grah sthiti evan vyapar  

masaranbh men surya mithun men, chandrama min men, mangal vrish men, budh mithun men, guru mithun men, shukra kark men, shani tula men, rahu tula men, ketu mesh men, nepchyun kunbh men,yurenas min men tatha pluto dhanu rashi men honge. masaranbh men guru grah ka mithun rashi men udit hona tatha vakri gati ke shani se aur rahu se nav pancham yog men rahna tatha mangal grah se dvidvadash yog men rahna kuch pranton men upadravi logon ke upadravi v hinsak karyon men vriddhi karega jisse janta men bhay ki bhavna paida hogi. ye yog dainik upyogi vastuon men mahangai ko aur badhava dete han jisse am logon ke man men shaskon ke prati andolan ki bhavna laega. yah yog kahin satta parivartan ka bhi sanket deta hai. 5 julai ko mangal ka mithun rashi men akar surya, guru v budh ke sath chaturgrahi yog men ana tatha rahu se drishtit hona jo ki vakri gati ke shani ke sath sthit hai, yah yog vishva ke vishisht vyaktiyon ke lie kashtakari rahega. purvi yuropiya deshon men bhuskhalan, jvalamukhi visfot tufan v kahin arajkta ke karan jan-dhan ki hani ka karak ban raha hai. 16 julai ko surya ka kark rashi men akar shukra se rashi sanbandh banana v shani se drisht hona tatha mangal, guru, budh se dvidvadash yog men a jana rajnitigyaon men paraspar virodhabhas ki sthiti ko aur badhaega tatha rajnaitik asthirta ka vatavaran paida karega. kai nae-nae rogon se am janta ko pida hogi. prakritik apdaen, samudri tufan ya badh ityadi jan dhan ke lie hanikarak rahega. kahin atyadhik varsha aur kahin ekadam sukhe ke sanket bante hanai. sona v chandi masaranbh men 1 julai ko guru grah ka uday hona tatha budh grah ka ast ho jana bajaron men teji ka yog banaega. 5 julai ko mangal ka mithun rashi men pravesh kar surya, budh v guru se rashi sanbandh banana aur isi din surya ka punarvasu nakshatra par akar sarvatobhadrachakra dvara mula, uttara falguni v purvabhadrapad nakshatron ko vedhna bajaran men teji ki lahar ko age badhaega. bajaron men rajnaitik prabhav ke karan yah yog do tarfa bhi ja sakta hai atah vyapari varg bajar ki vartaman sthiti ko vishesh dhyan men rakhen. 6 julai ko shukra ka ashlesha nakshatra par akar anuradha, magha v dhanishtha nakshatron ko vedhna bajar men utar-chadhav adhik banaega. 8 julai ko shani ka margi gati men ana aur isi din somvti amavasya ka hona bajaron men purvavat teji ka rukh banaega. 10 julai ko chandra darshan budhvar ke din 15 muhurti men hona bajaron men mandi ka suchak ban raha hai. 14 julai ko mangal ka adrra nakshatra men akar purvashadha, hast v uttarabhadrapad nakshatron ko vedhna chandi men mandi ke rukh ko age banaega. 16 julai ko surya ka kark rashi men akar shukra se sanbandh banana tatha shani se drishtit hona tatha ashadh sankranti ka 30 muhurti men hona bajaron men punah teji ki lahar chala dega. 17 julai ko shukra ka magha nakshatra men akar bharni, shravan v ashlesha nakshatron ko vedhna sone men purvavat teji ka yog banaega tatha chandi men utar-chadhav ke sath teji banaega. 19 julai ko surya ka pushya nakshatra men akar jyeshtha, purva falguni v shatbhisha nakshatron ko vedhna tatha budh grah ka bhi uday ho jana bajaron men teji ki lahar ko aur age badhaega. 20 julai ko mithun rashi sthit budh ka margi gati men ana chandi men utar-chadhav ke sath teji hi banaega. 24 julai ko budh ka punarvasu nakshatra men akar mula, uttarafalguni, purvabhadra ko vedhna chandi men mandi ka rujhan bana dega. 29 julai ko brihaspati ka adrra nakshatra ke tisre charan men pravesh karna sona v chandi ke bajaran men bhi teji banaega. gud v khand masaranbh men 1 julai ko guru grah ka uday hona tatha budh grah ka ast ho jana bajaron men teji ka hi yog banaega. 5 julai ko mangal ka mithun rashi men pravesh kar surya, budh v guru se rashi sanbandh banana tatha surya ka punarvasu nakshatra par akar mula, uttarafalguni v purvabhadrapad nakshatron ko vedhna bajaron men teji ki lahar ko aur age badhaega. 6 julai ko shukra ka ashlesha nakshatra par akar anuradha nakshatra ko vedhna bajaron ko purvavat teji ke rujhan men hi rakhega. 8 julai ko shani ka margi gati men ana aur somvti amavasya ka hona teji ka hi suchak hai. 10 julai ko chandradarshan budhvar ke din 15 muhurti men hona bajaron men mandi ka suchak ban raha hai. 14 julai ko mangal ka adrra nakshatra par akar purvashadha, hast v uttarabhadrapad nakshatron ko vedhna bajaron men mandi ki lahar chala dega. 16 julai ko surya ka kark rashi men akar shukra se rashi sanbandh banana tatha shani se drishtit hona aur ashadh mas ki sankranti ka 30 muhurti men hona bajaron men punah teji ka rujhan bana dega. 17 julai ko shukra ka magha nakshatra par akar bharni, shravan v ashlesha nakshatron ko vedhna bajaron men chal rahi teji ki lahar ko aur age badhaega. 