ki janm samay paridhi upagrah ke kal men hai.
is prakar jo shuddh lagn janm kanudli ke lie nikala gaya hai. uski kundli banakar in upagrahon ke spasht bhogansh ke anusar kundli men lagaen. tabhi falit karen to uttam hoga.
gulik upagrah ka bhavanusar fal:
- yadi gulik lagn men hai to jatk/jatika krur kintu bhiru svabhav, chor, vinay rahit, ikhra badan (rugyata ko chorkr), netra vikar, alp santti, alp buddhi, alpayu, ved shastra viruddh, krodhi v murkh hota hai.
- yadi gulik dusre bhav men hai to kalhi, dhan dhanya ki kami rahe, pardesh men adhik rahe. bat ka paband n ho tatha vad vivad men aksham rahen.
- yadi gulik tisre bhav men sthit hai to jatk/jatika krodhi v lobhi honge. akela rahna pasand kare, adhik mad ho ya mad priya hon, bhai-bahnon ka sukh kam rahe, lekin svayan bhayhin, shokhin hokar thath-bat se jivan yapan kare.
- chaturth bhav men yadi gulik hai to bhu-bhavan mata ke sukh men kami ho tatha savari ka sukh kam mile.
- yadi gulik pancham bhav men hai to dusht buddhi ho, vicharon men dridhta n ho aur alp santti vala jatak ho.
- chathe bhav ka gulik bhut vidya ka shaukin, dakini-shakini, yakshini v bhut pretadi ka sevan kare ya svayan grast hon. shatruon ka daman karnevala, shreshth putravala hota hai.
- yadi gulik saptam bhav men hai to jatk/jatika kalhi, lauk dvaishi, alpabuddhi, krodhi, kritaghn v anek mitra/upbharyaen ho sakti hai. - ashtam bhav ka gulik chota kad, chehre v netron men viklta ya to sharirik kami ho ya vakashakti men kami ho.
- yadi gulik naven bhav men ho to dharm, guru, pita v putradi se vihin ho sakta hai.
- yadi dasham sthan men gulik sthit hai to kripan, apne baron ka anadar kare v shubh karya tyag de.
- yadi ekadash labh sthan men gulik hai to jatk/jatika sukhi, tejasvi, kantivan hon tatha putra sukh prapti bhi ho.
- dvadash bhav ka gulik vishyi, din v vyarth ka vyay karne ka gun barhata hai.
gulik ka anya grahon ki yuti men prabhav surya pita ka karak hai yadi surya ke sath gulik ho to pita ko arisht kare ya alp pitri sukh ho ya pitri dosh ho sakta hai. chandrama bhatrikarak hai, yadi chandrama ke sath gulik ho to mata ko kasht de. mangal bhratrikarak hai atah mangal ke sath yadi gulik ho to bhai ko kasht de ya bhai viyog bhi kara sakta hai.
budh ke sath gulik hone se buddhi vibhram kare. shiro rog adi de. guru dharm karak hai atah guru ke sath gulik hone se pakhandi ho jay. shukra strikarak hai atah gulik ke sath shukra hone se stri sukh kam hota hai. yadi donon saptam bhav men hon to aisa gulik anek nich striyon ke sath samagam karta hai. yadi gulik shani ke sath ho to vyadhiyon ka ghar bane aur alpayu ho. yadi gulik rahu ke sath ho to vish rogi ho ya vish se bhay ho, sarp dansh bhi ho sakta hai.
yadi gulik ke sath ho to agni, bijli, tejab adi ka bhay ban sakta hai. tyajyakal men gulik: yadi gulik ke tyajya kal men jatika/jatak ka janm ho to rajghrane men janm lene vala bhi daridri hota hai, bhikh mangakar gujara kare. vidvanon ne tyajyakal ka varnan nimn prakar se kiya hai, yatha: nakshatra ghati 1. ashvini 50.54 2. bharni 24.28 3. krittika 30.34 4. rohini 40.44 5. mrigshira 14.18 6. adrra 21.25 7. punarvasu 30.54 8. pushya 20.24 9. ashlesha 32.36 10. magha 30.34 11. purvafalguni 20.24 12. uttarafalguni 18.22 13. hast 21.25 14. chitra 20.24 15. svati 14.18 16. vishakha 14.18 17. anuradha 10.14 18. jyeshtha 14.18 19. mul 56.60 20. purvasharha 24.28 21. uttarasharha 20.24 22. shravan 10.14 23. dhanishtha 10.14 24. shatbhisha 18.22 25. purvabhadrapad 16.20 26. uttarabhadrapad 24.28 27. revti 30.34 tatparya hai ki har nakshatra men keval 4 ghati ka samay gulik ka ‘tyajya kal’ mana gaya hai.
