bhagvan dhanvantari jayanti evan vrat pan. brajkishor bharadvaj ‘brajvasi’ bhagvan dhanvantari jayanti evan vrat kartik krishn paksh trayodshi ko sanpann kiya jata hai. yahi tithi dhanteras ke nam se bhi vikhyat hai. is punya pavan tithi men hi bhagvan dhanvantari ka janm hone se ise dhanvantari jayanti ke nam se bhi jana jata hai. rog shokadi ki mukti ke lie is din bhagvan dhanvantari ka puja karte hue vrat karne ka vidhan hai. jin devta ke nimitt upvas ya vrat karna ho, unke mantra ka jap, unhaki katha ka shravan, unka pujan, tatha unke namon ka shravan aur kirtan karna chahie. kamya vraton men vrati vratarambh ke pahle din mundan karaen aur shauch, snanadi nitya kritya se nivritt hokar madhyahn men ekbhukt vrat karke ratri men sotsah brahmacharya ka palan karte hue shayan karen. vrat ke din suryoday se do muhurt pahle shayya se uthakar shauchadi se nivritti ho, bina kuch khae-pie surya evan vrat ke devta ko pranam kar apni abhilasha nivedan karke sankalp sahit vrataranbh karen. ganeshambika, varun, navagrahadi devon aur fir pradhan devta bhagvan dhanvantari ka svasti vachan, sankalp, punyahvachan ke sath shodshopchar pujan karen. bhagvan dhanvantari praktay katha devan krishansursanghnipiditangan drishtva dayalurmritan vitritukamah. pathodhimanthanavidhau prakto'bhavadyo dhanvantariah s bhagvanvtat sada nah .. ‘asuron dvara pirit hone se jo durbal ho rahe the, un devtaon ko amrit pilane ki ichcha se hi bhagvan dhanvantari samudra-manthan se prakat hue the. ve hamari sada raksha karen.’ sagar manthan ka mahatva batlakar devtaon ne asuron ko apna mitra bana liya. iske pashchat dev aur danvon ne milakar anek aushdhiyon ko kshirsagar men dala. mandarachal ko mathani aur vasukinag ko rassi banakar jyon hi unhonne samudra-manthan praranbh kiya, tyon hi niradhar mandarachal samudra men dhansne laga. tab svayan sarveshvar bhagvan ne kurmarup se mandagiri ko apni pith par dharan kiya. itna hi nahin bhagvan ne devtaon, danvon evan vasukinag men pravisht hokar aur svayan mandrachal ko upar se dabakar samudra-manthan karaya. halahal, kamdhenu,, airavat, uchchaiahshrava, ashva, apsaraen, kaustubhmni, varuni, shankh, kalpavriksh, chandrama, lakshmiji aur kadlivriksh usse prakat ho chuke the. amrit-prapti ke lie punah samudra-manthan hone laga aur ant men hath men amrit-kalash lie bhagvan dhanvantari prakat hue. dhanvantari sakshat vishnu ke ansh se prakat hue the, isilie unka svarup bhi meghashyam shrihri ke saman shyamal evan divya tha. chaturbhuj dhanvantari shaurya evan tej se yukt the. amrit vitaran ke vad devraj indra ne unse devvaidya ka pad svikar karne ki prarthana ki. unhonne indra ke ichchanusar amravti men nivas karna svikar kar liya. kuch samay bad prithvi par anek vyadhiyan failin. manushya vibhinn prakar ke rogon se kasht pane lage. tab indra ki prarthana par bhagvan dhanvantari kashiraj divodas ke rup men prithvi par avtrit hue. unhen adidev, amaravar, amrityoni, abj adi vibhinn namon se sanbodhit kiya gaya hai. lok-kalyanarth evan jara adi vyadhiyon ko nasht karne ke lie svayan bhagvan vishnu dhanvantari ke rup men kartik krishn trayodshi ko prakat hue the, atah ayurved-premi bhagvan dhanvantari ke bhaktagan evan ayurved ke vidvan har varsh isi din arogya-devta ke rup men unki jayanti manate hain. bhagvan dhanvantari ka sanpurn pujnadi kritya bhagvan vishnu ke mantron ya purush sukt se hi karna chahie. sath hi vishnu mantron ka jap evan unki divya kathaon ka shravan bhi karna chahie. nimnalikhit do mantron se bhi pujan kar jap v yagya karya ko purn karen. din v ratri men bhagavantam sankirtan bhi karen. mantra 1. dhanvine namah 2. dhanvantarine namah jis prakar bhagvan krishn ke vratadi men falaharadi naivedya ka prasad rup men bhakshan kiya jata hai, usi prakar dhanvantari vrat men bhi suryast se purva ek bar falahari bhojan karna chahie. is vrat ki purnata se arogya ki prapti to hoti hi hai, bhagvan ki kripa se bhagavaddham ki prapti ka marg bhi sulabh ho jata hai.
Kya aapko lekh pasand aaya?
Subscribe