19 julai ko surya ka pushya nakshatra men akar jyeshtha, purvafalguni v shatbhisha nakshatron ko vedhna tatha budh grah ka uday hona bajaron men purvavat teji ki sthiti ko banae rakhega. 20 julai ko mithun rashi sthit budh ka margi gati men ana bajar men utar-chadhav adhik banaega. 24 julai ko budh ka punarvasu nakshatra men akar mul nakshatra ko vedhna bajaron men mandi ka rujhan bana dega. 29 julai ko brihaspati ka adrra nakshatra ke tisre charan men pravesh karna bajaron men mandi ka hi suchak banta hai. anaj v dalahan masaranbh men 1 julai ko guru ka uday hona tatha budh grah ka ast ho jana gehun, jau, chana, jvar bajra ityadi anajvan tatha mung, mauth, masur arahar ityadi dalahan ke bajar men teji ka hi yog banaega. 5 julai ko mangal ka mithun rashi men pravesh kar surya, budh v guru grah se rashi sanbandh banana tatha surya ka punarvasu nakshatra men pravesh kar mula, uttara falguni tatha purvabhadrapad nakshatron ko vedhna bajaron men teji ki lahar hi banaega. 6 julai ko shukra ka ashlesha nakshatra par akar anuradha nakshatra ko vedhna bajaron men utar-chadhav adhik banae rakhega. 8 julai ko shani ka margi gati men somvti amavasya ke din ana teji ka hi suchak ban raha hai. 10 julai ko chandradarshan budhvar ke din 15 muhurti men hona anajon v dalahan men kuch mandi ka rukh bana dega. 14 julai ko mangal ka adrra nakshatra par akar purvashadha, hast v dakshin vedh se uttarabhadrapad nakshatra ko vedhna gehun, jau, chana ityadi anajvan tatha mung mauth, masur ityadi dalahan men teji ki lahar chala dega. 16 julai ko surya ka kark rashi men akar shukra se rashi sanbandh banana tatha shani se drishtit hona tatha ashadh mas ki sankranti ka 30 muhurti men hona bajaron men teji ka rujhan banae rakhega. 17 julai ko shukra ka magha nakshatra par akar bharni nakshatra ko vedhna bajaron ke teji ke vatavaran men aur vriddhi karega. 19 julai ko surya ka pushya nakshatra men akar jyeshtha, purva falguni v shatbhisha nakshatron ko vedhna tatha budh grah ka bhi uday ho jana anajan v dalahan ki purva teji ki lahar ko age chalaega. 20 julai ko mithun rashi sthit budh ka margi gati men ana teji ka hi suchak ban raha hai. 24 julai ko budh ka punarvasu nakshatra par akar mul nakshatra ko vedhna gehun, jau, chana, jvar, bajra ityadi anajan tatha mung, mauth, masur arahar ityadi dalahan men purvavat rukh ko banae rakhega. 29 julai ko brihaspati ka adrra nakshatra ke tisre charan men pravesh karna bajaron ko mandi ki or le jane vala yog hai. ghi v telahan masaranbh men 1 julai ko guru grah ka uday hona tatha budh grah ka ast ho jana bajaron men teji ka hi suchak banta hai. 5 julai ko mangal ka mithun rashi men pravesh kar surya, budh v guru grah se rashi sanbandh banana tatha isi din surya ka punarvasu nakshatra men pravesh kar mula, uttarafalguni v purvabhadrapad nakshatron ko vedhna bajaran men purvavat teji ka rukh hi banae rakhega. 8 julai ko shani ka margi gati men ana aur somvti amavasya ka hona teji ki lahar ko aur age chalaega. 10 julai ko chandra darshan budhvar ke din 15 muhurti men hona bajaron men mandi ka suchak banta hai. 14 julai ko mangal ka adrra nakshatra par akar purvashadha, hast v uttara bhadrapad nakshatron ko vedhna ghi v telvan men mandi ka rujhan bana dega. 16 julai ko surya ka kark rashi men akar shukra se rashi sanbandh banana tatha shani se drishtit hona aur ashadh mas ki sankranti ka 30 muhurti men hona ghi v telon ke bajaran men punah teji ki lahar chala dega. 17 julai ko shukra ka magha nakshatra par akar bharni nakshatra ko vedhna teji ke vatavaran ko banae rakhega. 19 julai ko surya ka pushya nakshatra men pravesh kar jyeshtha, purvafalguni v shatbhisha nakshatron ko vedhna tatha isi din budh grah ka bhi uday ho jana ghi v telvan men chal rahi teji ki lahar ko aur age chalaega. 20 julai ko mithun rashi sthit budh ka margi gati men ana bajaron men utar-chadhav ka rukh banate hue teji ka hi rujhan banae rakhega. 24 julai ko budh ka punarvasu nakshatra par akar mul nakshatra ko vedhna bajaran men purva rukh ko banae rakhega. 29 julai ko brihaspati ka adrra nakshatra ke tisre charan men pravesh karna ghi v telvan ke bajaron men age teji ka hi vatavaran banaega.