bhut-pret nivarak jyotishiya samagri  

bhut-pret badha nivarak jyotishiya samagri rekha kalpadev, fyuchar paeint jivan men viprit paristhitiyon ka samna kisi bhi vyakti ko karna par sakta hai. manushya jab bhut-pret athva najar, hay ya kisi dusht atma ke jal men fans jata hai tab uski samasya ka samadhan karna dushkar karya hota hai. aise men badhit vyaktiyon ko jyotishiya samagriyon ke dharan ya pujan se avashya labh milta hai. najar suraksha laeket svasthyavarddhak aur jivan ki badhaon ko hatane vala laeket hai. buri najar se bachav karta hai. tantra-mantra-jadu, tone ke dushprabhav ko katta hai v shani dosh, sarhesati, dhaiyya ki avdhi men, vishesh rup se shubh rahta hai. najar dosh nivarak laeket purn shraddha aur vishvas se dharan karne par dharak ki sabhi parabadhaon ka nivaran hota hai. iske chamatkarik prabhav se mansik aur sharirik svasthya men vriddhi hoti hai tatha sakaratmak urja ka sanchar dharak ko asha aur unnati ki or lekar jata hai. badhamukti kavach badhamukti kavach panchmukhi, terhmukhi tatha ganesh rudraksh ke sanyukt mel se banaya gaya hai. terah mukhi rudraksh vishveshvar ka pratik hone ke karan sabhi badhaon ko nasht karta hai. panchmukhi rudraksh, maharudra svarup hai aur pap, tap adi ashubh badhaon se raksha karta hai. ganesh rudraksh vighneshvar ka svarup hone ke karan jivan men ane vali sabhi vighna-badhaon ko dur karta hai. is badhamukti kavach ko dharan karne se dharanakarta ke jivan men ane vali sabhi badhaon ka nirakaran hota hai. kale ghore ki nal ghar men mukhya darvaje par kale ghore ki nal lagane se najar dosh dur hota hai. jin vyaktiyon ki kundli men shani ki dhaiyya, shani ki sarhesati, shani ki dasha chal rahi ho, un vyaktiyon ke lie shani upay karna vishesh rup se labhkari siddh ho sakta hai. ghore ki nal shighra saflta pradan karne ke lie prasiddh hai. motar vahan men samne lagakar pratishthit kiya jaye, to durghatana ki ashanka kam hoti hai. kale ghore ki nal ki anguthi kale ghore ki nal ki anguthi nich karmon se dur rakhti hai tatha bhut-pret, tona, totka, najar dosh adi se bachati hai. evan parivar men kalh-pira nahin hoti. yah naukri peshavalon ke lie bhi upyogi hai. jyotish ke anusar shani jivan men kai bar dhaiyya, sarhesati, mahadsha v antardasha ke rup men prabhavi hote hain. is sthiti men kale ghore ki nal anguthi men dharan karna shani doshon ka nivaran karta hai. kale hakik ki mala ghar se daridrata dur karne ke lie kale hakik ki mala ko puja ghar men sthit mata lakshmi ke chitra par charha den. aisa karne se sadhak ki arthik sthiti men dhire-dhire sudhar hona shuru ho jaega. kale hakik ki mala par hanuman mantra ka jap karne se shatru badha aur pret badha ka nivaran hota hai. janm patrika men shani akarak hone par tatha shani se sanbandhit vastuon ke vyapariyon ko shani upasna niyamit rup se karni chahie. kale hakik ki mala par shani ke mantra ka jap karna atyant labhkari rahta hai. baglamukhi yantra baglamukhi yantra dvara shatruon par vijay v vanchit saflta prapt ho sakti hai. baglamukhi yantra buri shaktiyon se bachav ke lie achuk yantra hai. baglamukhi yantra akal mrityu, danga fasad, apreshan adi se bachav karta hai. ise gale men pahnne ke sath-sath puja ghar men rakh sakte hain. apni saflta ke lie koi bhi vyakti is yantra ka upyog kar sakta hai. bhairav yantra ke sahyog se ap bhairav ji ka ashirvad prapt kar sakte hain. bhairav yantra bhut-pret, kale jadu ke prabhav ko dur karne men sahyog karta hai, tantra-mantra ki nakaratmak shaktiyon se vyakti ko bacha kar rakhta hai tatha