shastriya vivechnanusar gulik ko har bhav men prayah har grah ke sath ashubh bataya gaya hai. lekin parashar ji ke anusar pustakon men aya hai ki - gulik bhavan nathe kendra ge va trikoye balini nijgrihasthe svochchamitrasthite va. rath gaj turganan nayko bhartulyo mahit prithuyashassyanmedini mandalendrah.. arthat jis ghar men gulik sthit hai
yadi us ghar ka svami kendra ya trikon men ho, bali ho, apne ghar ya apni uchch rashi men ho ya mitra rashi men ho to jatk/jatika bahut sundar, yashasvi aur prithvi ka svami hota hai. in upagrahon ka adhyayan jyotishi ko kyon karna chahie ? kripya dhyanpurvak dekhen. main jyotish ganit ke sath in upagrahon ki upadeyta batana chahta hun. gulik se pita ka vichar:
- spasht gulik men se spasht surya ghataie. jo shesh bache us rashi ya trikon men gocharavash jab ‘shani’ ata hai tab pita ko bimar karta hai, ya mrityu bhi kar sakta hai.
- spasht gulik men se spasht surya ghataie. jo shesh rashi ho uske navansh men gocharavash jab ‘guru’ ata hai tab pita ki mrityu ho sakti hai.
- spasht spasht men yamakantak spasht jorie, jo rashi ave usmen gocharavash jab ‘guru’ ata hai tab pita ki mrityu ya mrityu tulya kasht ho sakti hai.
- surya spasht men yamakantak spasht jorie, jo rashi ave usmen gocharavash jab ‘guru’ ata hai tab pita ki mrityu ya mrityu tulya kasht ho sakta hai.
- surya spasht men yamakantak spasht jorie, jo rashi ave usko dekhie ki kis navansh men hai. us navansh men gocharavash jab ‘guru’ ata hai tab pita ko mrityu ho sakti hai.
- surya spasht men yamakantak spasht ghataie jo labdhi mile, use dakhe ki kis rashi v navansh men hai. us rashi men ya navmansh men ya usse navam v pancham jab gocharavash jab brihaspati ata hai tab pita mrityu ho sakti hai.
- yamakantak men se gulik (ya mandi) spasht ghataie. jo shesh ho vah jis rashi v navansh men ho, jab us rashi navansh ya navam pancham jab gochar vash ‘shani’ ata hai tab mata ki mrityu hoti hai.
- surya spasht men se chandra spasht ghataie. shesh labdhi jis navansh men ho, jab gochar vash ‘guru’ us rashi navansh mane ae ya usse navm-pancham men ae to jatk/jatika ke mata-pita ki mrityu ho sakti hai.
- janm nakshatra se panchven nakshatra ka svami grah jo ho usmen se yamakantak spasht ghataie. jo shesh bache, us par ya usse nam pancham gocharavash jab brihaspati ata hai tab putra ki mrityu ho sakti hai.
- lagn spasht, gulik spasht v surya spasht tinon ko jorie. jo jor prapt ho use dekhie ki labdh rashi ka svami kahan hai? jab gocharavash brihaspati us sthan men a jay ya usse navm-pancham ho tab jatak ki mrityu hoti hai.
- gulik spasht ko nau se guna kijie tatha shani spasht ko bhi nau se guna kijie. donon gunnflon ko jorie. jo labdhi ave use dekhie ki kis navansh men hai. jab gocharavash us par shani ata hai tab jatak ki mrityu batlayi gayi hai.
- lagn spasht men se yamakantak spasht ghataie. labdhi jis rashi v navansh men hogi, gocharavash jab brihaspati us navansh par ata hai to nissandeh tab jatak ki mrityu ho sakti hai.
- shashthesh, ashtamesh v dvadshesh arthat tinon ke grah spasht jorie. jo rashi ave usko navansh men dekhie. gocharavash jab shani us navansh par ave tab jatak ki mrityu ho sakti hai.
- dekhie ki gulik (mandi) kis navansh men hai. gocharavash us navansh menjab brihaspati ave, punah dekhie ki gulik kis dvadshansh men hai, gocharavash us dvadshansh par jab shani ave, punah dekhie ki gulik kis dreshkan men hai. us dreshkan men ya usse navam pancham jab surya ave tab jatak ki mrityu hoti hai.