sakaratmak shaktiyon ki shubhta banae rakhta hai. shri bhairav yantra svasthya sukh dene vala yantra hai. is yantra se ap apne rin, rog par vijay prapt karne men safal ho sakte hai. vyavsayik samasyaon ka nivaran karne men bhi bhairav yantra labhkari siddh hota hai. shri bhairav yantra ke sabhi shubh fal prapt karne ke lie is yantra ki niyamit rup se puja karni chahie. sanpurn badhamukti yantra shatruon par vijay, mukaddame men jit, ruke karyon men saflta aur buri najar se bachav ke lie sanpurn badhamukti yantra bahut prabhavshali hai. isse jatak ka chot, durghatana, durbhagya adi se bachav hota hai. jatak ka prabhamandal ujjaval hota hai. sanpurn badhamukti yantra men mahamrityunjay yantra, baglamukhi yantra, navagrah yantra, vashikaran yantra, vahan durghatana nashak yantra, shani yantra, rahu aur ketu yantra, vastu dosh nivaran yantra, ganpti yantra aur kalasarp yantra sammilit hain. gita yantra sanpurn jagat men shrimadabhagavat gita ka path ati labhaprad hai. gita path karne valon ko yah yantra avashya hi apne pas rakhna chahie. yantra ke sammukh gita path karne se sahastrogun se adhik fal milta hai. path karne men asamarthata hone par yantra ke sammukh shuddh man se tulsi ya panchmukhi rudraksh ki mala par jap karna vishesh labh deta hai. gita yantra par pratidin gyarah ki sankhya men bilvapatra arpan karne se lakshmi ji santusht hokar labhvriddhi karti hain. ghar men shanti ka vatavaran bana rahta hai. gita yantra ki upasna se bhut-pret evan pitri dosh ki shanti hoti hai tatha gita yantra ki upasna se vidya prapti hoti hai. shri hanuman ji kripa yantra jo vyakti jivan ke har kshetra men saflta prapt karna chahta hai. use pratidin is yantra ka pujan karna chahie. iske atirikt jin vyaktiyon ki kundli men manglik yog ho, un vyaktiyon ke lie is yantra ka pujan karna labhkari siddh ho sakta hai. shri hanuman kripa yantra ke niyamit pujan se sabhi prakar ki upri badhaon se mukti milti hai. upri badha, najar, tona-totka, bhut-pret adi ki shanti evan inse hone vale kashton se bachne ke lie loban, gandhak, rai evan kali mirch ko hanuman yantra ke upar se 7 bar fer kar ghar ke praniyon ke pas rakhne se upri badhaen nasht hoti hain. gyarhmukhi rudraksh sakshat rudra hai. yah 11 rudron evan bhagvan shankar ke gyarhven avtar sanktmochan mahavir bajrangbli ka pratik hai. ise dharan karne vale vyakti ko sansarik aishvarya aur santan sukh prapt hota hai aur uski sari upri badhaen dur hoti hain. terhmukhi rudraksh sakshat indra ka svarup hai. yah kartikey ke saman samast prakar ke aishvarya deta hai aur kamnaon ki purti karta hai. ise dharan karne se vyakti sabhi prakar ki dhatuon evan rasaynon ki siddhi ka gyata ho jata hai. kuch vidvanon ke anusar kamdev ko bhi terhmukhi rudraksh ka devta mana gaya hai. iska prabhav shukra grah ke saman hota hai. yah niahsantan ko santti pradan karne vala, sukh, shanti, saflta evan arthik samriddhi pradayi rudraksh hai. pandrahmukhi rudraksh bhagvan pashuptinath ka svarup mana gaya hai. yah dharak ke arthik evan adhyatmik star ko uthakar use sukh, sanpda, man- samman-pratishtha evan shanti pradan karta hai. pandrahmukhi rudraksh vishesh rup se najar dosh aur bhut badha se mukti prapti ke lie dharan kiya jata hai. bismukhi rudraksh ko janardan svarup kaha gaya hai. ise dharan karne se bhut, pishach adi ka bhay nahin rahta. sath hi krur grahon ka ashubh prabhav bhi nahin parta hai. vah shraddha evan tantra vidya ke jarie vishesh saflta prapt karta hai. use sarpadi vishdhari praniyon ka bhi bhay nahin hota hai.